Edwɛne 74:1-23

  • Asɔne mɔɔ bɛyɛ kɛ Nyamenle ɛhakye ye menli la

    • Bɛkakye Nyamenle ngoanelielɛ gyima ne mɔ (12-17)

    • “Kakye kpɔvolɛ ne tendɛtia ne” (18)

Masekele.* Esafe+ edwɛne. 74  O Nyamenle, duzu ati a wɔkpo yɛ bɔkɔɔ ɛ?+ Duzu ati a wɔ ɛya ne sɔ* kɛ senle yela wɔ mboane ne mɔ mɔɔ wɔ wɔ adidileka ne la ɛ?+   Kakye menli* mɔɔ ɛkpale nu ɛyele bɛ wɔ tete ne,+Abusua ne mɔɔ ɛlielɛ bɛ kɛ wɔ agyapadeɛ la.+ Kakye Zayɔn Boka ne, ɛleka mɔɔ ɛdɛnlanle la.+   Kɔ ɛleka mɔɔ bɛzɛkye ye bɔkɔɔ la.+ Kpɔvolɛ ne ɛzɛkye debie biala mɔɔ wɔ ɛleka nwuanzanwuanza ne la.+   Wɔ kpɔvolɛma deɛdeanle nu konimlilɛ nu wɔ wɔ nyianu ɛleka ne.*+ Bɛva bɛ sɛkɛlɛneɛ bɛziezie ɛkɛ.   Ɛnee bɛle kɛ menli mɔɔ ɛlɛfa akuma azo ɛhoayelɛ kpole la.   Bɛvale akuma nee hamenle bɛbubule debie biala mɔɔ bɛli adwinli bɛgua nwo la.+   Bɛdole senle wɔ wɔ ɛzonlenlɛsua ne anu.+ Bɛguale ɛdanlɛsua ne mɔɔ wɔ duma la zo la anwo evinli, na bɛbubule ye bɛguale aze.   Bɛ nee bɛ bo zo amra ɛha ye wɔ bɛ ahonle nu kɛ: “Ɔwɔ kɛ yɛyela Nyamenle nyianu ɛleka ne mɔ kɔsɔɔti* mɔɔ wɔ azɛlɛ ye azo la.”   Yɛnnwu sɛkɛlɛneɛ biala;Ngapezonli biala ɛnle ɛkɛ ne bieko,Na yɛ nuhua biala ɛnze mekɛ tendenle mɔɔ ɛhye bali a. 10  O Nyamenle, sɛkyevolɛ ne ɛdendɛ ɛtia wɔ ɛhɔdwu kenlenzu?+ Asoo ɔwɔ kɛ kpɔvolɛ ne sɛkye wɔ duma dahuu?+ 11  Duzu ati a ɛnye ɛ sa, ɛ sa fema ne ɛ?+ Ye fi ɛ kɛnra anu* na sɛkye bɛ. 12  Noko ɔvi tete, Nyamenle le me Belemgbunli,Ahenle mɔɔ yɛ ngoanelielɛ gyima wɔ azɛlɛ ne azo la.+ 13  Ɛvale wɔ anwosesebɛ ne ɛhanle nyevile ne anu;+Ɛgelegelele nyevile nu nanemgbole ne mɔ ati wɔ azule ne mɔ anu. 14  Ɛgelegelele Lɛveatan* ne ati;*Ɛvale ɛmaanle menli ne kɛ aleɛ, bɛdabɛ mɔɔ bɛde ɛsɛlɛ zo la. 15  Ɛbukele azɛlɛ ne anu ɛmaanle nzufeanvea nee azudenle zenle;+Ɛmaanle azule mɔɔ se dahuu la sesanle.+ 16  Alehyenlɛ nee aledwolɛ le wɔ ɛdeɛ. Wɔmɔ a ɛyɛle wienyi* nee sɛnzɛne ne a.+ 17  Ɛdawɔ a ɛgyale ɛweɛne mɔɔ wɔ azɛlɛ ye azo la amuala a;+Ɛdawɔ a ɛbɔle wawaa nee fɔsɛlɛ a.+ 18  O Gyihova, kakye kpɔvolɛ ne tendɛtia ne,Nea kɛzi ahoasea sɛkye wɔ duma la.+ 19  Mmafa wɔ abubule ngoane ɛwula nanemgbole asa anu. Mmamaa ɛ rɛle fi wɔ menli mɔɔ ɛlɛnwu amaneɛ la bɔkɔɔ. 20  Kakye ngyekyeleɛ ne,Ɔluakɛ amumuyɛma ɛva azɛlɛ ye azo awozinli ɛleka ne mɔ amuala ɛyɛ bɛ tɛnlabelɛ. 21  Mmamaa mɔɔ bɛsisi ye la fa nyanelilɛ sia;+Maa koahweabane nee ehyianli ɛye wɔ duma ne ayɛlɛ.+ 22  O Nyamenle, dwazo na di wɔ edwɛkɛ. Kakye kɛzi ahoasea tendɛ tia wɔ dahuu la.+ 23  Mmamaa ɛ rɛle fi mɔɔ wɔ kpɔvolɛma ɛlɛka la. Bɛdabɛ mɔɔ bɛte ɛ nwo atua la dede ne ɛlɛkɔ anwuma dahuu.

Ɔbodwɛkɛ

Hibulu aneɛ nu, “kpu esike.”
Hibulu aneɛ nu, “wɔ ayiama.”
Anzɛɛ “wɔ wɔ ɛleka mɔɔ bɛyia la.”
Anzɛɛ “ɛleka kɔsɔɔti mɔɔ bɛsonle Nyamenle.”
Anzɛɛ “Ye fi wɔ tɛladeɛ ne anu.”
Hibulu aneɛ nu, “ati ne mɔ.”
Anzɛɛ “kɛnlaneɛ.”