Gyɛlɛmaya 17:1-27

  • Bɛhɛlɛle Dwuda ɛtane ne (1-4)

  • Gyihova anu anwodozo nwo nyilalɛ (5-8)

  • Ahonle le mɛlɛbɛla (9-11)

  • Gyihova, Yizilayɛ anyelazo (12, 13)

  • Gyɛlɛmaya asɔneyɛlɛ (14-18)

  • Bɛyɛ Ɛnwomenlelielɛ kenle ne nwuanzanwuanza (19-27)

17  “Bɛva bulalɛ pɛne a bɛhɛlɛ Dwuda ɛtane ne bɛdo ɛkɛ a. Bɛva daemɔn pɛne bɛhɛlɛ ye wɔ bɛ ahonle nwoNee bɛ afɔlemokyea ne mɔ mɛne ne mɔ azo,   Yɛɛ bɛ mra kakye bɛ afɔlemokyea nee bɛ ɛzonlenlɛ mbaka* ne mɔ+Wɔ mbaka buzuu bo nee awoka ndendenle zo,+   Wɔ awoka mgbole zo wɔ ɛbɔ nu. Mebamaa bɛave bɛ ninyɛne nee bɛ agyapadeɛ kɔsɔɔti+—Ɛhɛe, bɛ ɛzonlenlɛ ɛleka ne mɔ* ɔlua ɛtane mɔɔ bɛyɛ ye wɔ bɛ azɛlɛ ne kɔsɔɔti azo la ati.+   Ɛbamaa agyapadeɛ ne mɔɔ menvale memaanle wɔ la avi ɛ sa.+ Na mebamaa wɔazonle wɔ kpɔvolɛma wɔ azɛlɛ mɔɔ ɛnze zolɛ la azo,+Ɔluakɛ wɔzɔ me ɛya ne kɛ senle la.*+ Ɔbazɔ dahuu.”   Mɔɔ Gyihova ɛha la ɛne: “Munzule ɛha sonla ne* mɔɔ fa ɔ nwo to sonla nwo zo,+Mɔɔ fa ɔ rɛle wula sonla tumi nu,*+Na ye ahonle ɛvi Gyihova anwo la.   Ɔbayɛ kɛ baka mɔɔ ɔ ngome ɔgyi ɛsɛlɛ zo la. Debie kpalɛ ba a ɔnrɛnwu ye,Na ɔbadɛnla azɛlɛ resee zo wɔ fienemgbole nu,Wɔ azɛlɛ mɔɔ ngyenle wɔ nu na awie biala ɛngola ɛndɛnla ɛkɛ ne la azo.   Nyilalɛ ɛha sonla ne* mɔɔ fa ɔ nwo to Gyihova anwo zo,Na ɔ rɛle wɔ Gyihova anu la.+   Ɔbayɛ kɛ baka mɔɔ gyi azule nloa,Na ye ndinli kɔdwu azule ne anu la. Saa wuluwulu ba a, ɔnrɛnwu ye,Dahuu ye nya le duhuduhu.+ Na saa ezule ɛndɔ na azɛlɛ nwo we a ɔndwenle nwo,Yɛɛ ɔnrɛgyakyi ma ɛzolɛ.   Ahonle le mɛlɛbɛla tɛla debie biala yɛɛ ɔ nwo yɛ ɛvɛlɛ.*+ Nwane a kɛhola kɛnwu nu a? 10  Medame, Gyihova, meneɛnlea sonla ahonle nu,+Na meneɛnlea sonla ti anu,*Kɛ memaa awie biala debie kɛ mɔɔ ye ndenle de,Kɛ mɔɔ ye gyima zo ma de la.+ 11  Mɔɔ kpondɛ ezukoa wɔ adenle ɛtane zo* la,+Ɔle kɛ kandalɛ mɔɔ boɔboa aholonvia mɔɔ tɛ ɔdaye a ɔdole la anloa la. Mekɛ kɔ bie a bɛbavi ɔ sa,Na awieleɛ ne ɔbayɛ koasea.” 12  Anyunlunyia belemgbunli ebia ne, bɛkpogya ye zo ɔvi mɔlebɛbo ne,Yemɔ a le yɛ ɛzonlenlɛsua ne.+ 13  O Gyihova, Yizilayɛ anyelazo,Bɛdabɛ mɔɔ bɛkpo wɔ la amuala anyunlu bagua aze. Bɛbahɛlɛ bɛdabɛ mɔɔ bɛkpɔkye bɛfi ɛ nwo* la aluma wɔ munlutu nu,+Ɔluakɛ bɛkpo Gyihova mɔɔ le ngoane nzule ɛvileka ne la.+ 14  Yɛ me ayile, O Gyihova, na mebade kpɔkɛ. Die me, na mebanyia ngoane,+Wɔmɔ a meye wɔ ayɛlɛ a. 15  Nea! Bie mɔ ɛlɛka ahile me kɛ: “Gyihova edwɛkɛ ne wɔ nienwu?+ Yɛsɛlɛ wɔ, maa ɔrɛla nu* ɛ!” 16  Noko mame, metɛkpole kɛ mebali ɛ nzi kɛ mboaneneavolɛ,Yɛɛ me nye ɛnla ɛzɛkyelɛ kenle ne ade. Ɛze mɔɔ meva me nloa meha la amuala;Ɔ muala zile ɛ nyunlu! 17  Mmaka me ɛzulolɛ. Ɛle me feabelɛ wɔ munzule kenle nu. 18  Maa menli mɔɔ yɛ me kpɔdekpɔde la anyunlu ɛgua aze,+Noko mmamaa me nyunlu gua aze. Maa ɛzulolɛ ɛha bɛ,Noko mmamaa ɛzulolɛ ka me. Maa munzule kenle ne ɛdo bɛ,+Bɛtɛ bɛ na sɛkye bɛ bɔkɔɔ.* 19  Mɔɔ Gyihova hanle hilele me la ɛne: “Kɔ na kɔgyinla anlenkɛ kpole ne* mɔɔ Dwuda arelemgbunli fa nu kɔ na bɛfa nu bɛba la anloa, nee Gyɛlusalɛm nlenkɛ mgbole ne mɔ kɔsɔɔti anloa.+ 20  Na se bɛ kɛ, ‘Bɛdie Gyihova edwɛkɛ, bɛmɛ Dwuda arelemgbunli, Dwudama amuala nee Gyɛlusalɛmma amuala, awie biala mɔɔ fa nlenkɛ mgbole ɛhye mɔ anu wolo la. 21  Mɔɔ Gyihova ɛha la ɛne: “Bɛnlea bɛ nwo* boɛ, na bɛmmasoa bɔlɛ biala wɔ Ɛnwomenlelielɛ kenle anzɛɛ bɛmmafa bɛdua Gyɛlusalɛm nlenkɛ mgbole ne mɔ anu bɛba.+ 22  Bɛmmafa bɔlɛ biala bɛfi bɛ awuke ne mɔ anu bɛba wɔ Ɛnwomenlelielɛ kenle; yɛɛ bɛmmayɛ gyima biala.+ Bɛyɛ Ɛnwomenlelielɛ kenle ne nwuanzanwuanza, kɛ mɔɔ menganle mengilele bɛ nenyia mɔ la.+ 23  Noko bɛandie yɛɛ bɛanyɛ ɛnzolɛ, emomu bɛyɛle anzosesebɛ* kɛ bɛnrɛdie yɛɛ bɛnrɛlie ɛdeanlɛ bɛnrɛdo nu.”’+ 24  “‘“Noko, saa bɛtie me kpalɛ,” Gyihova a se a, “na bɛanzoa bɔlɛ biala bɛanlua suakpole ɛhye nlenkɛ mgbole ne mɔ anu bɛamba wɔ Ɛnwomenlelielɛ kenle, na bɛyɛ Ɛnwomenlelielɛ kenle ne nwuanzanwuanza na bɛanyɛ gyima biala a,+ 25  yemɔ arelemgbunli nee mgbanyima mɔɔ bɛde Devidi belemgbunli ebia ne azo+ la noko badɛnla ehwili nu nee mgbɔnwɔ zo alua nlenkɛ mgbole ne mɔ anu ara suakpole ɛhye azo, bɛ nee bɛ mgbanyima, Dwuda mrenyia nee Gyɛlusalɛmma;+ na menli badɛnla suakpole ɛhye azo dahuu. 26  Na menli bavi Dwuda azuamgbole ne mɔ azo, ɛleka mɔɔ ɛbɔ Gyɛlusalɛm ɛyia, Bɛngyaman azɛlɛ zo,+ awoka bo,+ awoka zo nee Nɛgɛbe ava ɛyelalɛ afɔlebɔlɛ,+ afɔlebɔlɛ ngakyile,+ ma afɔlebɔlɛ,+ ɛyɛlɛvuanlɛ nee moyɛlɛ afɔlebɔlɛ ara Gyihova sua nu.+ 27  “‘“Noko saa bɛandie me bɛanyɛ Ɛnwomenlelielɛ kenle ne nwuanzanwuanza na bɛsoa bɔlɛ bɛdua Gyɛlusalɛm nlenkɛ mgbole ne mɔ anu wɔ Ɛnwomenlelielɛ kenle a, yemɔ mebado senle wɔ ye nlenkɛ mgbole ne mɔ anu, na ɔbayela Gyɛlusalɛm aranemgbole ne mɔ+ na bɛnrɛhola ye nua.”’”+

