Edwɛne 63:1-11

  • Ɔ nwo dɔ Nyamenle

    • “Wɔ ɛlɔlɛ kpundii ne le kpalɛ tɛla ngoane” (3)

    • “Me ko bayi kɛ sonla mɔɔ ɛli aleɛ kpalɛ” (5)

    • Dwenledwenle Nyamenle anwo nɔɔzo (6)

    • ‘Mebeta Nyamenle kyengye’ (8)

Devidi ayɛlɛyelɛ edwɛne, mekɛ mɔɔ ɛnee ɔwɔ Dwuda fienemgbole ne anu la.+ 63  O Nyamenle, wɔmɔ a ɛle me Nyamenle a, mekpondɛ wɔ dahuu.+ Ɛ nwo nzuhɔne ku me.*+ Me nwo* dɔ wɔ ɛsesebɛWɔ azɛlɛ ketekete mɔɔ ɛhwee ɛnle zo, ɛleka mɔɔ nzule ɛnle la.+   Ɔti menwunle wɔ wɔ ɛleka nwuanzanwuanza ne;Menwu wɔ anwosesebɛ nee wɔ anyunlunyia ne.+   Kɛmɔ wɔ ɛlɔlɛ kpundii ne le kpalɛ tɛla ngoane la ati,+Mebava me nloa meawula wɔ anyunlunyia.+   Ɛhye ati mebaye wɔ ayɛlɛ wɔ me ngoane mekɛ kɔsɔɔti anu;Mebamaa me sa zo wɔ wɔ duma nu.   Me ko bayi kɛ sonla mɔɔ ɛli aleɛ kpalɛ na ɔ ko ɛyi la,Ɔti me nloa bava anyelielɛ aye wɔ ayɛlɛ.+   Mekakye wɔ wɔ mekɛ mɔɔ mela me ɛkpa zo la;Medwenledwenle ɛ nwo wɔ mekɛ mɔɔ bɛfa bɛsinza nɔɔzo la.+   Ɔluakɛ wɔmɔ a ɛle me boavolɛ a,+Na mefa anyelielɛ meto edwɛne wɔ ɛ ndɛba abo.+   Mebeta wɔ kyengye;Ɛ sa fema ne lɛ me nu ɛsesebɛ.+   Noko bɛdabɛ mɔɔ bɛkpondɛ me ngoane bɛazɛkye ye* laBɛahɔ azɛlɛ ne abo nehane. 10  Bɛbawu konle dadeɛ nloa;Bɛbayɛ ɛzonlɛ ne mɔ aleɛ. 11  Noko belemgbunli ne bali fɛlɛko wɔ Nyamenle anu. Awie biala mɔɔ ɔbava Ye yeaha ndane la anye balie,Ɔluakɛ bɛbamaa adalɛma aha bɛ nloa ado nu.

Ɔbodwɛkɛ

Anzɛɛ “me ɛkɛla.”
Hibulu aneɛ nu, “Me nwonane.”
Anzɛɛ “me ɛkɛla azɛkye ye; ahu me.”