Edwɛne 9:1-20

  • Bɛbɔ Nyamenle nwanwane gyima ne mɔ nolo

    • Gyihova, ɛvealeka mɔɔ gyi kpundii (9)

    • Yɛfa yɛ nwo yɛto Nyamenle anwo zo yɛkile kɛ yɛze ye duma (10)

Kɔmaa edwɛndolɛma kpanyinli ne; Mɔte-laben* zo. Devidi ayɛlɛyelɛ edwɛne. א [Aleph] 9  O Gyihova, mebava me ahonle kɔsɔɔti meaye wɔ ayɛlɛ;Mebaha wɔ nwanwane gyima ne mɔ amuala anwo edwɛkɛ.+   Me nye balie na meali fɛlɛko wɔ wɔ nu;O Anwuma Anwumanli, mebado ayɛlɛyelɛ edwɛne meamaa wɔ duma ne.+ ב [Beth]   Saa me kpɔvolɛma sia bɛ nzi a,+Bɛbadu bɛagua aze na bɛ bo zo aminli wɔ ɛ nyunlu.   Ɔluakɛ ɛdi me edwɛkɛ ɛmaa me;Ɛtɛnla wɔ belemgbunli ebia zo ɛbua ndɛne tenlene nu.+ ג [Gimel]   Wɔdea maanle maanle+ na wɔzɛkye amumuyɛma,Wɔkyikyi bɛ duma wɔvi ɛkɛ ne bɔkɔɔ.   Kpɔvolɛ ne abo zo ɛbɔ bɔkɔɔ;Wɔbubu bɛ azuamgbole ne mɔ wɔgua,Na bɛ nwo ngakyelɛ biala baminli.+ ה [He]   Noko Gyihova de belemgbunli ebia zo dahuu;+Yeva ye belemgbunli ebia ne yezie ɛkɛ kpundii yemaa pɛlepɛlelilɛ.+   Ɔbabua ewiade ne ndɛne wɔ tenleneyɛlɛ nu;+Ɔbabua ndɛne fɔɔnwo yeamaa maanle maanle ne mɔ.+ ו [Waw]   Gyihova bayɛ ɛvealeka kpalɛ* amaa mɔɔ bɛsisi ye la,+Ɔbayɛ ɛvealeka kpalɛ wɔ ngyegyelɛ mekɛ nu.+ 10  Bɛdabɛ mɔɔ bɛze wɔ duma la bɛava bɛ nwo ado ɛ nwo zo;+O Gyihova, ɛnrɛkpo bɛdabɛ mɔɔ bɛkpondɛ wɔ la ɛlɛ.+ ז [Zayin] 11  Bɛdo ayɛlɛyelɛ edwɛne bɛmaa Gyihova mɔɔ de Zayɔn la;Bɛmaa menli ɛnwu ye gyima ne mɔ.+ 12  Ɔluakɛ Mɔɔ di bɛ mogya nwo nzenralɛ la kakye bɛ;+Ɔ rɛle ɛnrɛvi mɔɔ bɛhilele ye nyane la ɛzunlɛ.+ ח [Heth] 13  Maa menyia ɛ nyunlu ɛlolɛ, O Gyihova; nea nyane mɔɔ bɛdabɛ mɔɔ bɛkyi me la ɛlɛkile me la,Wɔmɔ mɔɔ ɛmaa me zo ɛfi ewule nlenkɛ mgbole ne mɔ anloa la,+ 14  Amaa meabɔ wɔ gyima mɔɔ fɛta ayɛlɛyelɛ la nolo wɔ suakpole Zayɔn nlenkɛ mgbole ne mɔ anloa,+Na meali fɛlɛko wɔ wɔ ngoanelielɛ ne anwo.+ ט [Teth] 15  Maanle maanle ne mɔ ɛdɔ kuma ne mɔɔ bɛvunle la anu;Avonle ne mɔɔ bɛvale bɛzuale ɛhane la ɛzɔ bɛ gyakɛ.+ 16  Bɛze Gyihova wɔ ndɛne mɔɔ ɔbua la anwo.+ Amumuyɛma asa anloa gyima sua bɛ ɛhane.+ Higeeyɔn.* (Sila) י [Yod] 17  Amumuyɛma bɛahɔ Nla* ne anu,Maanle maanle mɔɔ bɛ rɛle fi Nyamenle la kɔsɔɔti. 18  Noko bɛ rɛle ɛnrɛvi ehyianli dahuu;+Yɛɛ bɛlɛvo sonla anyelazo ɛnrɛwie ɛlɛ.+ כ [Kaph] 19  O Gyihova, dwazo! Mmamaa sonla dasanli di konim. Maa bɛbua maanle maanle ne mɔ ndɛne wɔ ɛ nyunlu.+ 20  O Gyihova, ka bɛ ɛzulolɛ,+Maa maanle maanle ne mɔ ɛnwu ye kɛ bɛle menli ala. (Sila)

Ɔbodwɛkɛ

Anzɛɛ “aranemgbole.”
Anzɛɛ “Sheol,” ɛhye kile, alesama nla. Nea Edwɛkɛbohilelɛ.