Edwɛne 58:1-11

  • Nyamenle mɔɔ bua azɛlɛ ye ndɛne la wɔ ɛkɛ

    • Amumuyɛma anzohwenlɛ nwo asɔneyɛlɛ (6-8)

Kɔmaa edwɛndolɛma kpanyinli ne; “Mmasɛkye Me” zo. Devidi edwɛne. Meketam.* 58  Asoo bɛbahola bɛaha tenleneyɛlɛ nwo edwɛkɛ wɔ mekɛ mɔɔ bɛyɛ koonwu la?+ Bɛbahola bɛabua ndɛne fɔɔnwo ɔ, bɛmɛ alesama?+   Emomu, bɛfa amumuyɛ adwenle wɔ bɛ ahonle nu,+Na bɛfa bɛ sa bɛdi ɛtane wɔ azɛlɛ ne azo.+   Amumuyɛma fo adenle* ɔvi bɛ awolɛ* nu;Bɛtɔ gua zo, bɛbɔ adalɛ ɔvi mekɛ mɔɔ bɛkɛwo bɛ la.   Bɛ pɔezen le kɛ ɛwɔlɛ pɔezen;+Bɛ nzo ɛdi kɛ ɛwɔbile mɔɔ tuodua ɔ nzo la.   Ɔndie silikyevoma ane,Saa bɔbɔ bɛyɛ deɛ wɔ silihyelɛ nu a.   O Nyamenle, tudu bɛ gye fi bɛ nloa anu! O Gyihova, bubu awenade* ɛhye mɔ awudwelɛ!   Maa bɛminli kɛ nzule mɔɔ ɛsesa la. Maa Ɔkpo ye ɛda ne na ɔlua ye ɛda mbaka ne mɔ azo ɔha bɛ ɔgua aze.   Maa bɛyɛ kɛ ɛnlonkoɛ mɔɔ ɛlɛwu;*Kɛ kakula mɔɔ kɛwu ye mame akunlu mɔɔ yeannwu sɛnzɛne la.   Kolaa na mbaka anwo mbowule senle ne amaa mbuakɛ ne mɔ alɔ la,Ɔbapia baka amolɛ nee baka mɔɔ ɛlɛsɔ la yeahɔ kɛ ahumu.+ 10  Tenlenenli bali fɛlɛko ɔluakɛ yenwu nzenralɛlilɛ ne;+Ɔ gyakɛ anwo bayɛ amumuyɛma mogya ngome.+ 11  Akee menli baha kɛ: “Nɔhalɛ nu, ahatualɛ wɔ ɛkɛ maa tenlenenli.+ Amgba Nyamenle bie wɔ ɛkɛ mɔɔ ɔbua ndɛne wɔ azɛlɛ ye azo a.”+

Ɔbodwɛkɛ

Anzɛɛ “sɛkye.”
Hibulu aneɛ nu, “ɛkolɛ.”
Anzɛɛ “awenade ngakula mɔɔ anwo yɛ se.”
Hibulu aneɛ nu, “ɛlɛtia na ɔlɛkolo la.”