Gyɛlɛmaya 45:1-5

  • Gyihova edwɛkɛ maa Bɛlɛke (1-5)

45  Edwɛkɛ mɔɔ ngapezonli Gyɛlɛmaya hanle hilele Nelaya ara Bɛlɛke+ wɔ mekɛ mɔɔ ɔhɛlɛle edwɛkɛ ɛhye mɔ mɔɔ Gyɛlɛmaya+ hanle hilele ye wɔ buluku nu wɔ Dwuda Belemgbunli Gyɛhɔyakem,+ Dwosaya ara ne ɛvolɛ nna ne azo la ɛne:  “Mɔɔ Gyihova, Yizilayɛ Nyamenle ne ɛha ɛvale ɛ nwo la ɛne, Bɛlɛke,  ‘Wɔha kɛ: “Me gyakɔ, ɔluakɛ Gyihova ɛva alɔbɔlɛlilɛ ɛboka me nyanelilɛ ne anwo! Me ɛkponlenlɛ ɛmaa mevɛ, na metɛnyianle ɛleka mɔɔ mebalie me menle a.”’  “Ka kile ye kɛ, ‘Mɔɔ Gyihova ɛha la ɛne: “Nea! Mɔɔ mezi la melɛbubu ye meagua, na mɔɔ melua la melɛtudu. Mebayɛ ɛhye wɔ azɛlɛ ye ɛleka biala.+  Noko wɔmɔ, ɛlɛkpondɛ ninyɛne mgbole wɔamaa ɛ nwo.* Gyakyi ninyɛne zɛhae mɔ ɛkpondɛlɛ.”’ “‘Ɔluakɛ melɛfa munzule meara nwonane* kɔsɔɔti anwo zo,’+ Gyihova a se a, ‘noko ɛleka biala mɔɔ ɛbahɔ la, mebalie wɔ ngoane.’”*+

Ɔbodwɛkɛ

Anzɛɛ “ɛ nye la ninyɛne mgbole ade.”
Anzɛɛ “menli.”
Anzɛɛ “mebamaa wɔanyia wɔ ngoane.”