Gyɛlɛmaya 10:1-25

  • Maanle maanle ne mɔ nyamenle nee tease Nyamenle ne (1-16)

  • Ɛzɛkyelɛ nee akɛlɛzonlenlɛ nu ɛhɔlɛ ɛbikye (17, 18)

  • Gyɛlɛmaya alɔbɔlɛlilɛ (19-22)

  • Ngapezonli ne asɔneyɛlɛ (23-25)

    • Sonla ɛngola ɛngile ɔ gyakɛ mɔɔ ɔlɛtudu la adenle (23)

10  O Yizilayɛma, bɛdie edwɛkɛ ne mɔɔ Gyihova ɛha ɛtia bɛ la.  Mɔɔ Gyihova ɛha la ɛne: “Bɛmmasukoa maanle maanle ne mɔ ndenle ne mɔ,+Yɛɛ bɛmmamaa anwuma sɛkɛlɛneɛ ne mɔ maa bɛ ahonle tuƆluakɛ bɛmaa maanle maanle ne mɔ ahonle tu.+   Ɔluakɛ maanle maanle ne mɔ amaamuo ne mɔ le mgbane. Ɔle kɛ ɛhoayelɛ nu baka mɔɔ bɛpɛ ye bɛdo aze,Dwinvolɛ asa anloa gyima mɔɔ yeva ye bulalɛ* yeze la.+   Bɛfa dwɛtɛ fufule nee nvutuke bɛsiezie ye kɛnlɛma+Na bɛfa pɛlɛko nee hamenle bɛbobɔ nu amaa yeandudu yeangua.+   Bɛle kɛ abaaba mɔɔ bɛyɛ bɛzie kɔkumba* ɛya nu la, bɛngola bɛndendɛ;+Bɛsoa bɛ, ɔluakɛ bɛngola bɛndia.+ Bɛmmasulo bɛ, ɔluakɛ bɛngola bɛnyɛ ɛhwee,Yɛɛ bɛngola bɛnyɛ debie kpalɛ biala noko.”+   O Gyihova, awie biala nee wɔ ɛnzɛ.+ Ɛle bedevinli, wɔ duma le kpole yɛɛ ɛlɛ tumi.   O maanle maanle Belemgbunli, nwane a ɛnrɛzulo wɔ a,+ ɔluakɛ ɛfɛta;Wɔ maanle maanle ne mɔ nrɛlɛbɛvolɛma kɔsɔɔti nee bɛ arelemgbunlililɛ kɔsɔɔti anu,Biala ɛnle ɛkɛ mɔɔ ɔ nee wɔ sɛ a.+   Bɛ muala bɛnlɛ adwenle yɛɛ bɛle ahoasea.+ Adehilelɛ mɔɔ baka fa maa la le debie mgbane.+   Dwɛtɛ fufule ndɛbandɛba mɔɔ bɛ nee ye vi Tahyehye+ nee nvutuke mɔɔ bɛ nee ye vi Yufaze,Bɛle ezukoa dwinvolɛ nee mbulalɛ dwinvolɛ asa anloa gyima. Bɛ ɛdanlɛ le nyɛma buluwu nee nyɛmoa enrinli buluwu nee kɔkɔlɛ afonla. Dwinvolɛma mɔɔ bɛze gyima kpalɛ la a yɛle a. 10  Noko Gyihova le Nyamenle amgba. Yemɔ a ɔle tease Nyamenle ne+ nee dahuu Belemgbunli ne a.+ Ye ɛya ne ati azɛlɛ ne bakpusu,+Na maanle biala ɛnrɛhola ɛnrɛgyinla ye ɛya ne anloa. 11  * Mɔɔ ɔwɔ kɛ ɛka ɛkile bɛ la ɛne: “Nyamenle ne mɔ mɔɔ tɛ bɛdabɛ a bɛbɔle anwuma nee azɛlɛ ne la,Bɛbaminli bɛavi azɛlɛ ye azo nee aleɛabo.”+ 12  Yemɔ a ɔvale ye tumi ɔyɛle azɛlɛ ne a,Mɔɔ ɔluale ye nrɛlɛbɛ zo ɔvale azɛlɛ ne ɔziele ɛkɛ la+Yɛɛ ɔdaye a ɔvale ye ndelebɛbo ɔdɛlɛle anwuma ne anu a.