Edwɛne 79:1-13
Esafe+ ayɛlɛyelɛ edwɛne.
79 O Nyamenle, maanle maanle ne mɔ ɛrava wɔ agyapadeɛ ne;+Bɛgua wɔ ɛzonlenlɛsua nwuanzanwuanza ne anwo evinli;+Bɛmaa Gyɛlusalɛm ɛhakyi ewula edukue.+
2 Bɛva wɔ azonvolɛ avunli bɛmaa anwomanyunlu nloma kɛ aleɛYɛɛ bɛva wɔ nɔhavoma nwonane bɛmaa azɛlɛ ye azo nane anwo ɛzulolɛ.+
3 Bɛwola bɛ mogya bɛgua kɛ nzule la bɛbɔ Gyɛlusalɛm anwo bɛyia,Na awie ɛnle ɛkɛ mɔɔ ɔsie bɛ avunli ne a.+
4 Menli mɔɔ de bikye yɛ la bɔ yɛ aholoba;+Bɛdabɛ mɔɔ bɛbɔ yɛ bɛyia la golo yɛ nwo na bɛsele yɛ.
5 O Gyihova, ɛfa ɛya wɔahɔdwu kenlenzu? Dahuu ɔ?+
Wɔ ɛya kpole ne sɔ kɛ senle yeahɔdwu kenlenzu?+
6 Wola wɔ ɛya ne gua maanle maanle mɔɔ bɛnze wɔNee arelemgbunlililɛ mɔɔ bɛmbɔ wɔ duma la anwo zo.+
7 Ɔluakɛ bɛhye Gyekɔbo bɛliNa bɛmaa ye azɛlɛ ne ɛdɔ mgbane.+
8 Mmatwe yɛ nzo wɔ yɛ nenyia mɔ nvonleɛ nwo.+
Se yɛ anwunvɔne ndɛndɛ,+Ɔluakɛ bɛbɛlɛ yɛ aze somaa.
9 O yɛ ngoanedievolɛ Nyamenle, boa yɛ,+Ɔlua wɔ anyunlunyia duma ne ati;Die yɛ na fa yɛ ɛtane ne mɔ kyɛ yɛ* ɔlua wɔ duma ne ati.+
10 Duzu ati a ɔwɔ kɛ maanle maanle ne mɔ ka kɛ: “Nienwu a bɛ Nyamenle ne wɔ a?”+
Maa maanle maanle ne mɔ ɛnwu ye kɛWɔli wɔ azonvolɛ mɔɔ bɛha bɛ mogya bɛgua la anwo nzenralɛ wɔ yɛdayɛ yɛ nye zo.+
11 Tie pilizanli nyanelilɛ.+
Fa wɔ tumi* kpole ne die* bɛdabɛ mɔɔ bɛbua bɛ ewule fɔlɛ la.*+
12 Tua menli mɔɔ de bikye yɛ la kakɛ fane nsuu+Ɔluakɛ bɛtendɛ bɛtia wɔ, O Gyihova.+
13 Na yɛmɛ, mɔɔ yɛle wɔ menli nee wɔ adidileka mboane la,+Yɛbayɛ wɔ mo dahuu;Na yɛbabɔ wɔ ayɛlɛyelɛ ne nolo ɔvi awolɛndoazo zo kɔdwu awolɛndoazo zo.+
Ɔbodwɛkɛ
^ Hibulu aneɛ nu, “keda zo.”
^ Hibulu aneɛ nu, “ɛ sa.”
^ Anzɛɛ ɔkola ɔkile, “maa bɛgyakyi.”
^ Hibulu aneɛ nu, “ewule amra mrenyia.”
