Edwɛne 95:1-11
95 Bɛrɛla, bɛmaa yɛva anyelielɛ yɛdeɛdea nu yɛmaa Gyihova!
Bɛmaa yɛdeɛdea nu konimlilɛ nu yɛmaa yɛ ngoanedievolɛ Bodane ne.+
2 Bɛmaa yɛva moyɛlɛ yɛrɛla ɔ nyunlu;+Bɛmaa yɛdea nu konimlilɛ nu na yɛdo edwɛne yɛmaa ye!
3 Ɔluakɛ Gyihova le Nyamenle bedevinli,Ɔle Belemgbunli kpole wɔ nyamenle mɔɔ ɛha la kɔsɔɔti anwo zo.+
4 Azɛlɛ ne abo lɔ wɔ ɔ sa nu;Awoka ndendenle ne mɔ noko le ye ɛdeɛ.+
5 Nyevile ne mɔɔ yebɔ la le ye ɛdeɛ+Na ɔvale ɔ sa a ɔyɛle azɛlɛ resee ne a.+
6 Bɛrɛla, bɛmaa yɛzonle na yɛbɔ yɛ ti aze;Bɛmaa yɛhoto Gyihova, yɛ Bɔvolɛ ne anyunlu.+
7 Ɔluakɛ ɔle yɛ Nyamenle,Yɛɛ yɛle ye adidileka menli,Mboane mɔɔ ɔnea bɛ nwo zo.*+
Ɛnɛ saa bɛte ɔ ne a,+
8 Bɛmmakpunli bɛ ahonle kɛ mɔɔ bɛyɛle ye wɔ Mɛleba,*+Wɔ Masaa* kenle ne wɔ fienemgbole ne anu,+
9 Mekɛ mɔɔ bɛ nenyia mɔ zɔle me nleanle la;+Bɛnwunle me gyima ne mɔ, noko bɛ nee me dwudwule.+
10 Ɔluakɛ mengyile awolɛndoazo zɔhane ɛvolɛ 40, na menganle kɛ:
“Bɛle menli mɔɔ minli wɔ bɛ ahonle nu dahuu a;Bɛtɛnwunle me ndenle ne mɔ.”
11 Ɔti menvale ɛya na menganle ndane kɛ:
“Bɛnrɛwolo me ɛnwomenlelielɛ ne anu.”+
