Edwɛne 42:1-11
Kɔmaa edwɛndolɛma kpanyinli ne. Masekele,* Kɔla amra ne mɔ+ edwɛne.
42 Kɛ mɔɔ weɛlɛ anwo dɔ azudenle la,Zɔhane ala a me nwo dɔ* wɔ a, O Nyamenle.
2 Nyamenle anwo nzuhɔne ku me,* tease Nyamenle ne.+
Kenlenzu a mebara mearagyinla Nyamenle anyunlu a?+
3 Alehyenlɛ nee aledwolɛ biala, me aleɛ a le me monle;Menli golo me nwo dahuu kɛ: “Wɔ Nyamenle ne wɔ nienwu?”+
4 Mekakye ninyɛne ɛhye mɔ, na meka me ahonle nu edwɛkɛ mekile wɔ,Ɔluakɛ mekɛ bie me nee menli dɔɔnwo luale;Me nee bɛ luale nwolɛ bɛtɛbɛtɛ hɔle Nyamenle sua nu,Yɛvale fɛlɛkolilɛ yɛdole moyɛlɛ edwɛne,Kɛ menli dɔɔnwo mɔɔ ɛlɛdi ɛvoyia la.+
5 Duzu ati a me rɛle ɛbɔ a?+
Duzu ati a meyɛ basaa zɛhae ɛ?
Kendɛ Nyamenle,+Ɔluakɛ mebaye ye ayɛlɛ bieko kɛ me Ngoanedievolɛ Kpole.+
6 Me Nyamenle, melɛdi nyane.+
Ɛhye ati a mekakye wɔ+Wɔ Dwɔdan azɛlɛ ne nee Hɛmɔn awoka ne mɔ azo,Wɔ Meza Boka ne* azo la.
7 Ɔlua wɔ nzule mɔɔ vi boka zo wola gua aze la dede ne ati,Azule kpole fɛlɛ azule kpole.
Wɔ azɛlɛkye mgbole ne mɔ kɔsɔɔti ɛbu ɛgua me nwo zo.+
8 Gyihova bamaa meanyia ye ɛlɔlɛ kpundii ne wɔ alehyenlɛ nu,Na meado ɔ nwo edwɛne aledwolɛ nu—mebazɛlɛ Nyamenle ne mɔɔ maa me ngoane la.+
9 Mebaha meahile Nyamenle, me bodane ne kɛ:
“Duzu ati a ɛ rɛle ɛvi me a?+
Duzu ati a ɔwɔ kɛ medua ye alɔbɔlɛ nu ɔlua me kpɔvolɛ ne nzisi ne ati ɛ?”+
10 Me kpɔvolɛma tendɛ tia me atisesebɛ nu;*Bɛgolo me nwo dahuu kɛ: “Wɔ Nyamenle ne wɔ nienwu?”+
11 Duzu ati a me rɛle ɛbɔ a?
Duzu ati a meyɛ basaa zɛhae ɛ?
Kendɛ Nyamenle,+Ɔluakɛ mebaye ye ayɛlɛ bieko kɛ me Ngoanedievolɛ Kpole nee me Nyamenle.+
