Gyɛlɛmaya 18:1-23

  • Ndɛtɛlɛ wɔ nwovolɛ asa anu (1-12)

  • Gyihova hakyile ɔ nzi zile Yizilayɛ (13-17)

  • Bɛvale Gyɛlɛmaya anwo adwenle ɛtane; ye nzɛlɛlɛ (18-23)

18  Edwɛkɛ mɔɔ vi Gyihova ɛkɛ rale Gyɛlɛmaya ɛkɛ ne la ɛne:  “Dwazo na kɔ nwovolɛ ne sua nu,+ na ɛkɛ ne a mebamaa wɔade me edwɛkɛ ne a.”  Ɔti mengɔle nwovolɛ ne sua nu, na ɛnee ɔlɛnwo debie wɔ nwovolɛma ehwili ne azo.  Noko deɛ ne mɔɔ nwovolɛ ne ɛlɛfa ndɛtɛlɛ ne anwo la zɛkyele wɔ ɔ sa nu. Yemɔti nwovolɛ ne vale nwonle debie fofolɛ mɔɔ ɔnwunle kɛ ɔfɛta la.”*  Akee Gyihova edwɛkɛ ne rale me ɛkɛ ne kɛ:  “‘O Yizilayɛma, asoo mengola menyɛ bɛ kɛ mɔɔ nwovolɛ ɛhye ɛyɛ ye la?’ Gyihova a se a. ‘Nea! Kɛ mɔɔ ndɛtɛlɛ de wɔ nwovolɛ asa anu la, zɔhane ala a bɛdabɛ noko bɛde wɔ me sa nu a, O Yizilayɛma.+  Mekɛ biala mɔɔ mebaha kɛ metu maanle anzɛɛ belemgbunlililɛ bie abo, meabubu ye meagua na meazɛkye ye,+  na maanle zɔhane gyakyi ye amumuyɛ nyɛleɛ ne mɔɔ mendendɛle mentiale ye wɔ nwolɛ la a, medame noko mebahakyi me adwenle* wɔ munzule ne mɔɔ menzuzule kɛ mefa meara ɔ nwo zo la anwo.+  Noko mekɛ biala mɔɔ mebaha kɛ mekyekye maanle anzɛɛ belemgbunlililɛ bie na meamaa yeagyinla,* 10  na ɔyɛ mɔɔ le ɛtane wɔ me nye zo la na yeandie me ne a, medame noko mebahakyi me adwenle* wɔ kpalɛ biala mɔɔ menzuzule kɛ meyɛ meamaa ye la anwo.’ 11  “Ɔti kɛkala, mesɛlɛ wɔ, ka kile Dwuda mrenyia nee Gyɛlusalɛmma kɛ, ‘Mɔɔ Gyihova ɛha la ɛne: “Nea, melɛfa bɛ nwo adwenle kɛ memaa munzule ado bɛ. Mesɛlɛ bɛ, bɛzia bɛ nzi bɛvi bɛ ndenle ɛtane ne mɔ azo, na bɛhakyi bɛ ndenle nee bɛ nyɛleɛ.”’”+ 12  Noko bɛhanle kɛ: “Nvasoɛ biala ɛnle zo!+ Yɛbalua yɛdayɛ mumua ne yɛ nzuzulɛ nu, na awie biala bayɛ mɔɔ ye ahonle ɛtane ne mɔɔ ɛde atua la kulo la.”+ 13  Ɔti mɔɔ Gyihova ɛha la ɛne: “Mesɛlɛ bɛ, bɛhɔbiza maanle maanle ne mɔ. Nwane a ɛde ɛhye bie ɛlɛ a? Yizilayɛma ɛyɛ debie ɛzulolɛ kpole kpalɛ.