Gyɛlɛmaya 13:1-27

  • Lenen bɛlɛte mɔɔ zɛkyele (1-11)

  • Nwanye mbuakɛ ne ɛzɛkyelɛ (12-14)

  • Dwuda mɔɔ anyɛ nzenzaleɛ la kɔ akɛlɛzonlenlɛ nu (15-27)

    • “Asoo Kuhyenli bahola ahakyi ɔ nwo nane?” (23)

13  Mɔɔ Gyihova hanle hilele me la ɛne: “Kɔ na kɔdɔ lenen bɛlɛte na fa bɔ ɛ nze zo, noko mmafa ɛwula nzule nu.”  Ɔti mengɔndɔle bɛlɛte ne kɛ mɔɔ Gyihova hanle hilele me la na menvale membɔle me nze zo.  Na Gyihova edwɛkɛ ne rale me ɛkɛ ne fane nwiɔ ne azo kɛ:  “Ye bɛlɛte ne mɔɔ wɔhɔdɔ na wɔbɔ la na dwazo kɔ Yufileti ne anloa, na fa kɔvea bolɛ tokule nu wɔ ɛkɛ.”  Ɔti menvale mengɔnveale Yufileti ne anloa, kɛ mɔɔ Gyihova zele me la.  Na mekɛ guale nu la, Gyihova zele me kɛ: “Dwazo, kɔ Yufileti ne anloa, na kɔye bɛlɛte ne mɔɔ menganle mengilele wɔ kɛ ɛva ɛhɔvea lɔ la.”  Ɔti mengɔle Yufileti ne anloa na mengɔnvunle menyele bɛlɛte ne wɔ ɛleka mɔɔ menvale menveale la, na menwunle kɛ bɛlɛte ne ɛzɛkye; bɛfa bɛyɛ ɛhwee a ɔnyɛ boɛ.  Akee Gyihova edwɛkɛ ne rale me ɛkɛ ne kɛ:  “Mɔɔ Gyihova ɛha la ɛne, ‘Zɔhane ala a mebazɛkye Dwuda anwomemaazo nee Gyɛlusalɛm anwomemaazo kpole ne a.+ 10  Amumuyɛma ɛhye mɔ mɔɔ kpo kɛ bɛkɛdie me edwɛkɛ,+ bɛyɛ anzosesebɛ bɛdi bɛdabɛ mumua ne bɛ ahonle nzi,+ na bɛdi nyamenle gyɛne nzi, bɛsonle bɛ na bɛbɔ bɛ ti aze bɛmaa bɛ la bayɛ kɛ bɛlɛte ɛhye mɔɔ bɛfa bɛyɛ ɛhwee a ɔnyɛ boɛ la.’ 11  ‘Na kɛ mɔɔ sonla fa bɛlɛte bɔ ɔ nze zo ɔmaa ɔbeta ɛkɛ ne la, zɔhane ala a menvale Yizilayɛma kɔsɔɔti nee Dwudama kɔsɔɔti membetanle me nwo a,’ Gyihova a se a, ‘amaa bɛayɛ me menli,+ me anyunlunyia,+ me ayɛlɛyelɛ nee debie mɔɔ bali me eni. Noko bɛandie.’+ 12  “Fa nrɛlaleɛ ɛhye noko maa bɛ, ‘Mɔɔ Gyihova, Yizilayɛ Nyamenle ne ɛha la ɛne: “Ɔwɔ kɛ bɛfa nwanye bɛgua buakɛ kpole biala anu bɛmaa ɔyi.”’ Na bɛbabua wɔ kɛ, ‘Asoo yɛnze kɛ ɔwɔ kɛ bɛfa nwanye bɛgua buakɛ kpole biala anu bɛmaa ɔyi ɔ?’ 13  Akee se bɛ kɛ, ‘Mɔɔ Gyihova ɛha la ɛne: “Nea melɛmaa bɛdabɛ mɔɔ bɛde azɛlɛ ɛhye azo la amuala,+ arelemgbunli mɔɔ bɛde Devidi belemgbunli ebia ne azo, ɛsɔfoma nee ngapezoma yɛɛ Gyɛlusalɛmma amuala anlo nza abo. 14  Na mebava bɛ ti meakpulokpula nwo, papa mɔ nee mralɛ amuala,” Gyihova a se a.