Edwɛne 78:1-72

  • Nyamenle dwenle bɛ nwo, Yizilayɛma ɛnlɛ diedi

    • Bɛha bɛhile awolɛndoazo mɔɔ bara la (2-8)

    • “Bɛannyia Nyamenle anu diedi” (22)

    • “Ɔmaanle bɛ anwuma aleɛ” (24)

    • “Bɛmaanle Yizilayɛ Nwuanzanwuanza Ko ne lile nyane” (41)

    • Bɛvile Yigyibiti bɛhɔle Ɛwɔkɛ Azɛlɛ ne azo (43-55)

    • ‘Bɛhɔle zo bɛ nee Nyamenle dwudwule’ (56)

Masekele.* Esafe+ edwɛne. 78  Me menli, bɛdie me mɛla* ne;Bɛgyele bɛ nzo bɛdie me nloa anu edwɛkɛ.   Mebabuke me nloa wɔ ɛrɛlɛbulɛ nu. Mebaha tete agyebɛ nwo edwɛkɛ.+   Mɔɔ yɛde nee mɔɔ yɛze,Mɔɔ yɛ papa mɔ hanle hilele yɛ la,+   Yɛnrɛva yɛnrɛvea bɛ bo zo amra;Yɛbaha yɛahile awolɛndoazo mɔɔ bara la+Ninyɛne mɔɔ fɛta ayɛlɛyelɛ mɔɔ Gyihova ɛyɛ nee ye anwosesebɛ,+Nwanwane ninyɛne mɔɔ yeyɛ la.+   Ɔvale ngakyelɛ ɔmaanle GyekɔboNa ɔlile mɛla wɔ Yizilayɛ;Ɔzele yɛ nenyia mɔKɛ bɛha ɛhye mɔ bɛhile bɛ mra,+   Amaa awolɛndoazo bieko,Ngakula mɔɔ bɔ zo mɔɔ bɛbawo bɛ la anwu ye.+ Na bɛdabɛ noko bɛaha bɛahile bɛ mra.+   Na bɛanyia anwodozo wɔ Nyamenle anu. Bɛ rɛle ɛnrɛvi Nyamenle gyima ne mɔ+Emomu, bɛbali ye mɛla ne mɔ azo.+   Na bɛanyɛ kɛ bɛ nenyia mɔ,Awolɛndoazo anzosesebɛma nee atuadelɛma,+Awolɛndoazo mɔɔ bɛ ahonle anzi pi*+Na bɛanli nɔhalɛ bɛammaa* Nyamenle la.   Ɛnee Yifelaemma dedɛ ɛda,Noko wɔ konle kenle ne, bɛnriandile. 10  Bɛanli Nyamenle ngyekyeleɛ ne azo+Yɛɛ bɛanli ye mɛla ne azo.+ 11  Eza bɛ rɛle vile mɔɔ ɔyɛle,+Ye nwanwane gyima ne mɔ mɔɔ ɔyɛle ɔhilele bɛ la.+ 12  Ɔyɛle nwanwane ninyɛne wɔ bɛ nenyia mɔ anye zo,+Wɔ Yigyibiti azɛlɛ zo, wɔ Zowan+ maanzinli nu. 13  Ɔkpakyele nyevile ne anu ɔmaanle bɛluale nu,Yɛɛ ɔmaanle azule ne dwazole gyinlanle kɛ bane.+ 14  Ɔvale amungu ɔlile bɛ nyunlu alehyenlɛ nuYɛɛ ɔvale senle mpila* ɔlile bɛ nyunlu nɔɔzo.+ 15  Ɔkpukele bodane nu wɔ fienemgbole ne anu,Ɔmaanle bɛnlonle nzule ɔdele bɛ kɛ asɛɛ ɔvi azule kuma nu la.+ 16  Ɔmaanle azudenle vi bodane nu raleYɛɛ ɔmaanle nzule zenle kɛ azule la.+ 17  Noko bɛhɔle zo bɛyɛle ɛtane bɛtiale ye,Bɛdele Anwuma Anwumanli ne anwo atua wɔ ɛsɛlɛ ne azo;+ 18  Bɛ nee Nyamenle dwudwule* wɔ bɛ ahonle nu+Bɛbizale aleɛ mɔɔ bɛ ti akunlu rale zolɛ la.* 19  Ɔti bɛdendɛle bɛtiale Nyamenle,Bɛhanle kɛ: “Asoo Nyamenle bahola ado yɛ ɛkponle wɔ fienemgbole ye anu?”+ 20  Nea! Ɔbɔle bodaneƆmaanle nzule rale na azudenle yile bule aze.+ “Asoo eza ɔkɛhola ɔkɛmaa yɛ aleɛ,Anzɛɛ ɔkɛhola ɔkɛmaa ye menli ne nane ɔ?”