Edwɛne 80:1-19

  • Bɛkpondɛle Yizilayɛ Neavolɛ ne moalɛ

    • “O Nyamenle, die yɛ to nu bieko” (3)

    • Yizilayɛ le Nyamenle vanye (8-15)

Kɔmaa edwɛndolɛma kpanyinli ne; “Aloa” zo. Ngakyelɛ. Esafe+ edwɛne. Ayɛlɛyelɛ edwɛne. 80  O Yizilayɛ Neavolɛ, tie,Wɔmɔ mɔɔ ɛlɛka Dwosefi kɛ mboane ekpunli.+ Wɔmɔ mɔɔ ɛde wɔ belemgbunli ebia nu wɔ kyɛlɔbe zo* la,+Kile wɔ anyunlunyia.*   Kile wɔ tumi+Wɔ Yifelaem nee Bɛngyaman yɛɛ Manasɛ anye zo,Bɛla na balie yɛ.+   O Nyamenle, die yɛ to nu bieko;+Maa ɛ nyunlu ɛda yɛ nwo zo, amaa yɛanyia ngoane.+   Ɛlɔne Gyihova Nyamenle, ɛfa wɔ menli ne anwo ɛya na wɔakpo bɛ asɔneyɛlɛ wɔahɔdwu kenlenzu?+   Ɛmaa bɛdi monle kɛ aleɛ,Na ɛmaa bɛno monle dɔɔnwo.   Ɛmaa maanle maanle mɔɔ ɛbɔ ɛyia yɛ la di yɛ nwo butule;Yɛ kpɔvolɛma kɔ zo golo yɛ nwo kɛ mɔɔ bɛkulo la.+   O ɛlɔne Nyamenle, die yɛ to nu bieko;Maa ɛ nyunlu ɛda yɛ nwo zo, amaa yɛanyia ngoane.+   Ɛmaanle vanye+ baka bie dule vile Yigyibiti. Ɛvoanle maanle maanle ne mɔ na ɛluale.+   Ɛzieziele ɛleka ɛmaanle ye,Ɔzɔle ndinli na ɔvale azɛlɛ ne azo amuala.+ 10  Ye alubo hedale awoka ne mɔ azo,Yɛɛ ye ngane ne mɔ hedale Nyamenle sida mbaka ne mɔ azo. 11  Ye ngane ne mɔ hɔdwule nyevile ne anloa,Na ye nya mɔɔ ɔfefɛle la hɔdwule Azule* ne anloa.+ 12  Duzu ati a wɔbubu vanye egyinli ne mɔ bane ne,+Amaa bɛdabɛ mɔɔ bɛse ɛkɛ ne la amuala atete ye ma ne ɛ?+ 13  Kɔkɔte mɔɔ wɔ ɛhoayelɛ nu la sɛkye ye,Yɛɛ ɛbɔ nu nane anwo ɛzulolɛ di bie.+ 14  O ɛlɔne Nyamenle, yɛsɛlɛ wɔ, sia bɛla. Ɛvi anwuma nehane to ɛ nye aze na nea! Nea vanye ɛhye azo boɛ,+ 15  Baka ne mɔɔ ɛ sa fema luale la,+Na nea ngane ne mɔɔ ɛmaanle ɔ nwo yɛle se maanle wɔ la.+ 16  Bɛpɛ bɛdo aze na bɛdo senle nu bɛyela ye.+ Wɔ ndeanlɛ maa bɛminli. 17  Maa ɛ sa ɛboa sonla ne mɔɔ de ɛ sa fema zo la,Sonla ra ne mɔɔ wɔmaa ɔ nwo ɛyɛ se ɛmaa wɔ la.+ 18  Na yɛnrɛhwe yɛ nwo yɛnrɛvi ɛ nwo bieko. Maa yɛdɛnla ngoane nu, amaa yɛabɔ wɔ duma. 19  O ɛlɔne Gyihova Nyamenle, die yɛ to nu bieko;Maa ɛ nyunlu ɛda yɛ nwo zo, amaa yɛanyia ngoane.+

Ɔbodwɛkɛ

Anzɛɛ ɔkola ɔkile, “avinli.”
Anzɛɛ “Ye wɔ wienyi ne kile.”
Ɛhye kile, “Yufileti.”