Edwɛne 49:1-20

  • Nrɛlɛbɛ ɛnle nu kɛ ɛkɛva ɛ nwo ɛkɛdo anwonyia zo

    • Dasanli biala ɛnrɛhola ɛnrɛlie awie (7, 8)

    • Nyamenle die yɛ fi Nla ne anu (15)

    • Anwonyia ɛngola ɛnlie awie ɛnvi ewule nu (16, 17)

Kɔmaa edwɛndolɛma kpanyinli ne. Kɔla amra ne mɔ+ edwɛne. Ayɛlɛyelɛ edwɛne. 49  Bɛmɛ menli kɔsɔɔti, bɛdie ɛhye. Bɛmɛ menli mɔɔ bɛwɔ ewiade amuala la, bɛyɛ ɛnzolɛ,   Ngyikyi nee mgbole,*Sukoavolɛma nee ehyiavolɛma kɔsɔɔti.   Me nloa baha nrɛlɛbɛ edwɛkɛ,Na ndelebɛbo wɔ mɔɔ medwenledwenle nwo wɔ me ahonle nu+ la anu.   Mebayɛ ɛnzolɛ meadie ɛrɛlɛ;Mebahilehile me agyebɛ ne anu wɔ mekɛ mɔɔ melɛbɔ haape la.   Duzu ati a ɔwɔ kɛ mesulo wɔ ngyegyelɛ mekɛ nu,+Saa bɛdabɛ mɔɔ bɛbɔ mɔdenle kɛ bɛsɛkye me la fa adwenle ɛtane bɔ me yia a?   Bɛdabɛ mɔɔ bɛfa bɛ nwo bɛto bɛ anwonyia zo+Na bɛfa bɛ anwonyia dɔɔnwo ne bɛtu bɛ nwo la,+   Bɛ nuhua biala ɛnrɛhola ɛnrɛlie ɔ diemaAnzɛɛ ɛnrɛhola ɛnrɛdua ɛkpɔnedeɛ ɛnrɛmaa Nyamenle ɛnrɛlie ye.+   (Bɛ ngoane nwo ɛkpɔnedeɛ ne bolɛ yɛ seƆti bɛnrɛhola ye tua ɛlɛ);   Amaa yeadɛnla aze dahuu na yeannwu ewule kuma.*+ 10  Ɔnwu ye kɛ nrɛlɛbɛvolɛma bɔbɔ wu;Koasea nee mɔɔ ɛnlɛ adwenle la wu,+Na bɛgyakyi bɛ anwonyia bɛmaa awie mɔ.+ 11  Bɛ kunlu anu a anrɛɛ bɛ azua ne mɔ wɔ ɛkɛ ne dahuu,Bɛ ɛdanlɛ azua ne mɔ wɔ ɛkɛ ɔvi awolɛndoazo zo kɔdwu awolɛndoazo zo. Bɛva bɛ aluma bɛgua bɛ azɛlɛ ne mɔ azo. 12  Bɛdi sonla eni bɔbɔ ɛdeɛ, noko ɔnrɛdɛnla ngoane nu dahuu;+Ɔnle kpalɛ ɔndɛla nane mɔɔ kɛwu la.+ 13  Adenle ɛhye a ahoasea lua zo a+Na zɔhane ala a bɛdabɛ mɔɔ bɛdoa bɛ, mɔɔ bɛ nye die bɛ nloa anu ɛdulɛ nwo la de a. (Sila) 14  Bɛle kɛ mboane mɔɔ bɛye bɛ bɛmaa Nla* la. Ewule banlea bɛ nwo zo;Tenlenema bali bɛ nwo zo tumi+ nwonlomɔ nu. Bɛ bo zo baminli bɔkɔɔ;+Nla*+ a bayɛ bɛ sua nu a na tɛ belemgbunli sua nu ɔ.+ 15  Noko Nyamenle balie me avi Nla* tumi bo,+Ɔluakɛ ɔbazɔ me nu. (Sila) 16  Saa sonla yɛ sukoavolɛ,Na ye sua nu anyunlunyia yɛ kpole a, mmasulo, 17  Ɔluakɛ saa ɔwu a ɔnrɛhola ɔnrɛva ɛhwee ɔnrɛhɔ;+Ɔ nee ye anyunlunyia ne ɛnrɛhɔ.+ 18  Ɔluakɛ ɔde ngoane nu a ɔkanvo ɔ nwo.*+ (Saa ɛnyia ɛ nwo a menli ye wɔ ayɛlɛ.)+ 19  Akee ɔbadoa ye nenyia mɔ. Bɛnrɛnwu wienyi bieko. 20  Sonla mɔɔ bɛdi ye eni noko ɔnde ɛhye abo la,+Ɛnle kpalɛ ɛndɛla nane mɔɔ kɛwu la.

Ɔbodwɛkɛ

Hibulu aneɛ nu, “Alesama amra nee menli amra kɔsɔɔti.”
Anzɛɛ “nla.”
Anzɛɛ “Sheol,” ɛhye kile, alesama nla. Nea Edwɛkɛbohilelɛ.
Anzɛɛ “Sheol,” ɛhye kile, alesama nla. Nea Edwɛkɛbohilelɛ.
Anzɛɛ “Sheol,” ɛhye kile, alesama nla. Nea Edwɛkɛbohilelɛ.
Anzɛɛ “ye ɛkɛla.”