Edwɛne 88:1-18

  • Ɔyɛle asɔne kɛ bɛye ye bɛvi ewule nu

    • “Me ngoane ɛbikye Nla” (3)

    • “Nwonlomɔ biala me asɔneyɛlɛ dwu ɛ nyunlu” (13)

Edwɛne. Kɔla amra ne mɔ+ ayɛlɛyelɛ edwɛne. Kɔmaa edwɛndolɛma kpanyinli ne; Meehalate* zo, nliezo boka nwo. Ɛzelaenli Himan+ Masekele.* 88  O Gyihova, me ngoanedievolɛ Nyamenle,+Alehyenlɛ nu mesu mefɛlɛ wɔ,Yɛɛ meba ɛ nyunlu aledwolɛ nu.+   Maa me asɔneyɛlɛ ɛdwu ɛ nyunlu,+Saa mesu mefɛlɛ wɔ kɛ ɛboa me a yɛ ɛnzolɛ tie me.*+   Ɔluakɛ me ɛkɛla* ɛnwu amaneɛ dɔɔnwo,+Yɛɛ me ngoane ɛbikye Nla.*+   Bɛdia me bɛboka bɛdabɛ mɔɔ bɛlɛkɔ kuma* nu la anwo;+Meyɛ kɛ sonla mɔɔ ɛnlɛ boavolɛ,*+   Bɛgyakyi me bɛboka mowuamra anwoKɛ funli mɔɔ la nla nu,Mɔɔ ɛngakye ye biekoNa ɛnnea ɔ nwo zo bieko la.   Wɔva me wɔdo kuma ne abo nehane,Kuma kuloonwu anu awozinli ne anu.   Wɔ ɛya ne le kpole wɔ me nwo zo,+Yɛɛ wɔ azɛlɛkye mgbole ne mɔ ɛbu ɛgua me nwo zo. (Sila)   Wɔvoa menli mɔɔ ze me la wɔvi me nwo wɔhɔ moamoa;+Wɔmaa meyɛ kyibadeɛ memaa bɛ. Mela efiade* na mengola finde.   Me amaneɛnwunlɛ ti, me nye ɛnnwu debie kpalɛ.+ O Gyihova, mesu mefɛlɛ wɔ dahuu;+Wɔmɔ a metɛlɛ me sa nu mekile wɔ a. 10  Asoo ɛbayɛ nwanwane ninyɛne wɔamaa mowuamra? Asoo mowuamra badwazo aye wɔ ayɛlɛ?+ (Sila) 11  Asoo bɛbaha wɔ ɛlɔlɛ kpundii ne anwo edwɛkɛ wɔ nla ne anu,Anzɛɛ wɔ nɔhalɛlilɛ nwo edwɛkɛ wɔ ɛzɛkyelɛ ɛleka ne?* 12  Asoo bɛbanwu wɔ nwanwane ninyɛne ne mɔ wɔ awozinli nuAnzɛɛ wɔ tenleneyɛlɛ ne wɔ bɛdabɛ mɔɔ bɛ rɛle ɛvi bɛ la azɛlɛ zo?+ 13  Noko mesu mefɛlɛ wɔ dahuu kɛ ɛboa me, O Gyihova,+Nwonlomɔ biala me asɔneyɛlɛ dwu ɛ nyunlu.+ 14  O Gyihova, duzu ati a wɔkpo me* a?+ Duzu ati a wɔva ɛ nye wɔvea me a?+ 15  Ɔvi me ngakula nu,Menwu amaneɛ too na yeha me nee ewule;+Ninyɛne ɛzulolɛ mɔɔ wɔmaa menwu nwolɛ amaneɛ la ɛmmaa mengola ɛhwee yɛ. 16  Wɔ ɛya wuluwulu ne ɛbo me nwo zo;+Wɔ nyɛleɛ ɛzulolɛ ne mɔ sɛkye me. 17  Dahuu bɛbɔ me bɛyia kɛ nzule la;Bɛvi ɛleka kɔsɔɔti bɛba me nwo zo.* 18  Wɔvoa me gɔnwo mɔ nee menli mɔɔ ze me la wɔvi me nwo wɔhɔ moamoa;+Awozinli ɛrayɛ me gɔnwo.

Ɔbodwɛkɛ

Anzɛɛ “ka ɛ nwo aze tie.”
Anzɛɛ “Sheol,” ɛhye kile, alesama nla. Nea Edwɛkɛbohilelɛ.
Anzɛɛ “nla.”
Anzɛɛ “kɛ sonla mɔɔ ɛnlɛ anwosesebɛ.”
Hibulu aneɛ nu, “Medo ɛhane.”
Anzɛɛ “wɔ Abadɔn.”
Anzɛɛ “me ɛkɛla.”
Anzɛɛ ɔkola ɔkile, “Bɛba me nwo zo arɛlevilɛ nu.”