Gyɛlɛmaya 12:1-17

  • Gyɛlɛmaya dendɛle ɔ nzo abo (1-4)

  • Gyihova mualɛ ne (5-17)

12  O Gyihova, saa mefa me edwɛkɛ meto ɛ nyunlu a,Saa meka pɛlepɛlelilɛ nwo edwɛkɛ mekile wɔ a, ɛbua ndɛne fɔɔnwo.+ Noko duzu ati a ɔwie amumuyɛma boɛ,+Na mɛlɛbɛlama anwo tɔ bɛ ɛ?   Ɛluale bɛ, na bɛsosɔle ndinli. Bɛnyinle na bɛzole ma. Bɛta bɛka ɛ nwo edwɛkɛ kpalɛ, noko bɛ ahonle* ɛmbikye wɔ.+   Noko ɛze me kpalɛ, O Gyihova,+ ɛnwu me;Wɔnleɛnlea me ahonle nu na wɔnwu kɛ medu me nwo memaa wɔ.+ Ye bɛ sie ahane kɛ mboane mɔɔ bɛkahu bɛ,Na fa bɛ sie maa kenle mɔɔ bɛbahu bɛ la.   Azɛlɛ ne ɛzɛkye ɛhɔdwu kenlenzu,Na ɛbɔ nu ndile noko ɛwe ɛhɔdwu kenlenzu?+ Ɔlua menli mɔɔ de zo la ninyɛndane ti,Nane nee nloma ɛnle ɛkɛ. Ɔluakɛ bɛha kɛ: “Ɔnrɛnwu mɔɔ bado yɛ la.”   Saa ɛ nee menli mɔɔ lua aze la ɛzu ɛnriandilɛ na wɔvɛ a,Ɛnee kɛ ɔkɛyɛ na ɛ nee mgbɔnwɔ azu ɛnriandilɛ ɛ?+ Saa ɛlɛ anwodozo wɔ azɛlɛ mɔɔ anzodwolɛ wɔ zo la azo bɔbɔ a,Duzu a ɛbayɛ wɔ Dwɔdan ɛhoayelɛ kpole ne anu a?   Ɔluakɛ ɛdawɔ ɛ mediema, wɔ papa sua nu amra bɔbɔAnli nɔhalɛ ammaa wɔ.+ Bɛtea nu bɛgua ɛ nwo zo. Saa bɛka edwɛkɛ kpalɛ bɛkile wɔ bɔbɔ a,Mmadie bɛ ɛdi.   “Mekpo me sua ne;+ mekpo me agyapadeɛ ne.+ Meye me kulovolɛ ne* mewula ye kpɔvolɛma asa anu.+   Me agyapadeɛ ne ɛhakyi me kɔme nu ɛhoayelɛ nu awenade. Ɛkpolɛ ala a ɔkpo me a. Ɔti mekpɔ ye.   Me agyapadeɛ ne ɛhakyi me kɔme nu aloma anwo ndetandeta mɔɔ di nane;Nloma gyɛne mɔɔ bɛdi nane la bɔ ye yia na bɛteta ye.+ Bɛmɛ ɛbɔ nu nane kɔsɔɔti, bɛrɛla, bɛboɔboa bɛ nloa,Bɛrali debie.+ 10  Mboaneneavolɛma dɔɔnwo ɛzɛkye me vanye egyinli ne;+Bɛtietia me azɛlɛ ɛdeɛ ne azo.+ Bɛmaa me azɛlɛ kɛnlɛma ne ɛhakyi fienemgbole mɔɔ ɛdɔ mgbane la. 11  Yehakyi azɛlɛ mɔɔ ɛhwee ɛnle zo. Yehwie;*Yedɔ mgbane wɔ me nye zo.+ Bɛmaa azɛlɛ ne amuala ɛdɔ mgbane,Noko awie biala ɛndwenle nwolɛ.+ 12  Sɛkyevolɛma vi fienemgbole nu ndenle ne mɔ* kɔsɔɔti azo ɛra,Ɔluakɛ Gyihova konle dadeɛ ne ɛlɛsɛkye ninyɛne ɔvi azɛlɛ ne ati kɔdwu ɔ bo.+ Awie biala* ɛnlɛ anzodwolɛ. 13  Bɛluale hwiiti, noko bɛdele mbowule.+ Bɛvɛ dedee noko bɛannyia zolɛ nvasoɛ biala. Ɔlua Gyihova ɛya wuluwulu ne ati,Ma mɔɔ bɛbanyia ye la bayɛ bɛ nyiane.” 14  Mɔɔ Gyihova ɛha ɛtia amumuyɛma mɔɔ ɛbɔ me ɛyia, na bɛva bɛ sa bɛha agyapadeɛ ne mɔɔ menvale memaanle me menli Yizilayɛma kɛ bɛdɛnla zo la ɛne:+ “Nea melɛtu bɛ bo meavi bɛ azɛlɛ ne azo,+ na mebadu Dwudama noko abo wɔ bɛ avinli. 15  Na saa metu bɛ bo mewie a, mebaze bɛ anwunvɔne bieko na meava bɛ nuhua ko biala meazia meara ye agyapadeɛ nee ye azɛlɛ ne azo.” 16  “Na saa bɛsukoa me menli ne ndenle ne mɔ kpalɛ na bɛfa me duma bɛka ndane kɛ, ‘Mekɛ ala mɔɔ Gyihova de aze la!’ kɛ mɔɔ bɛhilehilele me menli ne bɛmaanle bɛvale Beeyale bɛhanle ndane la a, bɛbakpazi wɔ me menli ne avinli. 17  Na saa bɛandie a, medame noko mebadu maanle zɔhane abo, mebadu ɔ bo na meazɛkye ye,” Gyihova a se a.+

Ɔbodwɛkɛ

Anzɛɛ “bɛ nganeɛdelɛ mɔɔ vea bɛ nu la.” Hibulu aneɛ nu, “kilenzia.”
Anzɛɛ “mɔɔ me ɛkɛla kulo ye la.”
Anzɛɛ ɔkola ɔkile, “Ɔlɛdi nyane.”
Anzɛɛ “ndenle mɔɔ ɛzɛkye la.”
Hibulu aneɛ nu, “nwonane biala.”