Edwɛne 50:1-23
Esafe+ ayɛlɛyelɛ edwɛne.
50 Gyihova, Nyamenle mɔɔ tɛla nyamenle gyɛne biala la*+ ɛdendɛ;Ɔfɛlɛ azɛlɛ neƆvi sɛnzɛne ne aduduleɛ too ɔkɔdwu ye adɔleɛ.*
2 Nyamenle ta fi Zayɔn mɔɔ ye kɛnlɛma di munli+ la azo.
3 Yɛ Nyamenle ne bara na ɔnrɛhola ɔnrɛyɛ koonwu bieko.+
Sendɔlɔra li ɔ nyunlu,+Yɛɛ ahumu kpole ɛbɛnga ɔ nwo kɔsɔɔti ɛyia.+
4 Ɔfɛlɛ anwuma nee aze,+Amaa yeabua ye menli ne ndɛne:+
5 “Bɛboɔboa me nɔhavoma ne mɔ anloa wɔ me nwo ɛke,Bɛdabɛ mɔɔ bɛdua afɔlebɔlɛ zo bɛ nee me yɛ ngyekyeleɛ la.”+
6 Anwuma bɔ ye tenleneyɛlɛ ne nolo,Ɔluakɛ Nyamenle mumua ne le Ndɛnebuavolɛ.+ (Sila)
7 “O me menli, bɛdie, na metendɛ;Yizilayɛ, mebali daselɛ meatia wɔ.+
Medame a mele Nyamenle, wɔ Nyamenle ne a.+
8 Tɛ wɔ afɔlebɔlɛ ne mɔ ati a metea wɔ a,Yɛɛ tɛ wɔ nane mumua ɛyelalɛ afɔle ne mɔɔ ɛbɔ ye wɔ me nyunlu dahuu la ati ɔ.+
9 Ɔngyia kɛ mekɛva ɛnlankɛ nyinli mekɛvi wɔ sua nu,Anzɛɛ mbɔnkye* mekɛvi wɔ tunli nu.+
10 Ɔluakɛ ɛhoayelɛ nu nanemgbole biala le me ɛdeɛ,+Nane mɔɔ wɔ awoka apenle ko azo bɔbɔ la le me ɛdeɛ.
11 Meze nloma kɔsɔɔti mɔɔ wɔ awoka zo la;+Ɛbɔ nu nane kɔsɔɔti le me ɛdeɛ.
12 Saa ɛhɔne ɛlɛku me a, menrɛha menrɛhile wɔ,Ɔluakɛ azɛlɛ ye nee debie biala mɔɔ wɔ zolɛ la le me ɛdeɛ.+
13 Asoo mebali ɛnlankɛ naneNa meanlo mbɔnkye mogya ɔ?+
14 Fa moyɛlɛ bɔ afɔle maa Nyamenle,+Na tua ɛwɔkɛ mɔɔ ɛkɛbɔ Anwuma Anwumanli ne la;+
15 Su fɛlɛ me wɔ anwongyelelɛ mekɛ nu.+
Mebalie wɔ, na wɔawula me anyunlunyia.”+
16 Noko Nyamenle baha ahile amumuyɛnli ne kɛ:
“Nwane a maanle wɔ adenle kɛ ɛha me mɛla ne mɔ+Anzɛɛ ɛha me ngyekyeleɛ ne anwo edwɛkɛ a?+
17 Ɔluakɛ ɛkyi ɛdenrɛdenrɛlɛ,*Yɛɛ ɛkakyi ɛ nzi ɛsi me edwɛkɛ.*+
18 Saa ɛnwu awule a, ɛdie ye ɛto nu,*+Yɛɛ ɛ nee agyalɛzɛkyelɛma tu.
19 Ɛfa ɛ nloa ɛbɔ mɔɔ le ɛtane la nolo,Na ɛfa ɛ tafinlima ɛbɛlɛbɛla.+
20 Ɛtɛnla aze na ɛtendɛ ɛtia ɛ diema;+Ɛmaa bɛnwu wɔ mame ara bɔbɔ nvonleɛ.*
21 Mɔɔ ɛyɛle ninyɛne ɛhye mɔ la, menyɛle koonwu,Ɔti ɛzuzule kɛ mebayɛ kɛ ɛdawɔ la.
Noko kɛkala mebahwi ɛ nyunlu,Na meaha edwɛkɛ meatia wɔ.+
22 Bɛmɛ mɔɔ bɛ rɛle fi Nyamenle la, mesɛlɛ bɛ bɛzuzu ɛhye anwo,+Amaa meantete bɛ nu azinli azinli mɔɔ bɛnrɛnyia awie ɛnrɛlie bɛ a.
23 Mɔɔ fa moyɛlɛ bɔ afɔle maa me la wula me anyunlunyia,+Na mɔɔ kɔ zo dua adenle kpalɛ zo la,Mebamaa yeanwu Nyamenle ngoanelielɛ ne.”+
Ɔbodwɛkɛ
^ Anzɛɛ “Gyihova, Nyamenle Tumivolɛ Bedevinli ne.”
^ Anzɛɛ “Ɔvi aduduleɛ kɔdwu adɔleɛ.”
^ Hibulu aneɛ nu, “mbɔnkye nyinli.”
^ Anzɛɛ “adehilelɛ.”
^ Hibulu aneɛ nu, “ɛfuandi me edwɛkɛ ɛgua ɛ nzi.”
^ Anzɛɛ ɔkola ɔkile, “ɛkɔboka ɔ nwo.”
^ Anzɛɛ “ɛsɛkye ye duma.”