+ “Me kunlu ɛnrɛyelɛyela me na ɔnrɛyɛ me alɔbɔlɛ yɛɛ menrɛze bɛ anwunvɔne; debie biala ɛnrɛzi me adenle wɔ bɛ ɛzɛkyelɛ ne anwo.”’+ 15  Bɛyɛ ɛnzolɛ na bɛdie. Bɛmmamemaa bɛ nwo zo, ɔluakɛ Gyihova ɛdendɛ. 16  Bɛwula Gyihova bɛ Nyamenle ne anyunlunyiaKolaa na aleɛ adwoKolaa na bɛ gyakɛ akpula wɔ awoka ne mɔ azo wɔ nɔsolɛ nu. Bɛ nye bala wienyi ade,Noko ɔbamaa awozinli a ara a;Ɔbamaa yeahakyi awozinli kabikabi.+ 17  Na saa bɛandie a,Mebavea meazu ɔlua bɛ anwomemaazo ne ati. Mebazu kpalɛ na meahwi monle dɔɔnwo.+Ɔluakɛ bɛva Gyihova mboane ekpunli ne+ bɛhɔ akɛlɛzonlenlɛ nu. 18  Ka kile belemgbunli ne nee ɔbahyema* ne kɛ,+ ‘Bɛvi bɛ mbia ne mɔ azo bɛdwu aze,Ɔluakɛ bɛ abotile kɛnlɛma ne bavi bɛ ti zo adɔ aze.’ 19  Bɛtoto nyiakɛ azuamgbole ne mɔ anu,* na awie biala ɛnle ɛkɛ ne mɔɔ ɔbabuke a. Bɛva Dwudama amuala bɛhɔ akɛlɛzonlenlɛ nu, bɛva bɛ kɔsɔɔti bɛhɔ akɛlɛzonlenlɛ nu.+ 20  Maa ɛ nye zo na nea bɛdabɛ mɔɔ bɛvi sɔlɔ nehane bɛlɛba la.+ Mboane ekpunli ne mɔɔ bɛvale bɛmaanle wɔ la, wɔ mboane ngɛnlɛma ne wɔ nienwu?+ 21  Saa wɔ anzohwenlɛ ne viƐ gɔnwo mɔ mɔɔ ɛnyianle bɛ wɔ mɔlebɛbo ne la ɛkɛ a, duzu a ɛbaha a?+ Asoo ɛnrɛde awolɛ nyane kɛ raalɛ mɔɔ ɛlɛwo la?+ 22  Na saa ɛka ye wɔ wɔ ahonle nu kɛ, ‘Duzu ati a ɛhye mɔ ɛdo me ɛ?’+ a, Ɛnee ɔlua wɔ ɛtane kpole ne ati a bɛye wɔ adɛladeɛ ne mɔ+ Na wɔde nyane kpole wɔ ɛ gyakɛ anzi a. 23  Asoo Kuhyenli* bahola ahakyi ɔ nwo nane, anzɛɛ sobolɛ bahola ahakyi ɔ nwo ndetandeta ne?+ Saa ɔle zɔ a, ɛnee bɛbahola bɛayɛ mɔɔ le kpalɛ la,Bɛmɛ mɔɔ bɛtete bɛ kɛ bɛyɛ ɛtane la. 24  Ɔti mebabɔ bɛ asande kɛ abonle mɔɔ ɛsɛlɛ zo anwoma ɛlɛbɔ ye la.+ 25  Wɔ afoa nu ɛdeɛ ɛne, kyɛfoa mɔɔ mezuzu memaa wɔ la ɛne,” Gyihova a se a,“Ɔluakɛ ɛ rɛle ɛvi me+ yɛɛ ɛfa ɛ nwo ɛto adalɛ zo.+ 26  Ɛhye ati, mebamaa wɔ tɛladeɛ ne zo meaheda ɛ nyunlu,Na bɛbanwu wɔ anyiemgba ɛbɔlɛ,+ 27  Wɔ agyalɛzɛkyelɛ+ nee wɔ atiakunluwɔzo ɛtane ne,Wɔ anyiemgba tuutuubɔlɛ ne. Menwu wɔ kyibadeɛ nyɛleɛ ne+Wɔ awoka ngyikyi zo nee ɛbɔ nu. O Gyɛlusalɛm, wɔ gyakɔ! Ɛ nwo gua evinli yeahɔdwu kenlenzu?+

Ɔbodwɛkɛ

Anzɛɛ “raalɛ kpanyinli.”
Anzɛɛ “bɛbɔ bɛ bɛyia.”
Anzɛɛ “Yiteyopianli.”