Edwɛne 77:1-20
Kɔmaa edwɛndolɛma kpanyinli ne; Gyɛdutɛn* zo. Esafe+ edwɛne. Ayɛlɛyelɛ edwɛne.
77 Mebamaa me ne zo meazu meavɛlɛ Nyamenle;Mebazu meavɛlɛ Nyamenle, na ɔbadie me.+
2 Mekpondɛ Gyihova wɔ me anwongyelelɛ kenle.+
Metɛlɛ me sa nu mekile ye nɔɔzo biala mɔɔ mengyakyi* a.
Bɛngola me rɛle* kyekye.
3 Saa mekakye Nyamenle a, mekponle;+Medwenledwenle too me anwosesebɛ ɛwie.*+ (Sila)
4 Ɛlɛ me nye anzi nwoma ne anu, ɛmmaa me nye ɛngeda;Me rɛle ɛbɔ na mengola tendɛ.
5 Medwenledwenle mekɛ mɔɔ ɛze ɛhɔ la anwo,+Ɛvolɛ dɔɔnwo mɔɔ ɛze ɛhɔ la.
6 Mekakye me edwɛne* ne nɔɔzo;+Medwenledwenle nwo wɔ me ahonle nu;+Meyɛ* neɛnleanu kpalɛ.
7 Asoo Gyihova bakpo yɛ dahuu?+
Ɔnrɛla ye ɛlolɛ ne ali ɔnrɛhile yɛ bieko ɔ?+
8 Asoo ye ɛlɔlɛ kpundii ne ɛwie bɔkɔɔ ɔ?
Asoo ye ɛwɔkɛ ne ɛnrɛra nu wɔ awolɛndoazo kɔsɔɔti anwo zo ɔ?
9 Asoo Nyamenle arɛle ɛvi kɛ ɔkɛla ye ɛlolɛ ali,+Anzɛɛ ye ɛya ne ɛmaa yegyakyi kɛ ɔkɛze anwunvɔne ɔ? (Sila)
10 Mekɔ zo meka kɛ: “Ɛhye a gyegye me a:+
Anwuma Anwumanli ne ɛye ɔ sa fema ne ɛvi yɛ nwo zo.”
11 Mebahakye Gyaa gyima ne mɔ;Mebahakye wɔ tete nwanwane nyɛleɛ ne mɔ.
12 Na mebadwenledwenle wɔ gyima ne amuala anwoNa meazuzu ninyɛne mɔɔ wɔyɛ la anwo.+
13 O Nyamenle, wɔ ndenle le nwuanzanwuanza.
O Nyamenle, nyamenle boni a le bedevinli kɛ ɛdawɔ a?+
14 Wɔmɔ a ɛle nɔhalɛ Nyamenle ne mɔɔ yɛ nwanwane ninyɛne la.+
Wɔla wɔ anwosesebɛ ne ali wɔhile menli ne.+
15 Wɔva wɔ tumi* ne wɔlie wɔ menli,+Gyekɔbo nee Dwosefi abozoamra. (Sila)
16 O Nyamenle, azule ne mɔ nwunle wɔ;Azule ne mɔ nwunle wɔ na bɛkpudwule.+
Na azule kuma ne mɔ vale ɛya.
17 Amungu ne dɔle ezule kpole.
Anwomanyunlu amungu hulule,Na wɔ ɛda mbaka ne mɔ lile akɔneaba.+
18 Wɔ ɛhululɛ+ ne lieliele kɛ ehwili gyakɛ;Ɛsɛlɛmanye kpakyele dale azɛlɛ ne azo;*+Azɛlɛ ne wosole na ɔkpusule.+
19 Ɛnee wɔ adenle la nyevile ne anu,+Ɛ gyakɛ abo adenle la azule dɔɔnwo ne anu;Noko awie angola annwu ɛ gyakɛ abo zo.
20 Ɛlile wɔ menli ne mɔɔ bɛle kɛ mboane ekpunli la anyunlu,+Mosisi nee Aalɔn a nleanle bɛ nwo zo a.*+
Ɔbodwɛkɛ
^ Nea Edwɛkɛbohilelɛ.
^ Hibulu aneɛ nu, “Medɛlɛ me sa nu na ɔnnyia.”
^ Anzɛɛ “me ɛkɛla arɛle.”
^ Hibulu aneɛ nu, “me sunsum anye zo ɛbulu ye.”
^ Anzɛɛ “getaa edwɛne.”
^ Hibulu aneɛ nu, “Me sunsum ne yɛ.”
^ Hibulu aneɛ nu, “ɛ sa.”
^ Anzɛɛ “ewiade.”
^ Hibulu aneɛ nu, “Ɛnee bɛwɔ bɛ sa nu.”
