Edwɛne 48:1-14
Edwɛne. Kɔla amra ne mɔ+ ayɛlɛyelɛ edwɛne.
48 Gyihova le bedevinli na ɔfɛta kɛ bɛye ye ayɛlɛ kpalɛWɔ yɛ Nyamenle ne suakpole ne azo, wɔ ye boka nwuanzanwuanza ne azo.
2 Suakpole kɛnlɛma mɔɔ wɔ boka zo, azɛlɛ ye kɔsɔɔti anyelielɛ,+Yemɔ a le Zayɔn Boka ne mɔɔ wɔ sɔlɔ nehane la,Belemgbunli Kpole ne suakpole ne.+
3 Wɔ ye aranemgbole ne anu,Nyamenle ɛmaa yela ali kɛ ɔle ɛvealeka kpalɛ.+
4 Nea! arelemgbunli boɔboale bɛ nloa;Bɛbɔle nu bɛrale bɛ nyunlu.
5 Mɔɔ bɛnwunle ye la, ɔzinle bɛ nwo.
Bɛ ahonle dule na bɛvale ɛzulolɛ bɛnriandile.
6 Bɛ nwo wosole bɛ wɔ ɛkɛ,Bɛdele nyane kɛ raalɛ mɔɔ ɛlɛwo la.
7 Ɛvale aduduleɛ anwoma ɛzɛkyele Tahyehye meli ne mɔ.
8 Mɔɔ yɛdele la, kɛkala yɛdayɛ mumua ne yɛnwu yeWɔ ɛlɔne Gyihova suakpole ne azo, wɔ yɛ Nyamenle ne suakpole ne azo.
Nyamenle bava azie ɛkɛ ne dahuu.+ (Sila)
9 O Nyamenle, yɛdwenledwenle wɔ ɛlɔlɛ kpundii ne anwo+Wɔ wɔ ɛzonlenlɛsua ne anu.
10 O Nyamenle, kɛ mɔɔ wɔ duma ne de la,Zɔhane ala a wɔ ayɛlɛyelɛ ɛhɔdwu azɛlɛ ye ɛleka biala a.+
Tenleneyɛlɛ ɛyi ɛ sa fema ne tɛkɛɛ.+
11 Maa Zayɔn Boka ne+ ɛli fɛlɛko,Maa Dwuda azua ne mɔ anye ɛlie ɔlua wɔ ndɛnebualɛ ne ati.+
12 Bɛbɔ Zayɔn anwo mgbɔlɔka bɛyia; bɛbɛnga ɔ nwo kɔsɔɔti bɛyia;Bɛdia ye tawa ne mɔ.+
13 Bɛmaa bɛ nye ɛhɔ ye bane mgbole ne mɔ anwo.+
Bɛnleɛnlea ye aranemgbole ne mɔ,Amaa bɛaha bɛahile awolɛndoazo mɔɔ bara kenle bie la.
14 Ɔluakɛ Nyamenle ɛhye le yɛ Nyamenle dahuu.+
Ɔbahile yɛ adenle dahuu.*+
Ɔbodwɛkɛ
^ Anzɛɛ ɔkola ɔkile, “kɔkpula mekɛ mɔɔ yɛkɛwu la.”
