Gyɛlɛmaya 6:1-30

  • Gyɛlusalɛm ɛtetalɛ ɛbikye (1-9)

  • Gyihova vale Gyɛlusalɛm anwo ɛya (10-21)

    • Bɛka kɛ “Anzodwolɛ!” noko anzodwolɛ ɛnle ɛkɛ (14)

  • Atisesebɛma vi sɔlɔ bara (22-26)

  • Gyɛlɛmaya bayɛ awie mɔɔ sɔ bulalɛ nea (27-30)

6  O Bɛngyaman abozoamra, bɛvi Gyɛlusalɛm, bɛkpondɛ ɛleka bɛhɔvea. Bɛwu aweɛne ne+ anu wɔ Tɛkowa;+Bɛzɔ senle sɛkɛlɛneɛ ne wɔ Bɛte-hakɛlɛm! Ɔluakɛ munzule vi sɔlɔ nehane ɛlɛba, ɛzɛkyelɛ kpole bie.+   Suakpole Zayɔn* zɔho raalɛ anwofɛlɛko mɔɔ bɛdɛfɛdɛfɛ ye la.+   Mboaneneavolɛma nee bɛ mboane ekpunli bara. Bɛbasisi bɛ ɛdanlɛ azua bɛabɔ ye bɛayia,+Awie biala mboane ekpunli badidi ɛleka mɔɔ ɔwɔ la.+   “Bɛboɔboa bɛ nwo* bɛ nee ye ɛhɔho! Bɛdwazo bɛmaa yɛhɔteta ye ewiazo henlema!” “Yɛ gyakɔ, ɔluakɛ alehyenlɛ ne ɛlɛkɔ awieleɛ,Nɔsolɛ nu ɛlawolɛ ne mɔ ɛlɛyɛ ndendenle!”   “Bɛdwazo bɛmaa yɛhɔteta ye nɔɔzoNa yɛzɛkye ye aranemgbole ne mɔ.”+   Mɔɔ ɛlɔne Gyihova ɛha la ɛne: “Bɛpepɛ mbaka na bɛhuohua ɛnwea* bɛbɛnga Gyɛlusalɛm bɛyia.+ Ɔle suakpole mɔɔ ɔwɔ kɛ bɛtwe ɔ nzo;Nzisi ala a wɔ ɛkɛ a.+   Kɛ mɔɔ bɛnyia nzule weɛlɛkɔkɔ bɛfi bula nu la,Zɔhane ala a amumuyɛyɛlɛ noko wɔ suakpole ɛhye azo a. Bɛte basabasayɛlɛ nee ɛzɛkyelɛ wɔ ɛkɛ;+Anwodolɛ nee ngyegyelɛ a menwu bɛ dahuu a.   O Gyɛlusalɛm, die ɛdenrɛdenrɛlɛ ne to nu, anrɛɛ mebahwe me nwo meavi ɛ nwo kɛ kyibadeɛ bie la;+Mebamaa wɔadɔ mgbane, wɔayɛ azɛlɛ mɔɔ awie ɛnde zo.”+   Mɔɔ ɛlɔne Gyihova ɛha la ɛne: “Yizilayɛma mɔɔ ɛha la le kɛ vanye ma bo zo la. Boɔboa bɛ nloa kɛ awie mɔɔ ɛlɛboɔboa vanye ma bo zo nloa la.” 10  “Nwane a ɔwɔ kɛ metendɛ mekile ye na mebɔ ye kɔkɔ a? Nwane a badie a? Nea! Bɛduodua bɛ nzo,* ɔti bɛnde edwɛkɛ.+ Nea! Gyihova edwɛkɛ ne yɛ bɛ ɛzelekɛ;+Bɛ nye ɛnlie nwolɛ. 11  Ɔti Gyihova ɛya ne ɛyi me,Na meli ye me kunlu mevɛ.”+ “Wola gua kakula mɔɔ lua awɔdenle zo la anwo zo,+Wola gua mgbavolɛ ekpunli ekpunli mɔɔ bɛyia nu la anwo zo. Bɛbahye bɛ muala bɛahɔ, nrenyia nee ɔ ye,Mgbanyima nee mrelera.*+ 12  Bɛ azua bayɛ awie mɔ ɛdeɛ,Bɛ egyinli nee bɛ ye mɔ noko zɔhane ala.+ Na mebadende me sa meaha bɛdabɛ mɔɔ bɛde azɛlɛ ne azo la,” Gyihova a se a. 13  “Ɔluakɛ ɔvi mɔɔ le ekyi kɔdwu mɔɔ le kpole la anwo zo, awie biala ɛlɛkpondɛ nvasoɛ ɛtane;+Ɔvi ngapezonli nwo zo kɔdwu ɛsɔfo nwo zo, awie biala ɛlɛsisi ɔ gɔnwo.+ 14  Bɛmmiemia me menli ne nganlɛ ne mɔ boɛ, na bɛka kɛ,‘Anzodwolɛ wɔ ɛkɛ! Anzodwolɛ wɔ ɛkɛ!’ Wɔ mekɛ mɔɔ anzodwolɛ biala ɛnle ɛkɛ ne la.+ 15  Asoo ɔyɛle bɛ nyiane kɛ bɛyɛle bɛkyi ninyɛne la? Yeanyɛ bɛ nyiane fee! Bɛnze nyiane deɛ holɛ!