Edwɛne 62:1-12
Kɔmaa edwɛndolɛma kpanyinli ne; Gyɛdutɛn.* Devidi ayɛlɛyelɛ edwɛne.
62 Nɔhalɛ nu, mebayɛ koonwu meahendɛ Nyamenle.
Ye ɛkɛ ne a me ngoanelielɛ vi a.+
2 Nɔhalɛ nu, ɔle me bodane nee me ngoanedievolɛ, me ɛvealeka kpalɛ;*+Ɛhwee ɛnrɛhola me bo tu ɛlɛ na meadɔ aze.+
3 Bɛbateta awie kɛ bɛku ye bɛahɔdwu kenlenzu?+
Bɛ muala bɛ nwo yɛ ɛzulolɛ kɛ bane mɔɔ ɛhyea, bane mɔɔ bɛva awolɛ a bɛlie na ɔkpondɛ yeabu la*
4 Ɔluakɛ bɛyia nu bɛfa adwenle kɛ bɛtu ye bɛavi ye dibilɛ* kpole ne azo;Bɛ nye die adalɛbɔlɛ nwo.
Bɛfa bɛ nloa bɛyila, noko bɛ nuhua le amowa ngome.+ (Sila)
5 Nɔhalɛ nu, mebayɛ koonwu meahendɛ Nyamenle+Ɔluakɛ me nye la ɔ nwo zo.+
6 Nɔhalɛ nu, ɔle me bodane nee me ngoanedievolɛ, me ɛvealeka kpalɛ;Ɛhwee ɛnrɛhola me bo tu ɛlɛ.+
7 Me ngoanelielɛ nee me anyunlunyia gyi Nyamenle anwo zo.
Nyamenle le me bodane ɛsesebɛ nee me ɛvealeka.+
8 O alesama, bɛva bɛ nwo bɛdo ɔ nwo zo dahuu.
Bɛha bɛ ahonle nu edwɛkɛ bɛhile ye.+
Nyamenle le yɛ ɛvealeka.+ (Sila)
9 Menli le kɛ anwoma,Alesama le adalɛ ɛvealeka.+
Saa ɛgua bɛ tone zo a, bɛ ɛlomboɛ ɛndwu anwoma.+
10 Mmafa ɛ nwo ɛto apobɔlɛ zoYɛɛ mmafa ɛ nye ɛto debiewualɛ zo.
Saa wɔ anwonyia so a, mmafa wɔ ahonle ɛto zo.+
11 Nyamenle ɛdendɛ ko, mede ɛhye fane nwiɔ:
Kɛ anwosesebɛ le Nyamenle ɛdeɛ.+
12 Ɛlɔlɛ kpundii noko le wɔ ɛdeɛ, O Gyihova.+Ɔluakɛ ɛtua awie biala kakɛ kɛ mɔɔ ye nyɛleɛ de la.+
Ɔbodwɛkɛ
^ Nea Edwɛkɛbohilelɛ.
^ Anzɛɛ “aranemgbole.”
^ Anzɛɛ ɔkola ɔkile, “Bɛ muala bɛlɛyɛ ye kpɔdekpɔde kɛ asɛɛ ɔle bane mɔɔ ɛhyea, bane mɔɔ bɛva awolɛ bɛlie na ɔkpondɛ yeabu la.”
^ Anzɛɛ “ye enililɛ.”
