Edwɛne 73:1-28

  • Nyamenle sonla sia dwenle sunsum nu ninyɛne nwo

    • “Anrɛɛ mefo tenleneyɛlɛ adenle ne” (2)

    • “Ɔgyegyele me dahuu” (14)

    • ‘Kɔkpula kɛ menwolole Nyamenle ɛzonlenlɛsua ne anu’ (17)

    • Amumuyɛma gyi ɛleka mɔɔ le teteletetele la (18)

    • Nyamenle mɔɔ mebikye ye la le kpalɛ (28)

Esafe+ ayɛlɛyelɛ edwɛne. 73  Nɔhalɛ nu, Nyamenle le kpalɛ maa Yizilayɛ, ɔle kpalɛ ɔmaa bɛdabɛ mɔɔ bɛ ahonle nu te la.+   Na mame, anrɛɛ mefo tenleneyɛlɛ adenle ne;Ɔhale ekyii na meatele.+   Ɔluakɛ me nye bolole anwomemaazoma,*Wɔ mekɛ mɔɔ menwunle kɛ amumuyɛma lɛ anzodwolɛ la.+   Ɔluakɛ bɛnde nyane na bɛawu;Bɛ sonlabaka ne mɔ te kpɔkɛ.*+   Bɛnlɛ ngyegyelɛ kɛ alesama mɔɔ ɛha la,+Yɛɛ bɛnnwu amaneɛ kɛ menli mɔɔ ɛha la.+   Ɛhye ati, anwomemaazo le bɛ ndweabane;+Bɛkeda amumuyɛyɛlɛ kɛ ɛdanlɛ la.   Bɛ anwonyia ɛmaa bɛ nye ɛyɛ mgbole;Mɔɔ bɛnyia ye la bo mɔɔ bɛzuzule nwo wɔ bɛ ahonle nu la azo.   Bɛgolo awie mɔ anwo na bɛka edwɛkɛ ɛtane.+ Bɛmemaa bɛ nwo zo bɛka kɛ bɛsisi awie mɔ.+   Bɛtendɛ kɛ asɛɛ bɛwɔ anwuma la,Yɛɛ bɛluolua azɛlɛ ne azo bɛfa bɛ tafinlima bɛka mɔɔ bɛkulo la. 10  Ɔti ye menli ne makyi kɔ bɛ nwo ɛkɛ,Na bɛno bɛ nzule dɔɔnwo ne bie. 11  Bɛka kɛ: “Kɛ ɔkɛyɛ na Nyamenle anwu ye ɛ?+ Asoo Anwuma Anwumanli ne ze ninyɛne ɛhye mɔ?” 12  Ɛhɛe, kɛ amumuyɛma mɔɔ bɛ nwo tɔ bɛ dahuu la de la ɛne.+ Bɛmaa bɛ anwonyia kɔ zo yɛ kpole.+ 13  Nɔhalɛ nu, memaa me ahonle nu ɛde mgbane,Yɛɛ mewowo me sa anwo mehile kɛ me nwo ɛnlɛ edwɛkɛ mgbane.+ 14  Na ɔgyegyele me dahuu;+Bɛdeanle me nwonlomɔ biala.+ 15  Noko saa menganle ɛhye mɔ a,Anrɛɛ menyele wɔ menli ne memaanle. 16  Mɔɔ membɔle mɔdenle kɛ mebade ɔ bo la,Ɔgyegyele me 17  Kɔkpula kɛ menwolole Nyamenle ɛzonlenlɛsua kpole ne anu,Na menwunle mɔɔ ɔbado bɛ kenle bie la. 18  Nɔhalɛ nu, ɛfa bɛ ɛsie ɛleka mɔɔ le teteletetele la.+ Ɛmaa bɛgua aze na bɛsɛkye.+ 19  Nea kɛzi bɛzɛkye bɛ arɛlevilɛ nu a!+ Nea kɛzi bɛ awieleɛ ɛra arɛlevilɛ nu na ɔyɛ ɛzulolɛ a! 20  O Gyihova, bɛle kɛ sonla mɔɔ kɛlafe kɛdunwue la ɛlalɛ,Saa ɛmaa ɛ nwo zo a, ɛbakpo* bɛ. 21  Noko me ahonle lile nyane,+Na mendele nyane kpole wɔ me nu. 22  Ɛnee menlɛ adwenle nee ndelebɛbo;Menyɛle kɛ nane mɔɔ ɛnlɛ adwenle la wɔ ɛ nye zo. 23  Noko kɛkala me nee wɔ a de dahuu a;Wɔzɔ me sa fema ne anu.+ 24  Ɛtu me folɛ ɛfa ɛkile me adenle,+Na nzinlii ɛbava me wɔahɔ anyunlunyia nu.+ 25  Nwane bieko a melɛ ye wɔ anwuma a? Memkpondɛ debie biala wɔ azɛlɛ ye azo kɛ ɛdawɔ ala.+ 26  Me nwonane nee me ahonle bahola ayɛ bɛtɛɛ,Noko Nyamenle le bodane maa me ahonle yɛɛ me kyɛfoa dahuu.+ 27  Nɔhalɛ nu, bɛdabɛ mɔɔ bɛmbikye wɔ la abo zo baminli. Ɛbazɛkye bɛdabɛ mɔɔ bɛfi ɛ nwo bɛkɔbɔ adwɔmane* la.+ 28  Noko mame, Nyamenle mɔɔ mebikye ye la le kpalɛ maa me.+ Meva Tumivolɛ Awulae Gyihova meyɛ me feabelɛ,Kɛ mebɔ wɔ gyima kɔsɔɔti nolo.+

Ɔbodwɛkɛ

Anzɛɛ “adubɛnwoma.”
Anzɛɛ “Bɛ ko le mgbole.”
Hibulu aneɛ nu, “ɛbahyi.”
Anzɛɛ “bɛnli nɔhalɛ.”