Edwɛne 60:1-12
Kɔmaa edwɛndolɛma kpanyinli ne; “Aloa Ngakyelɛ” zo. Meketam.* Devidi edwɛne. Bɛfa bɛkilehile. Mekɛ mɔɔ ɔ nee Elam-nahaleeyem nee Elam-Zoba honle, na Dwowabe ziale rale na ɔhunle Yidɔmma 12,000 wɔ Ngyenle Bɔnza+ ne anu la.
60 O Nyamenle, wɔkpo yɛ; wɔli yɛ nwo zo konim.+
Wɔva yɛ nwo ɛya; noko die yɛ to nu bieko!
2 Wɔmaa azɛlɛ ne ɛkpusu; wɔmaa yekpuke.
Yɛ ɛleka mɔɔ ɛkpakyekpakye la boɛ, ɔluakɛ ɔlɛte yeagua.
3 Wɔmaa wɔ menli ne ɛnwu amaneɛ.
Wɔmaa yɛnlo nwanye mɔɔ maa yɛyɛ tindaanwu la.+
4 Maa sɛkɛlɛneɛ zo kile* bɛdabɛ mɔɔ bɛsulo wɔ laAmaa bɛanriandi na ɛda anga bɛ. (Sila)
5 Amaa wɔalie wɔ kulovolɛma,Fa ɛ sa fema ne die yɛ ngoane na bua yɛ.+
6 Nyamenle ɛdendɛ wɔ ye nwuanzanwuanzayɛlɛ nu* kɛ:
“Mebali fɛlɛko, mebava Hyikɛm meamaa kɛ agyapadeɛ,+Na mebazuzu Sɛkɔto+ Bɔnza* ne meamaa me menli ne.
7 Geleade le me ɛdeɛ, Manasɛ+ noko le me ɛdeɛ,Na Yifelaem le me ti zo kyɛlɛ;*Dwuda le me tumi kpɔma.+
8 Mowabe le me kyɛnze mɔɔ mebia nu.+
Mebavuandi me mgbɔlaboa meagua Yidɔm anwo zo.+
Mebadea nu konimlilɛ nu wɔ Filisitia anwo.”+
9 Nwane a bava me ahɔ suakpole ne mɔɔ bɛbɛnga nwolɛ bɛyia* la azo a?
Nwane a bali me nyunlu too yɛahɔ Yidɔm a?+
10 O Nyamenle, asoo tɛ ɛdawɔ mɔɔ wɔkpo yɛ,Yɛ Nyamenle ne, mɔɔ ɛ nee yɛ ɛlɔnema ne ɛngɔ konle bieko la ɔ?+
11 Boa yɛ wɔ yɛ anwongyelelɛ nu,Ɔluakɛ nvasoɛ biala ɛnle sonla ngoanelielɛ zo.+
12 Nyamenle a bamaa yɛ tumi a,+Na ɔbatietia yɛ kpɔvolɛma anwo zo.+
Ɔbodwɛkɛ
^ Nea Edwɛkɛbohilelɛ.
^ Anzɛɛ ɔkola ɔkile, “Wɔva sɛkɛlɛneɛ wɔmaa.”
^ Anzɛɛ ɔkola ɔkile, “wɔ ye ɛleka nwuanzanwuanza ne.”
^ Anzɛɛ “Azɛlɛ Sɛsɛ.”
^ Hibulu aneɛ nu, “aranemgbole.”
^ Anzɛɛ ɔkola ɔkile, “bɛlie nwolɛ bane.”
