Edwɛne 6:1-10
Kɔmaa edwɛndolɛma kpanyinli ne; bɛva getaa* bɛboka nwo bɛdo ye Hyɛmenete* zo. Devidi ayɛlɛyelɛ edwɛne.
6 O Gyihova, mmafa ɛya ɛtea me,Yɛɛ mmafa ɛya kpole ɛtenrɛdenrɛ me.+
2 O Gyihova, maa menyia ɛ nyunlu ɛlolɛ* ɔluakɛ melɛtuto.
O Gyihova,+ yɛ me ayile ɔluakɛ me mbowule nu ɛlɛtuto.
3 Ɛhɛe, me nwo ɛbubu me kpalɛ,+Na mebiza wɔ kɛ, O Gyihova—kenlenzu?+
4 O Gyihova, sia bɛla na balie me;*+Wɔ ɛlɔlɛ kpundii ne ati, die me.+
5 Awie biala ɛnrɛbɔ wɔ duma* wɔ ewule nu;Nwane a baye wɔ ayɛlɛ wɔ Nla* ne anu a?+
6 Me ɛkponlenlɛ ɛmaa mevɛ;+Me nye monle doa me ɛkpa tɔfɔɔ* aledwolɛ biala;Me ɛzunlɛ maa me ɛkpa doa.+
7 Me nyanelilɛ ne ati me nye ɛnnwu debie kpalɛ;+Yeyɛ monzomonzo* ɔlua menli kɔsɔɔti mɔɔ ɛlɛgyegye me la ati.
8 Amumuyɛma kɔsɔɔti, bɛvi me nwo ɛke bɛhɔ,Ɔluakɛ Gyihova bade me ɛzunlɛ.+
9 Gyihova bade me modolɛ nzɛlɛlɛ;+Gyihova babua me asɔneyɛlɛ.
10 Me kpɔvolɛma kɔsɔɔti anyunlu bɛagua aze na bɛ sa nu ado;Bɛbabɔ anyiemgba na bɛazia bɛ nzi arɛlevilɛ nu.+
Ɔbodwɛkɛ
^ Nea Edwɛkɛbohilelɛ.
^ Anzɛɛ “nwu me anwunvɔne.”
^ Anzɛɛ “me ɛkɛla.”
^ Anzɛɛ “ɛngakye wɔ.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Hibulu aneɛ nu, “maa me ɛkpa weɛ azule.”
^ Anzɛɛ “Yeyɛ kpanyinli.”