Ɔbodwɛkɛ

Hibulu aneɛ nu, “ɛleka mɔɔ wɔ anwuma la.”
Anzɛɛ ɔkola ɔkile, “Ɔluakɛ wɔzɔ kɛ senle la wɔ me ɛyavalɛ ne anu.”
Anzɛɛ “katakyie ne.”
Hibulu aneɛ nu, “ɔfa nwonane ɔyɛ ɔ sa.”
Anzɛɛ “katakyie ne.”
Anzɛɛ ɔkola ɔkile, “bɛngola bɛnyɛ ye ayile.”
Anzɛɛ “nganeɛdelɛ mɔɔ vea ye nu la anu.” Hibulu aneɛ nu, “kilenzia.”
Anzɛɛ “wɔ amile nu.”
Hibulu aneɛ nu, “bɛfi me nwo,” ɔbayɛ kɛ ɔfale Gyihova anwo.
Anzɛɛ “ɔpe zo” anzɛɛ “ɔyɛ ɛkɛ.”
Anzɛɛ “sɛkye bɛ fane nwiɔ.”
Hibulu aneɛ nu, “menli ne amra ne mɔ anlenkɛ kpole ne.”
Anzɛɛ “bɛ ɛkɛla.”
Hibulu aneɛ nu, “bɛyɛle bɛ kɔme ketee.”