Edwɛne 76:1-12
Kɔmaa edwɛndolɛma kpanyinli ne; bɛva getaa* bɛboka nwo bɛdo. Esafe+ ayɛlɛyelɛ edwɛne. Edwɛne.
76 Bɛze Nyamenle wɔ Dwuda;+Ye duma le kpole wɔ Yizilayɛ.+
2 Ye feabelɛ wɔ Seelɛm,+Yɛɛ ye tɛnlabelɛ wɔ Zayɔn.+
3 Ɛkɛ ne a ɔbubule ɛda mbaka mɔɔ ɛlɛsɔ,Enyinlike nee konle dadeɛ yɛɛ akodeɛ nu a.+ (Sila)
4 Ɛta kpole kpalɛ;*Ɛle kpole ɛtɛla awoka mɔɔ nanemgbole wɔ zo la.
5 Bɛve akɛnrasesebɛma ninyɛne.+
Bɛlafe;Ɛlɔnema ne angola ɛhwee yɛ.+
6 O Gyekɔbo Nyamenle, wɔ ndeanlɛ ti,Ehwili kavolɛ nee ɛkpɔnwɔ lafele botoo.+
7 Ɛ ngomekye a ɛ nwo yɛ ɛzulolɛ a.+
Nwane a kɛhola kɛgyinla wɔ ɛya kpole ne anloa a?+
8 Ɛvi anwuma ɛbuale ndɛne;+Azɛlɛ zulole na ɔyɛle koonwu+
9 Wɔ mekɛ mɔɔ Nyamenle dwazole kɛ ɔbua ndɛne,Yealie bɛlɛvoma kɔsɔɔti mɔɔ wɔ azɛlɛ ye azo la.+ (Sila)
10 Ɔluakɛ sonla ɛyavalɛ bava ayɛlɛyelɛ arɛlɛ wɔ;+Ɛbava bɛ ɛyavalɛ ne abo zo wɔaziezie ɛ nwo.
11 Bɛbɔ Gyihova bɛ Nyamenle ne ɛwɔkɛ na bɛdua,+Maa bɛdabɛ mɔɔ bɛbɔ ye bɛyia la amuala ɛva bɛ ahyɛlɛdeɛ ɛrɛla wɔ ɛzulolɛ nu.+
12 Ɔbabɛlɛ adekilevolɛma anwomemaazo* ne aze;Ɔka azɛlɛ ye azo arelemgbunli ɛzulolɛ.