+ 14  Asoo ezukɔtweaba bahola avi Lɛbanɔn bodane ne mɔ azo? Anzɛɛ nzule weɛlɛkɔkɔ mɔɔ vi moamoa se la basesa ɔ? 15  Noko me menli ne arɛle ɛvi me.+ Ɔluakɛ bɛbɔ afɔle bɛmaa ninyɛne mɔɔ anwo ɛnlɛ nvasoɛ la,+Na bɛmaa menli kpo aze wɔ bɛ ndenle nu, wɔ tete ndenle ne mɔ azo,+Amaa bɛahɔva ndenle mɔɔ wɔ ahane mɔɔ zolɛ ɛnle kpalɛ na bɛtɛyɛle ye boɛ la azo, 16  Na bɛ azɛlɛ ne bahakyi debie ɛzulolɛ bie+Nee debie mɔɔ menli babɔ nwolɛ nvonloma dahuu a.+ Awie biala mɔɔ bapɛ nu wɔ ɛkɛ ne la bava ɛzulolɛ anlea na yeakpusu ɔ ti.+ 17  Mebayɛ kɛ aduduleɛ anwoma, meabɔ bɛ asande wɔ kpɔvolɛ ne anyunlu. Wɔ bɛ anwongyelelɛ mekɛ nu, mebahakyi me nzi meazi bɛ na menrɛnlea bɛ nyunlu.”+ 18  Na bɛhanle kɛ: “Bɛrɛla, bɛmaa yɛva Gyɛlɛmaya anwo adwenle,+ ɔluakɛ yɛ ɛsɔfoma bahɔ zo ahilehile yɛ mɛla ne, nrɛlɛbɛvolɛma bahɔ zo adu yɛ folɛ na ngapezoma ahɔ zo aha Nyamenle edwɛkɛ ne ahile yɛ. Bɛrɛla bɛmaa yɛdendɛ yɛtia ye na bɛmmamaa yɛtie mɔɔ ɔka la.” 19  O Gyihova, tie me,Na tie mɔɔ me kpɔvolɛma noko ɛlɛka la. 20  Asoo ɔwɔ kɛ bɛfa ɛtane bɛtua kpalɛ kakɛ? Ɔluakɛ bɛvu kuma kɛ bɛku me.+ Kakye kɛzi mengyinlanle ɛ nyunlu menganle bɛ nwo edwɛkɛ kpalɛ,Kɛ ɛye wɔ ɛya ne ɛvi bɛ nwo zo la. 21  Ɔti fa bɛ mra mrenyia ne mɔ wula ɛhɔne sa nu,Na fa bɛ wula konle dadeɛ sa nu.+ Maa bɛ ye mɔ amra ɛvi bɛ sa na eza bɛyɛ ahunlanvolɛ.+ Maa ewule ɛzulolɛ ɛhu bɛ mrenyia,Na bɛva konle dadeɛ bɛhu bɛ mgbavolɛ wɔ konle nu.+ 22  Maa nwule ekpunli ɛrɛla bɛ nwo zo arɛlevilɛ nuNa ɛzunlɛ ɛdɔ bɛ awuke ne mɔ anu. Ɔluakɛ bɛvu kuma kɛ bɛfa bɛahye meYɛɛ bɛzua me gyakɛ ɛhane.+ 23  Noko wɔmɔ, O Gyihova,Ɛze adwenle mɔɔ bɛva ye wɔ me nwo kɛ bɛku me la amuala.+ Mmafa bɛ nvonleɛ ɛkyɛ bɛ,Yɛɛ mmakyikyi bɛ ɛtane ɛfi ɛ nye zo. Maa bɛdu bɛgua aze wɔ ɛ nyunlu+Wɔ mekɛ mɔɔ ɛbahwe bɛ nzo wɔ wɔ ɛyavalɛ ne anu la.+

Ɔbodwɛkɛ

Hibulu aneɛ nu, “kɛ mɔɔ ɔfɛta wɔ nwovolɛ ne anye zo kɛ ɔyɛ la.”
Anzɛɛ “mebanlu me nwo.”
Hibulu aneɛ nu, “mealua.”
Anzɛɛ “mebanlu me nwo.”