Edwɛne 85:1-13
Kɔmaa edwɛndolɛma kpanyinli ne. Kɔla amra ne mɔ+ edwɛne. Ayɛlɛyelɛ edwɛne.
85 O Gyihova, wɔlo wɔ azɛlɛ ne;+Ɛvale Gyekɔbo abozoamra mɔɔ bɛvale bɛ bɛhɔle akɛlɛzonlenlɛ nu la ɛziale ɛrale.+
2 Ɛvale wɔ menli ne nvonleɛ ɛhyɛle bɛ;Ɛvale bɛ ɛtane kɔsɔɔti ɛhyɛle bɛ.*+ (Sila)
3 Ɛhomonle wɔ ɛya ne amuala azo;Ɛhwenle ɛ nwo ɛvile wɔ ɛya wuluwulu ne anwo.+
4 O yɛ ngoanedievolɛ Nyamenle, fa yɛ sie yɛ bo zo ne bieko,*Na ye yɛ nwo ɛya fi wɔ nu.+
5 Asoo ɛbava yɛ nwo ɛya kpole dahuu?+
Asoo ɛbahwe wɔ ɛya ne anu wɔavi awolɛndoazo zo wɔahɔdwu awolɛndoazo zo?
6 Asoo ɛnrɛmaa yɛnrɛnyia anwosesebɛ biekoAmaa wɔ menli ne ali fɛlɛko wɔ wɔ nu ɔ?+
7 O Gyihova, da wɔ ɛlɔlɛ kpundii ne ali kile yɛ,Na maa yɛnyia wɔ ngoanelielɛ ne.+
8 Mebadie mɔɔ nɔhalɛ Nyamenle Gyihova baha la,Ɔluakɛ ɔbaha anzodwolɛ edwɛkɛ yeahile ye menli,+ ye nɔhavoma ne,Noko mmamaa bɛsia bɛdie bɛ nwo bɛdi somaa.+
9 Nɔhalɛ nu, ye ngoanelielɛ ne ɛbikye bɛdabɛ mɔɔ bɛsulo ye la,+Amaa ye anyunlunyia ne adɛnla yɛ azɛlɛ ne azo.
10 Ɛlɔlɛ kpundii nee nɔhalɛlilɛ bayia;Tenleneyɛlɛ nee anzodwolɛ bavo bɛ nloa anwo.+
11 Nɔhalɛlilɛ bafifi azɛlɛ ne azo,Na tenleneyɛlɛ avi anwuma anlea aze.+
12 Ɛhɛe, Gyihova bava mɔɔ le kpalɛ la amaa,+Na yɛ azɛlɛ ne bazo ye ma.+
13 Tenleneyɛlɛ bali ɔ nyunlu+Na yeapɛ bɛ gyakɛ abo adenle yeamaa ye.