+ 21  Mɔɔ Gyihova dele la, ɔvale ɛya kpole;+Senle+ dɔle Gyekɔbo avinli,Na ɔvale Yizilayɛ anwo ɛya+ 22  Ɔluakɛ bɛannyia Nyamenle anu diedi;+Bɛannyia anwodozo kɛ ɔlɛ tumi ɔdie bɛ. 23  Ɔti ɔdendɛle ɔhilele anwomanyunlu amungu,Na ɔbukele anwuma nlenkɛ ne mɔ. 24  Ɔmaanle mana dɔle kɛ ezule ɔmaanle bɛlile;Ɔmaanle bɛ anwuma aleɛ.+ 25  Menli lile katakyiema*+ aleɛ;Ɔmaanle bɛnyianle ye dɔɔnwo bɛlile na bɛ ko yile.+ 26  Ɔmaanle aduduleɛ anwoma ne dule anwuma lɔNa ɔluale ye tumi zo ɔmaanle nyiakɛ anwoma ne bɔle.+ 27  Na ɔmaanle nane dɔle guale bɛ nwo zo kɛ munlutu,Nee nloma kɛ ɛnweazo ɛnwea. 28  Ɔmaanle bɛdele bɛguale ye azokoɛleɛ ne avinli,Ye ɛdanlɛ azua ne mɔ amuala anwo. 29  Na bɛlile na bɛ ko yile bole zo;Ɔmaanle bɛnyianle mɔɔ bɛ ti akunlu rale zo la.+ 30  Noko mekɛ mɔɔ bɛ atiakunluwɔzo ne tɛbɔ ɛkɛ,Mɔɔ bɛ aleɛ ne wɔ bɛ nloa anu la, 31  Nyamenle vale bɛ nwo ɛya.+ Ɔhunle bɛ menli mɔɔ anwo yɛ se kpalɛ la;+Ɔhanle Yizilayɛ mgbavolɛ ɔguale aze. 32  Noko ɛhye mɔ amuala anzi, bɛhɔle zo bɛyɛle ɛtane+Na bɛannyia ye nwanwane gyima ne mɔ anu diedi.+ 33  Ɔti ɔpɛle bɛ ngoane mekɛ zo kɛ ɛnwomenle,+Na ɔluale munzule mɔɔ ba arɛlevilɛ nu la azo ɔpɛle bɛ ɛvolɛ zo. 34  Noko saa ɔbɔ ɔ bo kɛ ɔku bɛ a, bɛkpondɛ ɔ bo zo;+Bɛsia bɛ nzi na bɛkpondɛ Nyamenle, 35  Bɛkakye kɛ Nyamenle le bɛ Bodane+Na Anwuma Anwuma Nyamenle ne le bɛ Dievolɛ.*+ 36  Noko bɛbɔle mɔdenle kɛ bɛfa bɛ nloa bɛabɛlɛbɛla yeYɛɛ bɛvale bɛ tafinlima bɛbɔle adalɛ bɛhilele ye. 37  Bɛ ahonle anzi pi wɔ ɔ nwo;+Yɛɛ bɛanli nɔhalɛ wɔ ye ngyekyeleɛ ne anwo.+ 38  Noko ɔzele bɛ anwunvɔne;+Ɔvale bɛ nvonleɛ ɔhyɛle bɛ* na yeambɔ bɛ bo zo.+ Kɛ anrɛɛ ɔbawola ye ɛya ne amuala yeagua bɛ nwo zo laƆhomonle ye ɛya kpole ne azo.+ 39  Ɔluakɛ ɔhakyele kɛ bɛle nwonane,+Anwoma mɔɔ bɔ kɔ na ɔnzia ɔ nzi la.* 40  Nea kɛzi bɛdele ɔ nwo atua fane dɔɔnwo wɔ fienemgbole ne anu+Na bɛmaanle ɔlile nyane wɔ ɛsɛlɛ ne azo a!+ 41  Bɛzɔle Nyamenle bɛnleanle fane dɔɔnwo,+Na bɛmaanle Yizilayɛ Nwuanzanwuanza Ko ne lile nyane. 42  Bɛangakye ye tumi* ne,Kenle mɔɔ ɔliele bɛ ɔvile kpɔvolɛ ne asa anu la,+ 43  Kɛzi ɔyɛle ye sɛkɛlɛneɛ ne mɔ wɔ Yigyibiti+Nee ye nwanwane ninyɛne ne mɔ wɔ Zowan maanzinli nu la, 44  Nee kɛzi ɔmaanle Naele kanale ne mɔ hakyile mogya+Amaa bɛangola bɛanno bɛ azudenle ne mɔ bie la. 45  Ɔzoanle nrɛzenra dɔɔnwo ɔmaanle bɛhɔgyegyele bɛ+Nee ahɛlɛne kɛ bɛhɔzɛkye bɛ.+ 46  Ɔvale bɛ ɛya nu aleɛ ɔmaanle abɛbɛ mɔɔ sɛkye ninyɛne,Ɔvale bɛ sa anloa gyima ɔmaanle abɛbɛ dɔɔnwo.+ 47  Ɔvale ezuawolɛ ɔzɛkyele bɛ vanye ne mɔNa ɔvale ezuawolɛ ɔzɛkyele bɛ sikamɔ mbaka.+ 48  Ɔmaanle ezuawolɛ hunle bɛ nane mɔɔ soa ninyɛne+Yɛɛ ɛsɛlɛmanye* hunle bɛ nyɛmoa. 