Edwɛne 8:1-9
Kɔmaa edwɛndolɛma kpanyinli ne; Getɛte* zo. Devidi ayɛlɛyelɛ edwɛne.
8 O Gyihova yɛ Awulae, nea kɛzi wɔ duma le kpole kpalɛ wɔ azɛlɛ ye amuala azo a;Wɔmaa wɔ anyunlunyia ɛyɛ kpole kpalɛ ɛdɛla anwuma bɔbɔ!*+
2 Ngakula nee mbɔdɔma anloa anu+ a wɔva anwosesebɛ wɔzie aƆlua wɔ kpɔvolɛma ati,Amaa kpɔvolɛ ne nee mɔɔ di nzenralɛ la aha bɛ nloa ado nu.
3 Saa menea* anwuma, ɛ sa* anloa gyima,Siane nee nwɔlɔra mɔɔ wɔyɛ la a,+
4 Sonla le duzu mɔɔ ɛkakye ye a,Na sonla ra le duzu mɔɔ ɛ nye wɔ ɔ nwo a?+
5 Ɛmaanle anwumabɔvolɛ ne mɔ dɛlale ye ekyii,Na ɛvale anyunlunyia nee enililɛ ɛbɔle ye abotile.
6 Wɔmaa ye tumi kɛ ɔnlea ɛ sa anloa gyima zo;+Wɔva debie biala wɔwula ɔ gyakɛ abo:
7 Mboane nee nlankɛ kɔsɔɔti,Yɛɛ ɛbɔ nu nane,+
8 Anwomanyunlu nloma nee nyevile nu fɛlɛ,Debie biala mɔɔ wɔ nyevile nu la.
9 O Gyihova yɛ Awulae, nea kɛzi wɔ duma le kpole kpalɛ wɔ azɛlɛ ye amuala azo a!
Ɔbodwɛkɛ
^ Nea Edwɛkɛbohilelɛ.
^ Anzɛɛ ɔkola ɔkile, “Wɔmɔ mɔɔ bɛka wɔ anyunlunyia nwo edwɛkɛ bɛtɛla anwuma bɔbɔ la!”
^ Hibulu aneɛ nu, “menwu.”
^ Hibulu aneɛ nu, “ɛ sa mrɛlɛsɛka.”
