Edwɛne 53:1-6
Kɔmaa edwɛndolɛma kpanyinli ne; Meehalate* zo. Masekele.* Devidi edwɛne.
53 Koasea* ka ye ɔ ti anu* kɛ:
“Gyihova biala ɛnle ɛkɛ.”+
Bɛ nyɛleɛ ɛtane ne mɔ ɛkpɔlɔ yɛɛ bɛle kyibadeɛ;Awie biala ɛnyɛ debie kpalɛ.+
2 Noko Nyamenle fi anwuma lɔ nea alesama+Saa ɔkɛnwu kɛ bie lɛ nwunu a, saa bie ɛlɛkpondɛ Gyihova a.+
3 Bɛ muala bɛvo adenle;Bɛ muala bɛzɛkye.
Awie biala ɛnyɛ debie kpalɛ,Ko bɔbɔ ɛnle ɛkɛ.+
4 Ɛtanevolɛma anu ko bɔbɔ ɛnlɛ ndelebɛbo ɔ?
Bɛdi me menli ne nwonane kɛ bɛdi aleɛ la.
Bɛnvɛlɛ Gyihova.+
5 Noko ɛzulolɛ kpole baha bɛ,Ɛzulolɛ mɔɔ bie ɛtɛkanle bɛ ɛlɛ la baha bɛ,*Ɔluakɛ Nyamenle babɔ bɛdabɛ mɔɔ bɛteta wɔ* la mbowule asande.
Ɛbamaa bɛ nyunlu agua aze, ɔluakɛ Gyihova ɛkpo bɛ.
6 O anrɛɛ Yizilayɛ ngoanelielɛ bavi Zayɔn+ ara!
Saa Gyihova boɔboa ye menli mɔɔ wɔ akɛlɛzonlenlɛ nu la anloa bieko a,Bɛmaa Gyekɔbo anye ɛlie, na Yizilayɛ ɛli fɛlɛko.
Ɔbodwɛkɛ
^ Nea Edwɛkɛbohilelɛ.
^ Nea Edwɛkɛbohilelɛ.
^ Anzɛɛ “Sonla mɔɔ ɛnze nrɛlɛbɛ la.”
^ Hibulu aneɛ nu, “ye ahonle nu.”
^ Anzɛɛ ɔkola ɔkile, “Bɛbazulo wɔ mekɛ mɔɔ debie mɔɔ yɛ ɛzulolɛ ɛnle ɛkɛ la.”
^ Hibulu aneɛ nu, “bɛbɔ wɔ bɛyia.”