49  Ɔmaanle ye ɛya wuluwulu ne rale bɛ nwo zo,Ɔvale ɛya kpole, ɔ nye bolole na ɔmaanle bɛ nwo hyelele bɛ,Anwumabɔvolɛma ɛlɔne vale ngyegyelɛ rale. 50  Ɔzieziele adenle nu ɔmaanle ye ɛya ne. Yeanye bɛ* yeanvi ewule nu;Na ɔvale bɛ* ɔmaanle ewulenzane. 51  Awieleɛ bɔkɔɔ ne, ɔhunle Yigyibiti belamunli mralɛ kɔsɔɔti,+Bɛ awolɛ tumi mɔlebɛbo wɔ Ham ɛdanlɛ azua ne mɔ anu. 52  Akee ɔyele ye menli ne ɔvile ɛkɛ ne kɛ mboane ekpunli+Na ɔhilele bɛ adenle kɛ nane ekpunli la wɔ fienemgbole ne anu. 53  Ɔlile bɛ nyunlu ɔbɔle bɛ nwo bane,Na bɛanzulo;+Nyevile ne hedale bɛ kpɔvolɛma anwo zo.+ 54  Na ɔvale bɛ ɔrale ye azɛlɛ nwuanzanwuanza ne azo,+Awoka ɛhye mɔ mɔɔ ɔ sa fema ne maanle ɔnyianle la.+ 55  Ɔvoanle maanle maanle ɔvile bɛ nye zo;+Ɔvale ɛzuzunyɛma ɔhyɛle agyapadeɛ ɔmaanle bɛ;+Ɔmaanle Yizilayɛ mbusua dɛnlɛdɛnlanle bɛ awuke nu.+ 56  Noko bɛhɔle zo bɛ nee Anwuma Anwuma Nyamenle ne dwudwule,* na bɛdele ɔ nwo atua;+Bɛanyɛ ɛnzolɛ bɛandie ye ngakyelɛ ne mɔ.+ 57  Bɛdabɛ noko bɛhakyile bɛ nzi bɛzile ye na bɛanli nɔhalɛ kɛ bɛ nenyia mɔ la.+ Ɛnee bɛle kɛ ɛda mɔɔ anu ɛdo la,+ bɛangola bɛanva bɛ nwo bɛando bɛ nwo zo. 58  Bɛvale bɛ ɛzonlenlɛ ɛleka ne mɔ* bɛhanle ye ɛya,+Na bɛvale bɛ ananze mɔɔ bɛze la bɛfutule ye ahonle.*+ 59  Nyamenle nwunle ye na ɔvale ɛya kpole,+Ɔti ɔkpole Yizilayɛ bɔkɔɔ. 60  Akee ɔkpole ɛdanlɛsua ne mɔɔ wɔ Hyaelo la,+Ɛdanlɛsua ne mɔɔ ɔdɛnlanle nu wɔ menli avinli la.+ 61  Ɔmaanle bɛvale debie mɔɔ gyi ɛkɛ ne maa ye anwosesebɛ ne la bɛhɔle akɛlɛzonlenlɛ nu;Ɔvale ye anyunlunyia ne ɔwulale ye kpɔvolɛ ne asa anu.+ 62  Ɔmaanle bɛvale konle dadeɛ bɛhuhunle ye menli ne+Na ɔvale ye agyapadeɛ ne anwo ɛya kpole. 63  Senle yelale ye mgbavolɛ ne mɔ,Yɛɛ bɛando atɔfolɛ edwɛne bɛammaa ye mbɛlɛra ne mɔ.* 64  Bɛvale konle dadeɛ bɛhuhunle ye ɛsɔfoma ne,+Na bɛ ahunlanvolɛ anzu.+ 65  Akee Gyihova dwazole kɛ asɛɛ ɔvi nafelɛ nu,+Kɛ katakyie+ mɔɔ nza ɛtete ɔ nye zo na yedwazo la. 66  Na ɔmaanle ye kpɔvolɛma ziale bɛ nzi;+Ɔmaanle bɛ nyunlu guale aze bɔkɔɔ. 67  Ɔkpole Dwosefi ɛdanlɛsua ne;Yeamkpa Yifelaem abusua ne. 68  Emomu ɔkpale Dwuda abusua ne,+Zayɔn Boka ne mɔɔ ɔkulo ye la.+ 69  Ɔmaanle ye ɛzonlenlɛsua ne gyinlanle ɛkɛ ne kpundii kɛ anwuma la,*+Kɛ azɛlɛ ne mɔɔ yeva yezie ɛkɛ ne dahuu la.+ 70  Ɔkpale ye sonvolɛ Devidi+Na ɔyele ye ɔvile mboane tunli nu,+ 71  Ɔmaanle ɔgyakyile mboane mbelɛ mɔɔ ɛlɛmaa nyɛfonlɛ la ɛnleanlɛ;Ɔmaanle ɔnleanle Gyekɔbo, ye menli ne,+Nee Yizilayɛ, ye agyapadeɛ ne anwo zo.+ 72  Ɔvale ahonle mɔɔ di munli la ɔnleanle bɛ,+Na ɔbɔle ɔ bo ɔlile bɛ nyunlu wɔ mɔdenlebɔlɛ nu.+

