Edwɛne 43:1-5

  • Ndɛnebuavolɛ Nyamenle ne die ngoane

    • “Soa wɔ wienyi ne nee wɔ nɔhalɛ ne” (3)

    • “Duzu ati a me rɛle ɛbɔ a?” (5)

    • “Kendɛ Nyamenle” (5)

43  O Nyamenle, bua me ndɛne,+Di me edwɛkɛ maa me+ wɔ maanle mɔɔ ɛnli nɔhalɛ la anu. Die me fi mɛlɛbɛla sonla nee amumuyɛnli asa anu.  2  Ɔluakɛ wɔmɔ a ɛle me Nyamenle nee me ɛvealeka a.+ Duzu ati a wɔvuandi me wɔdo ɛ? Duzu ati a ɔwɔ kɛ medua ye alɔbɔlɛ nu ɔlua me kpɔvolɛ ne nzisi ne ati ɛ?+  3  Soa wɔ wienyi ne nee wɔ nɔhalɛ ne.+ Maa bɛli me nyunlu;+Maa bɛhile me adenle bɛhɔ wɔ boka nwuanzanwuanza ne azo nee wɔ ɛdanlɛsua kpole ne anu.+  4  Akee mebahɔ Nyamenle afɔlemokyea ne anwo,+Nyamenle, me anyelielɛ kpole ne ɛkɛ. Na mebava haape meaye wɔ ayɛlɛ,+ O Nyamenle, me Nyamenle.  5  Duzu ati a me rɛle* ɛbɔ a? Duzu ati a meyɛ basaa wɔ me nu ɛ? Kendɛ Nyamenle,+Ɔluakɛ mebaye ye ayɛlɛ bieko kɛ me Ngoanedievolɛ Kpole nee me Nyamenle.+

Ɔbodwɛkɛ

^ Anzɛɛ “me ɛkɛla arɛle.”
NGƐLƐLERA NWUANZANWUANZA—EWIADE FOFOLƐ NGILEBƐBO
Edwɛne 43
Nzema
Kenga Baebolo Ne Wɔ Yintanɛte Ne Azo
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg

Copyrights for this publication