Edwɛne 97:1-12
97 Gyihova ɛrayɛ Belemgbunli!+
Bɛmaa azɛlɛ ne anye ɛlie.+
Bɛmaa mbɔra dɔɔnwo ne ɛli fɛlɛko.+
2 Amungu nee awozinli kabii ɛbɛnga ɔ nwo kɔsɔɔti ɛyia;+Tenleneyɛlɛ nee pɛlepɛlelilɛ le ye belemgbunli ebia ne adiabo.+
3 Senle tudu di ɔ nyunlu+Na ɔyela ye kpɔvolɛma wɔ ɛleka biala.+
4 Ye ɛsɛlɛmanye kpakye maa ewiade yɛ wienyi;Azɛlɛ ne nwu ye na ɔ nwo woso ye.+
5 Awoka kolo kɛ wolɛ ndɛlamoa wɔ Gyihova anyunlu,+Wɔ azɛlɛ ye amuala Awulae ne anyunlu.
6 Anwuma bɔ ye tenleneyɛlɛ ne nolo,Yɛɛ menli kɔsɔɔti nwu ye anyunlunyia ne.+
7 Bɛmaa bɛdabɛ mɔɔ bɛsonle ananze biala la amuala anyunlu ɛgua aze,+Bɛdabɛ mɔɔ bɛfa bɛ nyamenle mɔɔ nvasoɛ ɛnle bɛ nwo zo bɛtu bɛ nwo la.+
Bɛmɛ nyamenle kɔsɔɔti, bɛbɔ bɛ ti aze bɛmaa ye.+
8 Zayɔn te na ɔdi fɛlɛko;+Dwuda azua* ne mɔ anye dieƆlua wɔ ndɛnebualɛ ne ati, O Gyihova.+
9 Ɔluakɛ wɔmɔ, O Gyihova, a ɛle Anwuma Anwumanli wɔ azɛlɛ ye kɔsɔɔti azo a;Bɛkpogya wɔ zo bɛdɛla nyamenle mɔɔ ɛha la kɔsɔɔti.+
10 O bɛmɛ mɔɔ bɛkulo Gyihova la, bɛhyi ɛtane.+
Ɔbɔ ye nɔhavoma ngoane* nwo bane;+Ɔdie bɛ ɔfi amumuyɛma asa anu.*+
11 Wienyi ɛda tenlenema anwo zo+Yɛɛ bɛdabɛ mɔɔ bɛ ahonle nu te la di fɛlɛko.
12 Bɛmɛ tenlenema, bɛli fɛlɛko wɔ Gyihova anu,Na bɛyɛ ye duma* nwuanzanwuanza ne mo.
Ɔbodwɛkɛ
^ Hibulu aneɛ nu, “amra mraalɛ.”
^ Anzɛɛ “ɛkɛla.”
^ Anzɛɛ “tumi bo.”
^ Hibulu aneɛ nu, “ngakyelɛ.”
