Edwɛne 94:1-23

  • Asɔne mɔɔ bɛyɛ kɛ Nyamenle ɛli nzenralɛ

    • ‘Amumuyɛma tɛnla aze ahɔdwu kenlenzu?’ (3)

    • Gyaa ɛdenrɛdenrɛlɛ maa sonla nye die (12)

    • Nyamenle ɛnrɛkpo ye menli ne (14)

    • “Bɛdua mɛla zo bɛfa ngyegyelɛ bɛba” (20)

94  O Gyihova, nzenralɛ Nyamenle,+O nzenralɛ Nyamenle, kile wɔ anyunlunyia!   O azɛlɛ ye Ndɛnebuavolɛ,+ dwazo. Tua anwomemaazoma kakɛ mɔɔ ɔfɛta bɛ la.+   O Gyihova, kenlenzu,Amumuyɛma memaa bɛ nwo zo ahɔdwu kenlenzu?+   Bɛka mgbole yɛɛ bɛtendɛ anwomemaazo nu;Ɛtanevolɛma kɔsɔɔti tu bɛ nloa anu.   O Gyihova, bɛkile wɔ menli ne nyane,+Yɛɛ bɛsisi wɔ agyapadeɛ ne.   Bɛku ahunlanvolɛ nee nyɛvolɛ,Yɛɛ bɛku nrisa.   Bɛka kɛ: “Gyaa ɛnnwu ye;+Gyekɔbo Nyamenle ne adwenle ɛtɛbale zo.”+   Bɛmɛ mɔɔ bɛnlɛ adwenle, bɛde ɛhye abo;Bɛmɛ ahoasea, kenlenzu a bɛbala nwunu ali a?+   Ahenle mɔɔ bɔle* ɛnzolɛ la, asoo ɔnde edwɛkɛ? Ahenle mɔɔ yɛle ɛnyelɛ la, asoo ɔnnwu debie?+ 10  Ahenle mɔɔ tenrɛdenrɛ maanle maanle ne mɔ la, asoo ɔngola ɔndwi bɛ nyunlu?+ Ɔdaye a ɔmaa menli nyia ndelebɛbo a!+ 11  Gyihova ze menli adwenle,Bɛle kɛ ɛnwomenle ala la.+ 12  O Gyaa, anyelielɛ a le sonla ne mɔɔ ɛtenrɛdenrɛ ye,+Na ɛfa wɔ mɛla ne ɛkilehile ye la,+ 13  Kɛ ɛmaa ye anzodwolɛ wɔ munzule mekɛ nu,Kɔkpula kɛ bɛkɛdu kuma bɛkɛmaa amumuyɛnli ne la.+ 14  Ɔluakɛ Gyihova ɛnrɛkpo ye menli ne,+Yɛɛ ɔnrɛgyakyi ye agyapadeɛ ne.+ 15  Ɔluakɛ bɛbabua ndɛne tenlene nu bieko,Na bɛdabɛ mɔɔ bɛ ahonle nu te la amuala bali zo. 16  Nwane a badwazo atia amumuyɛma amaa me a? Nwane a bagyinla aho atia ɛtanevolɛma amaa me a? 17  Saa Gyihova anyɛ me boavolɛ a,Anrɛɛ ɔnrɛhyɛ na me* bo zo aminli.*+ 18  Mɔɔ menganle kɛ: “Me gyakɛ ɛlɛtele” la,O Gyihova, wɔ ɛlɔlɛ kpundii ne zɔle* me.+ 19  Mɔɔ adwenleadwenle* bole me nwo zo* la,Ɛkyekyele me rɛle na ɛmaanle me ahonle dɔle me azule nu.*+ 20  Asoo tumivolɛma* mɔɔ ɛnli nɔhalɛ la nee wɔ bayɛ koWɔ mekɛ mɔɔ bɛdua mɛla zo* bɛfa ngyegyelɛ bɛba la ɔ?+ 21  Bɛteta tenlenenli* ɛsesebɛ+Na bɛbua mɔɔ anwo ɛnlɛ edwɛkɛ la ewule* fɔlɛ.+ 22  Noko Gyihova bayɛ me ɛvealeka kpalɛ,*Me Nyamenle ne le me ɛvealeka bodane.+ 23  Ɔbamaa bɛ amumuyɛ nyɛleɛ ne azia ara bɛ nwo zo.+ Ɔbalua bɛ amumuyɛyɛlɛ ne azo yeaye bɛ yeavi ɛkɛ.* Gyihova yɛ Nyamenle ne baye bɛ avi ɛkɛ.*+

Ɔbodwɛkɛ

Hibulu aneɛ nu, “luale.”
Anzɛɛ “me ɛkɛla.”
Hibulu aneɛ nu, “ahɔdɛnla koonwoyɛlɛ nu.”
Anzɛɛ “boale.”
Anzɛɛ “ninyɛne mɔɔ gyegye adwenle.”
Anzɛɛ “yɛle dɔɔnwo wɔ me nu.”
Anzɛɛ “Wɔ arɛlekyekyelɛ ne mɔ maanle me ɛkɛla anwo dɔle ye.”
Anzɛɛ “ndɛnebuavolɛma.” Hibulu aneɛ nu, “belemgbunli ebia.”
Hibulu aneɛ nu, “mɛla duma nu.”
Anzɛɛ “tenlenenli ɛkɛla.”
Hibulu aneɛ nu, “mogya.”
Anzɛɛ “aranemgbole.”
Hibulu aneɛ nu, “yeamaa bɛaha bɛ nloa bɛado nu.”
Hibulu aneɛ nu, “bamaa bɛaha bɛ nloa bɛado nu.”