Ɔbodwɛkɛ

Anzɛɛ “ngilehilelɛ.”
Hibulu aneɛ nu, “mɔɔ bɛanziezie bɛ ahonle.”
Hibulu aneɛ nu, “Na bɛ susum anli nɔhalɛ ammaa.”
Hibulu aneɛ nu, “wienyi.”
Hibulu aneɛ nu, “bɛzɔle ye bɛnleanle.”
Anzɛɛ “aleɛ bɛmaanle bɛ ɛkɛla.”
Anzɛɛ “anwumabɔvolɛma.”
Anzɛɛ “Nzenralɛdivolɛ.”
Hibulu aneɛ nu, “ɔhedale zo.”
Anzɛɛ ɔkola ɔkile, “Kɛ sunsum ne ɛlɛkɔ ɔ nyunlu na ɔnzia ɔ nzi bieko la.”
Hibulu aneɛ nu, “ɔ sa.”
Anzɛɛ ɔkola ɔkile, “ebunlu.”
Anzɛɛ “bɛ ɛkɛla.”
Hibulu aneɛ nu, “bɛ ngoane.”
Hibulu aneɛ nu, “bɛzɔle ye bɛnleanle.”
Hibulu aneɛ nu, “ɛleka mɔɔ wɔ anwuma la.”
Anzɛɛ “bɛmaanle ɔhwenle nungule.”
Hibulu aneɛ nu, “Yɛɛ bɛanye ye mbɛlɛra ne mɔ ayɛlɛ.”
Hibulu aneɛ nu, “Ɔzile ye ɛzonlenlɛsua ne kɛ anwuma la.”