Edwɛne 47:1-9
Kɔmaa edwɛndolɛma kpanyinli ne. Kɔla amra ne mɔ+ edwɛne. Ayɛlɛyelɛ edwɛne.
47 Bɛmɛ menli kɔsɔɔti, bɛbɔ bɛ sa nu.
Bɛva anyelielɛ bɛdeɛdea nu bɛmaa Nyamenle kɛ bɛli konim la.
2 Ɔluakɛ Gyihova, Anwuma Anwumanli ne anwo yɛ ɛzulolɛ;+Ɔle Belemgbunli kpole wɔ azɛlɛ ye kɔsɔɔti azo.+
3 Ɔfa menli ɔfea yɛ bo;Ɔfa maanle maanle ne mɔ ɔwula yɛ gyakɛ abo.+
4 Ɔkpa nu ɔye yɛ agyapadeɛ ɔmaa yɛ,+Agyapadeɛ mɔɔ Gyekɔbo mɔɔ ɔkulo ye la fa tu ɔ nwo la.+ (Sila)
5 Nyamenle vole anwuma wɔ mekɛ mɔɔ menli ɛlɛfa anyelielɛ adeɛdea nu la;Gyihova vole anwuma wɔ mekɛ mɔɔ menli ɛlɛbɔ aweɛne ne la.
6 Bɛdo* edwɛne bɛye Nyamenle ayɛlɛ, bɛdo ayɛlɛyelɛ edwɛne.
Bɛdo edwɛne bɛye yɛ Belemgbunli ne ayɛlɛ, bɛdo ayɛlɛyelɛ edwɛne.
7 Ɔluakɛ Nyamenle le Belemgbunli wɔ azɛlɛ ye kɔsɔɔti azo;+Bɛdo ayɛlɛyelɛ edwɛne, na bɛla nwunu ali.
8 Nyamenle ɛyɛ maanle maanle ne mɔ azo Belemgbunli.+
Nyamenle de ye belemgbunli ebia nwuanzanwuanza ne anu.
9 Maanle maanle ne mɔ anu mgbanyima ɛboɔboa bɛ nloaBɛ nee Ebileham Nyamenle ne menli ne.
Ɔluakɛ azɛlɛ ye azo tumivolɛma le Nyamenle ɛdeɛ.
Bɛkpogya ye zo kpole kpalɛ.+
Ɔbodwɛkɛ
^ Anzɛɛ “Bɛbɔ.”
