Edwɛne 4:1-8
Kɔ maa edwɛndolɛma kpanyinli ne; bɛva getaa* bɛboka nwo bɛdo. Devidi ayɛlɛyelɛ edwɛne.
4 O me tenlene Nyamenle, saa mefɛlɛ wɔ a, die me zo.+
Buke adenle maa menvi ɛsalɛ wɔ me anwongyelelɛ nu.
Maa menyia ɛ nyunlu ɛlolɛ na tie me asɔneyɛlɛ.
2 Bɛmɛ menli,* bɛkakyi me enililɛ ne anyiemgbabɔlɛ bɛahɔdwu kenlenzu?
Bɛkulo debie mɔɔ nvasoɛ ɛnle zo la na bɛakpondɛ mɔɔ le adalɛ la bɛahɔdwu kenlenzu? (Sila)
3 Bɛnwu ye kɛ Gyihova nee ye nɔhavoma bali ye wɔ adenle titili zo;*Saa mefɛlɛ Gyihova a, ɔbadie me.
4 Bɛva ɛya, noko bɛmmayɛ ɛtane.+
Bɛmaa bɛ edwɛkɛ ɛha bɛ ti anu* na bɛyɛ koonwu wɔ bɛ ɛkpa zo. (Sila)
5 Bɛbɔ tenlene afɔle,Na bɛva bɛ nwo bɛdo Gyihova anwo zo.+
6 Menli dɔɔnwo ɛlɛka kɛ: “Nwane a bamaa yɛanwu debie kpalɛ a?”
O Gyihova, maa ɛ nyunlu ɛda yɛ nwo zo.+
7 Wɔmaa fɛlɛkolilɛ kpole ɛyi me ahonle nuƐdɛla bɛdabɛ mɔɔ bɛlɛ ma nee nwanye fofolɛ dɔɔnwo la.
8 Mebala na mealafe anzodwolɛ nu,+Ɔluakɛ, O Gyihova, ɛ ngomekye a ɛmaa menyia banebɔlɛ a.+
