Edwɛne 81:1-16
Kɔmaa edwɛndolɛma kpanyinli ne; Getɛte* zo. Esafe+ edwɛne.
81 Bɛva anyelielɛ bɛdea nu wɔ Nyamenle,+ yɛ anwosesebɛ ne anyunlu.
Bɛdea nu konimlilɛ nu wɔ Gyekɔbo Nyamenle ne anyunlu.
2 Bɛbɔ edwɛne ɛdolɛ bo na bɛwoso akɛya,Bɛbɔ haape nee getaa* fɛlɛko.
3 Siane ne fi fofolɛ a bɛbɔ aweɛne ne,+Siane ne yɛ mumua a bɛbɔ, wɔ kenle ne mɔɔ yɛdi yɛ ɛvoyia ne la.+
4 Ɔluakɛ ɔle mɛla ɔmaa Yizilayɛ,Ɔle Gyekɔbo Nyamenle ne ndɛnebualɛ.+
5 Ɔvale ɔyɛle ngakyelɛ ɔmaanle Dwosefi+Wɔ mekɛ mɔɔ Ɔhɔtetale Yigyibiti azɛlɛ ne la.+
Mendele ɛnelɛ* bie noko meannwu ɛnelɛ* holɛ ko:
6 “Menyele adesoa ne menvile ɔ kɔme zo;+Menyele ɔ sa menvile kɛndɛne ne anwo.
7 Ɛvɛlɛle me wɔ wɔ anwongyelelɛ nu na menliele wɔ;+Menvile ezulehululɛ nu* membuale wɔ.+
Menzɔle wɔ meneanle wɔ Mɛleba* nzule ne mɔ anwo.+ (Sila)
8 Me menli, bɛdie, na medi daselɛ meatia bɛ.
O Yizilayɛ, saa ɛbadie me ne a.+
9 Anrɛɛ nyamenle gyɛne biala ɛnrɛra wɔ avinli,Yɛɛ anrɛɛ ɛnrɛbɔ ɛ ti aze ɛnrɛmaa adalɛ nyamenle biala.+
10 Medame Gyihova a mele wɔ Nyamenle a,Ahenle mɔɔ yele wɔ vile Yigyibiti azɛlɛ zo la.+
Buke ɛ nloa wanaanwo, na mebamaa yeayi.+
11 Noko me menli ne andie me ne;Yizilayɛ ambɛlɛ ɔ nwo aze ammaa me.+
12 Ɔti memaanle bɛlile bɛ ahonle ne mɔɔ ɛsolo la anzi;Bɛyɛle mɔɔ bɛzuzule kɛ ɔle kpalɛ la.*+
13 Saa me menli ne badie me a,+Saa Yizilayɛ balua me ndenle ne mɔ anu a!+
14 Anrɛɛ mebaha bɛ kpɔvolɛma aze ndɛndɛAnrɛɛ mebahakyi me sa meahɔ menli mɔɔ kyi bɛ la anwo zo.+
15 Bɛdabɛ mɔɔ bɛkyi Gyihova la bava anwowosolɛ ara ɔ nyunlu,Na mɔɔ bavi nu ara amaa bɛ la* badɛnla ɛkɛ ne dahuu.
16 Noko ɔbamaa wɔanyia* hwiiti kpalɛ* wɔali+Na yeamaa wɔanyia bodane nu wolɛ wɔanlo ɛ ko ayi.”+
Ɔbodwɛkɛ
^ Nea Edwɛkɛbohilelɛ.
^ Anzɛɛ “aneɛ.”
^ Anzɛɛ “aneɛ.”
^ Hibulu aneɛ nu, “ezulehululɛ feabelɛ.”
^ Ɔ bo kile “Butulelilɛ.”
^ Hibulu aneɛ nu, “Bɛluale bɛ folɛdulɛ nu.”
^ Hibulu aneɛ nu, “bɛ mekɛ.”
^ Hibulu aneɛ nu, “yeanyia,” ɛhye kile, Nyamenle menli.
^ Hibulu aneɛ nu, “ɛnlome.”