+ Ɔti bɛbaboka menli mɔɔ ɛgua aze la anwo bɛagua aze. Saa metwe bɛ nzo a bɛbatele bɛadɔ aze,” Gyihova a se a. 16  Mɔɔ Gyihova ɛha la ɛne: “Bɛhɔgyinla nwɔnda ne azo bɛnlea. Bɛbiza tete adenle ne,Bɛbiza ɛleka mɔɔ adenle kpalɛ ne wɔ la na bɛva zo,+Na bɛbalie bɛ menle.” Noko bɛka kɛ: “Yɛnrɛva zo.”+ 17  “Na memkpale sinzavolɛma+ mɔɔ hanle kɛ,‘Bɛdie aweɛne ne ane la!”+ Noko bɛhanle kɛ: “Yɛnrɛdie.”+ 18  “Ɛhye ati, O maanle maanle, bɛdie! O ayiama,Na bɛnwu mɔɔ bado bɛ la. 19  Tie, O azɛlɛ! Melɛfa munzule meara menli ɛhye mɔ anwo zo+Kɛ bɛ nzuzulɛ ɛtane ne azo ma,Ɔluakɛ bɛandie me edwɛkɛYɛɛ bɛkpole me mɛla* ne.” 20  “Kɛ meyɛ ɛyɛlɛvuanlɛ ne mɔɔ bɛ nee ye vi HyibaNee baka evuanlɛ ne* mɔɔ bɛ nee ye vi moamoa ba la ɛ? Menrɛlie bɛ ɛyelalɛ afɔlebɔlɛ ne,Yɛɛ me nye ɛnlie wɔ afɔlebɔlɛ biala anwo.”+ 21  Ɛhye ati, mɔɔ Gyihova ɛha la ɛne: “Melɛfa azedolɛ awolɛ meagua menli ɛhye mɔ anyunlu,Na bɛbamaa bɛagua aze,Papa mɔ nee mralɛ amuala,Agɔnwolɛ nee awie mɔɔ ɔ nee ye zua nwolɛ la,Bɛ muala bɛbaminli.”+ 22  Mɔɔ Gyihova ɛha la ɛne: “Nea! Menli bie vi sɔlɔ azɛlɛ ne azo lɔ ɛlɛba,Na maanle kpole bie vi azɛlɛ ne ati nehane badwazo.+ 23  Bɛdedɛ ɛda nee atwɛ ezinra.* Bɛ ti yɛ se yɛɛ bɛnrɛze anwunvɔne. Bɛ ne bahulu kɛ nyevile,Na bɛdede mgbɔnwɔ zo.+ Bɛboɔboa bɛ nwo bɛmaa konle kɛ katakyie mɔɔ ɔ nee wɔ baho la, O Zayɔnoma.” 24  Yɛde nwolɛ edwɛkɛ. Yɛ sa nu ɛdo;+Ngyegyelɛ ɛkyekye yɛ,Yɛte nyane* kɛ raalɛ mɔɔ ɛlɛwo la.+ 25  Bɛmmakɔ ɛbɔ nu,Yɛɛ bɛmmafa adenle ne azo,Ɔluakɛ kpɔvolɛ ne lɛ konle dadeɛ;Ɛzulolɛ ɛbɔ yɛ ɛyia. 26  O me menli ne ara raalɛ,Keda ɛrele+ na kundo ɛ nwo aze wɔ nzonle nu. Di nyane kɛ mɔɔ bɛdi ye wɔ ralɛ kokye anwo la, na su alɔbɔlɛ ɛzunlɛ,+Ɔluakɛ sɛkyevolɛ ne bara yɛ nwo zo arɛlevilɛ nu.+ 27  “Meyɛ wɔ* awie mɔɔ sɔ bulalɛ nea la memaa me menli ne,Awie mɔɔ ɛlɛyɛ neɛnleanu kpalɛ la;Ɛbanwu ye na wɔanleɛnlea bɛ adenle nu. 28  Bɛ muala bɛ nzo yɛ se kpalɛ,+Bɛluolua nu kɛ dumasɛkyevoma la.+ Bɛle kɛ kɔbele nee bulalɛ;Bɛ muala bɛzɛkye. 29  Dwinvolɛ senle* ne mɔ ɛzɔ. Sumi vi bɛ senle ne anu ba. Mɔɔ ɛlɛkolo ayeye nuhua evinli ne la yɛ gyima mgbane,+Na bɛtɛyele amumuyɛma ne bɛtɛfile bɛ avinli.+ 30  Menli bavɛlɛ bɛ kɛ dwɛtɛ fufule mɔɔ bɛkpo ye,Ɔluakɛ Gyihova ɛkpo bɛ.+

Ɔbodwɛkɛ

Hibulu aneɛ nu, “Zayɔn ara raalɛ ne.”
Hibulu aneɛ nu, “Bɛde bɛ nwo.”
Anzɛɛ “awolɛ.”
Hibulu aneɛ nu, “Bɛtɛpɛle bɛ nzo mrenyiazo.”
Hibulu aneɛ nu, “bɛdabɛ mɔɔ bɛli mekɛ dɔɔnwo la.”
Anzɛɛ “adehilelɛ.”
Ndɔ baka bie mɔɔ bɔ evuanlɛ.
Anzɛɛ “gyavelin.”
Hibulu aneɛ nu, “awolɛ nyane.”
Ɛhye kile, Gyɛlɛmaya.
Anzɛɛ “ɛvaloɛ.”