Edwɛne 84:1-12
Kɔmaa edwɛndolɛma kpanyinli ne; Getɛte* zo. Kɔla amra ne mɔ+ edwɛne. Ayɛlɛyelɛ edwɛne.
84 O ɛlɔne Gyihova,Nea kɛzi me nye die wɔ ɛdanlɛsua kpole ne anwo a!+
2 Me nwo* ɛlɛdɔ ɛkɛ ne kpalɛ,Ɛhɛe, me kunlu a anrɛɛMewɔ Gyihova sua nu alienwo ɛkɛ.+
Me ahonle nee me nwonane tea nu anyelielɛ nu maa tease Nyamenle ne.
3 Nloma bɔbɔ nyia sua wɔ ɛkɛYɛɛ nyamenleakatiba lɛ ɔ ti anwo sane,Ɛleka mɔɔ ɔnea ɔ mra la,Wɔ wɔ afɔlemokyea kpole ne anwo ɛkɛ, O ɛlɔne Gyihova,Me Belemgbunli nee me Nyamenle!
4 Anyelielɛ a le bɛdabɛ mɔɔ bɛde wɔ sua nu la!+
Bɛye wɔ ayɛlɛ dahuu.+ (Sila)
5 Anyelielɛ a le menli mɔɔ kpondɛ bɛ anwosesebɛ wɔ wɔ nu,+Mɔɔ bɛ ahonle wɔ ademgbole ne mɔ anu la.
6 Saa bɛlua Beeka Bɔnza* ne anu a,Bɛbu ye kɛ ɔle nzubula;Na alimoa ezule ne maa ɔnyia nyilalɛ.*
7 Bɛtia bɛkɔ dahuu noko bɛ anwosesebɛ ɛnwie;+Bɛ nuhua biala kɔfinde Nyamenle anyunlu wɔ Zayɔn.
8 O ɛlɔne Gyihova Nyamenle, tie me asɔneyɛlɛ;Tie, O Gyekɔbo Nyamenle. (Sila)
9 Nea, yɛ enyinlike+ yɛɛ yɛ Nyamenle,*Nea sonla ne mɔɔ wɔkpokpa ye la anyunlu.+
10 Ɔluakɛ wɔ sua nu alienwo ɛkɛ ne kenle ko ɛdɛnlanlɛ le kpalɛ tɛla kenle apenle wɔ ɛleka gyɛne.+
Mekulo kɛ megyinla me Nyamenle ne sua nu anlenkɛ ne anloaTɛla kɛ mebadɛnla amumuyɛma ɛdanlɛ azua nu.
11 Ɔluakɛ Gyihova Nyamenle le sɛnzɛne+ nee enyinlike;+Ɔfa ɛlolɛ nee anyunlunyia ɔmaa.
Gyihova ɛnrɛva debie kpalɛ bialaƐnrɛvea bɛdabɛ mɔɔ bɛdi nɔhalɛ* la.+
12 O ɛlɔne Gyihova,Anyelielɛ a le sonla ne mɔɔ fa ɔ nwo to ɛ nwo zo la.+
Ɔbodwɛkɛ
^ Nea Edwɛkɛbohilelɛ.
^ Anzɛɛ “Me ɛkɛla anwo.”
^ Anzɛɛ “beeka mbaka bɔnza.”
^ Anzɛɛ ɔkola ɔkile, “Na kilehilevolɛ ne nyia nyilalɛ.”
^ Anzɛɛ ɔkola ɔkile, “O Nyamenle, nea yɛ enyinlike ne.”
^ Anzɛɛ “bɛdua bɛ munlililɛ nu.” Nea Edwɛkɛbohilelɛ.
