Edwɛne 56:1-13

  • Kpɔdekpɔdeyɛlɛ nwo asɔneyɛlɛ

    • “Mefa me nwo meto Nyamenle anwo zo” (4)

    • ‘Me monle gua wɔ nwoma kodoku nu’ (8)

    • “Duzu a sonla kɛhola kɛyɛ me a?” (4, 11)

Kɔmaa edwɛndolɛma kpanyinli ne; “Abubule Mɔɔ Ɛyɛ Koonwu Na Ɔwɔ Moamoa” la azo. Devidi edwɛne. Meketam.* Mekɛ mɔɔ Filisitiama hyele ye wɔ Gate la.+ 56  O Nyamenle, maa menyia ɛ nyunlu ɛlolɛ ɔluakɛ sonla dasanli ɛteta me. Alehyenlɛ biala bɛ nee me ko na bɛsisi me.   Me kpɔvolɛma doa me dahuu kɛ bɛkye me bɛali;Menli mɔɔ memaa bɛ nwo zo na bɛko bɛtia me la zonle.   Saa ɛzulolɛ ka me a,+ mefa me nwo meto ɛ nwo zo.+   Kɛmɔ me nee Nyamenle lua la ati, mebaye ye edwɛkɛ ne ayɛlɛ,Mefa me nwo meto Nyamenle anwo zo; menzulo. Duzu a sonla* kɛhola kɛyɛ me a?+   Bɛgyegye me alehyenlɛ biala;Mɔɔ bɛdwenle nwolɛ la ala a le kɛ bɛboda me.+   Bɛbu bɛsia kɛ bɛteta me;Bɛnea me gyakɛ biala mɔɔ mekɛdu la,+Kɛ bɛkpondɛ me bɛahu me.+   Kpo bɛ ɔlua bɛ amumuyɛyɛlɛ ne ati. O Nyamenle, dua wɔ ɛya ne azo ka maanle maanle ne mɔ gua.+   Ɛze akpɔsa mɔɔ ɛdɔ me nwo la.+ Boɔboa me monle ne mɔ anloa gua wɔ nwoma kodoku ne anu.+ Asoo bɛtɛkɛlɛle ye wɔ wɔ buluku ne anu?+   Kenle mɔɔ mekɛvɛlɛ wɔ kɛ ɛboa me la, me kpɔvolɛma bazia bɛ nzi.+ Melɛ anwodozo ɛhye kɛ: Nyamenle wɔ me afoa.+ 10  Kɛmɔ me nee Nyamenle lua la ati, mebaye ye edwɛkɛ ne ayɛlɛ,Kɛmɔ me nee Gyihova lua la ati, mebaye ye edwɛkɛ ne ayɛlɛ, 11  Mefa me nwo meto Nyamenle anwo zo; menzulo.+ Duzu a sonla kɛhola kɛyɛ me a?+ 12  O Nyamenle, ɔwɔ kɛ metua ɛwɔkɛ mɔɔ mebɔ wɔ la;+Mebava moyɛlɛ meabɔ afɔle meamaa wɔ.+ 13  Ɔluakɛ wɔlie me wɔvi ewule nu+Yɛɛ wɔammaa me gyakɛ amkpula,+Amaa mealua Nyamenle anyunlu wɔ teasema* wienyi ne anu.+

Ɔbodwɛkɛ

Hibulu aneɛ nu, “nwonane.”
Anzɛɛ “anyewɔzoamra.”