+ 13  Saa ɔmaa bɛte ɔ ne a,Nzule mɔɔ wɔ anwuma la yɛ begyebegye,+Na ɔmaa kpukpuke* fi azɛlɛ ne ɛleka biala fo kɔ anwuma.+ Ɔyɛle ɛsɛlɛmanye* ɔmaanle ezule,Yɛɛ ɔmaa anwoma fi ye ninyɛnezielɛ ɛleka ne mɔ tu.+ 14  Awie biala ɛnva adwenle nee ndelebɛbo ɛnli gyima. Bulalɛ dwinvolɛ biala anyunlu bagua aze ɔlua ananze ne ati;+Ɔluakɛ ye bulalɛ ananze ne* le adalɛ,Yɛɛ sunsum* biala ɛnle bɛ nu.+ 15  Bɛle mgbane, agolobɛnwo gyima.+ Saa bɛ ndɛnebualɛ kenle ne dwu a, bɛbaminli. 16  Gyekɔbo Kyɛfoa ne ɛnle kɛ ninyɛne ɛhye mɔ la,Ɔluakɛ Yemɔ a ɔbɔle ninyɛne kɔsɔɔti a,Yɛɛ Yizilayɛ a le ye agyapadeɛ kpɔma ne a.+ Ye duma a le ɛlɔne Gyihova.+ 17  O raalɛ mɔɔ ɛlɔne ɛbɛnga wɔ ɛyia,Boɔboa wɔ ninyɛne mɔɔ wɔ azɛlɛ ne azo la anloa. 18  Mɔɔ Gyihova ɛha la ɛne: “Nea, melɛtu menli mɔɔ de azɛlɛ ne azo la meavi zo wɔ mekɛ ɛhye anu,+Na mebamaa bɛanwu amaneɛ.” 19  Me ɛzɛkyelɛ* ne ati, me gyakɔ!+ Me hanlɛ ne ɛnlɛ ye ayile. Na menganle kɛ: “Nɔhalɛ nu, me anwodolɛ ne ɛne, na ɔwɔ kɛ megyinla ɔ nloa. 20  Bɛzɛkye me ɛdanlɛsua ne, yɛɛ bɛtete me ɛdanlɛsua nyɛma ne mɔ amuala anu.+ Me mra ne mɔ ɛgyakyi me ɛkɛ ɛhɔ na bɛnle ɛkɛ ne bieko.+ Awie biala ɛnle ɛkɛ mɔɔ ɔbadɛlɛ me ɛdanlɛsua ne anu anzɛɛ ɔbamaa me ɛdanlɛsua ndanlɛ ne mɔ zo a. 21  Mboaneneavolɛma ne anva nrɛlɛbɛ anyɛ gyima,+Yɛɛ bɛambiza Gyihova.+ Ɛhye ati a bɛanva nwunu bɛanyɛ gyima,Na bɛ mboane ekpunli ne mɔ amuala ɛbɔ asande la.”+ 22  Bɛdie! Amaneɛbɔlɛ bie! Ɔlɛba! Dede kpole bie vi sɔlɔ azɛlɛ ne azo,+Kɛ ɔbamaa Dwuda azuamgbole adɔ mgbane, na yeayɛ ɛzonlɛ dabelɛ.+ 23  O Gyihova, meze ye wienyi kɛ sonla adenle ɛnle ye ɛdeɛ. Ɔnle sonla mɔɔ ɛlɛtia la ɛdeɛ kɛ ɔbahile ɔ gyakɛ mɔɔ ɔtu bɔbɔ la adenle.+ 24  O Gyihova, fa ndɛnebualɛ tenrɛdenrɛ me,Noko mmayɛ ye wɔ ɛya zo,+ na wɔanzɛkye me bɔkɔɔ.+ 25  Wola wɔ ɛya ne gua maanle maanle mɔɔ bɛbu bɛ nye bɛgua ɛ nwo zo+Nee mbusua mɔɔ bɛmbɔ wɔ duma la anwo zo. Ɔluakɛ bɛhye Gyekɔbo bɛli,+Ɛhɛe, bɛhye ye bɛli bɛbɔ ɔ bo zo bɔkɔɔ,+Na bɛmaa ye azɛlɛ ne ɛdɔ mgbane.+

Ɔbodwɛkɛ

Anzɛɛ “adwinli bulalɛ.”
Anzɛɛ “bɔna ndɔlɔra.”
Bɛlimoale bɛhɛlɛle ngy. 11 ne wɔ Elam aneɛ nu.
Hibulu aneɛ nu, “amungu.”
Anzɛɛ ɔkola ɔkile, “Ɔyɛle nlenkɛ.”
Anzɛɛ “ananze mɔɔ bɛgua la.”
Anzɛɛ “ɛnwomenle.”
Anzɛɛ “ɛbodalɛ.”