Edwɛne 66:1-20

  • Nyamenle nwanwane gyima ne mɔ

    • ‘Bɛla banlea Nyamenle gyima ne mɔ’ (5)

    • “Mebadua me ɛwɔkɛ ne mɔ meamaa wɔ” (13)

    • Nyamenle tie asɔneyɛlɛ (18-20)

Kɔmaa edwɛndolɛma kpanyinli ne. Edwɛne. Ayɛlɛyelɛ edwɛne. 66  Azɛlɛ ye azo amra amuala, bɛva anyelielɛ bɛdea nu bɛye Nyamenle ayɛlɛ.+   Bɛdo ayɛlɛyelɛ edwɛne bɛwula ye duma ne anyunlunyia. Bɛva ayɛlɛyelɛ bɛwula ye anyunlunyia.+   Bɛha bɛhile Nyamenle kɛ: “Nea kɛzi wɔ gyima ne mɔ yɛ nwanwane a!+ Wɔ tumi kpole ne ati,Wɔ kpɔvolɛma bava anwowosolɛ ara ɛ nyunlu.+   Azɛlɛ ye azo amra amuala babɔ bɛ ti aze amaa wɔ;+Bɛbado ayɛlɛyelɛ edwɛne bɛamaa wɔ;Bɛbado ayɛlɛyelɛ edwɛne bɛamaa wɔ duma ne.”+ (Sila)   Bɛrɛla bɛranlea Nyamenle gyima ne mɔ. Mɔɔ ɔyɛ ɔmaa alesama la yɛ nwanwane.+   Ɔmaanle nyevile ne hakyile azɛlɛ resee;+Bɛdiale bɛ gyakɛ anu bɛpɛle azule ne.+ Ɛkɛ ne a yɛ nye liele ye nu a.+   Ye tumi kpole ne ati, ɔdi tumi dahuu.+ Ɔ nye dua maanle maanle ne mɔ.+ Ɔnle kɛ bɛdabɛ mɔɔ bɛle anzosesebɛ la memaa bɛ nwo zo.+ (Sila)   Bɛmɛ menli, bɛye yɛ Nyamenle ne ayɛlɛ,+Bɛye ye ayɛlɛ kpole.   Ɔmaa yɛtɛnla ngoane nu;*+Ɔmmaa yɛ gyakɛ ɛntele.*+ 10  O Nyamenle, wɔnleɛnlea yɛ nu;+Kɛ mɔɔ bɛtu dwɛtɛ fufule nu evinli la, zɔhane ala a wɔdu yɛ nu evinli a. 11  Ɛhyele yɛ wɔ wɔ avonle ne anu;Ɛzoale yɛ adesoa kpole kpalɛ. 12  Ɛmaanle sonla dasanli tietiale yɛ nwo* zo;Yɛluale senle nee nzule nu;Akee ɛvale yɛ ɛrale ɛnwomenlelielɛ ɛleka. 13  Mebava nane mumua ɛyelalɛ afɔlebɔdeɛ meara wɔ sua nu;+Mebadua me ɛwɔkɛ ne mɔ meamaa wɔ+ 14  Debie mɔɔ me nloa babonle ne bɔle nwolɛ ɛwɔkɛ+Na me nloa hanle ye mekɛ mɔɔ mewɔ anwongyelelɛ nu la. 15  Mebava nane mɔɔ ɛlɔ la meayɛ ɛyelalɛ afɔlebɔdeɛ meamaa wɔYɛɛ mboane nyinli mɔɔ bɛva bɛbɔ afɔle la esike. Mebava nlankɛ nyinli nee mbɔnkye nyinli meabɔ afɔle. (Sila) 16  Bɛdabɛ mɔɔ bɛsulo Nyamenle la amuala, bɛrɛla bɛradie,Na mebaha mɔɔ yeyɛ yemaa me la meahile bɛ.+ 17  Menvale me nloa menvɛlɛle yeNa menvale me tafinlima menwulale ye anyunlunyia. 18  Saa ɛnee meva debie ɛtane mezie me ahonle nu a,Anrɛɛ Gyihova andie me.+ 19  Noko Nyamenle diele me;+Ɔyɛle ɛnzolɛ ɔdiele me asɔneyɛlɛ.+ 20  Ayɛlɛyelɛ ɛha Nyamenle mɔɔ yeamkpo me asɔneyɛlɛ,Anzɛɛ yeanye ye ɛlɔlɛ kpundii ne yeanvi me nwo zo la.

Ɔbodwɛkɛ

Anzɛɛ “Ɔmaa yɛ ɛkɛla tɛnla ngoane nu.”
Anzɛɛ “ɛntotɔ; ɛndu ɔ bo.”
Hibulu aneɛ nu, “yɛ ti.”