Edwɛne 37:1-40

  • Bɛdabɛ mɔɔ bɛfa bɛ nwo bɛto Gyihova anwo zo la bakpazi

    • Mmagyegye ɛ nwo wɔ amumuyɛma anwo (1)

    • “Maa ɛ nye ɛlie Gyihova anwo kpalɛ” (4)

    • “Fa wɔ adenle wula Gyihova asa anu” (5)

    • “Bɛlɛvoma banyia azɛlɛ ne” (11)

    • Tenlenema ɛnrɛhyia aleɛ nwo (25)

    • Tenlenema badɛnla azɛlɛ ne azo dahuu (29)

Devidi edwɛne. א [Aleph] 37  Mmagyegye ɛ nwo* wɔ amumuyɛma anwoAnzɛɛ mmamaa ɛ nye bolo ɛtanevolɛma.+   Bɛbanwoso ndɛndɛ kɛ ndile+Na bawe kɛ nya amolɛ. ב [Beth]   Fa ɛ nwo to Gyihova anwo zo na yɛ mɔɔ le kpalɛ la;+Tɛnla azɛlɛ ne azo na fa nɔhalɛlilɛ dua.+   Maa ɛ nye ɛlie Gyihova anwo kpalɛ,*Na ɔbamaa wɔanyia mɔɔ wɔ ahonle kulo la. ג [Gimel]   Fa wɔ adenle wula Gyihova asa anu;*+Fa ɛ nwo to ɔ nwo zo, na ɔbali yeamaa wɔ.+   Ɔbamaa wɔ tenleneyɛlɛ ada kɛ kɛnlaneɛ,Na wɔ pɛlepɛlelilɛ ayɛ kɛ ewiazo sɛnzɛne. ד [Daleth]   Yɛ koonwu wɔ Gyihova anyunlu+Na si abotane kendɛ ye. Mmagyegye ɛ nwo wɔ sonlaMɔɔ kola di ye adwenle ɛtane mɔɔ ɔkɛbɔ anwo gyima la anwo.+ ה [He]   Mmafa ɛya, yɛɛ mmamaa wɔ ahonle futu;+Mmafa ɛya amaa wɔanyɛ ɛtane.*   Ɔluakɛ bɛbaye amumuyɛma bɛavi ɛkɛ,+Noko bɛdabɛ mɔɔ bɛfa bɛ nye bɛto Gyihova anwo zo la banyia azɛlɛ ne.+ ו [Waw] 10  Ɔnrɛhyɛ biala ɛnee amumuyɛma ɛnle ɛkɛ bieko;+Ɛbahɔnlea ɛleka mɔɔ ɛnee bɛde la,Na ɛnrɛnwu bɛ wɔ ɛkɛ.+ 11  Noko bɛlɛvoma banyia azɛlɛ ne,+Na bɛ nye balie kpalɛ* wɔ anzodwolɛ dɔɔnwo anu.+ ז [Zayin] 12  Amumuyɛnli fa tenlenenli anwo adwenle ɛtane;+Na ɔtwi ɔ gye ɔkile ye. 13  Noko Gyihova bazele ye,Ɔluakɛ ɔze kɛ ye awieleɛ bara.+ ח [Heth] 14  Amumuyɛma twe bɛ konle dadeɛ na bɛkpo bɛ ɛda ne mɔKɛ bɛka mɔɔ bɛlɛsisi ye la nee ehyianli bɛagua aze,Kɛ bɛku bɛdabɛ mɔɔ bɛ adenle nu tenrɛ la. 15  Noko bɛ konle dadeɛ ne bawɔ bɛdabɛ mumua ne bɛ ahonle nu;+Bɛ ɛda ne mɔ babubu. ט [Teth] 16  Ekyi mɔɔ tenlenenli lɛ la le kpalɛTɛla dɔɔnwo ne mɔɔ amumuyɛma ɛwolaa ne lɛ la.+ 17  Ɔluakɛ bɛbabubu amumuyɛma asa;Na Gyihova baboa tenlenema. י [Yod] 18  Bɛdabɛ mɔɔ edwɛkɛ ɛnle bɛ nwo la, Gyihova ze mɔɔ bɛfa nu la,*Na bɛ agyapadeɛ badɛnla ɛkɛ ne dahuu.+ 19  Bɛ nyunlu ɛnrɛgua aze wɔ esiane mekɛ nu;Bɛbanyia aleɛ dɔɔnwo wɔ ɛhɔne mekɛ nu. כ [Kaph] 20  Noko amumuyɛma abo zo baminli;+Gyihova agbɔvolɛ baminli kɛ adidileka ndile kpalɛ la;Bɛbaminli kɛ esike la. ל [Lamed] 21  Amumuyɛnli biza bosea na ɔndua,Noko tenlenenli ati akunlu le kɛnlɛma yɛɛ ɔkyɛ debie.+ 22  Bɛdabɛ mɔɔ Yeyila bɛ la banyia azɛlɛ ne,Noko ɔbaye bɛdabɛ mɔɔ Yewa bɛ amonle la yeavi ɛkɛ.+ מ [Mem] 23  Gyihova a maa sonla tudu ɔ gyakɛ boɛ a,+Wɔ mekɛ mɔɔ Ɔ nye kɛlie ye adenle nwo la.+ 24  Saa ɔtɔ aze bɔbɔ a, ɔnrɛha azɛlɛ ne anwo,+Ɔluakɛ Gyihova sɔ ɔ sa.+ נ [Nun] 25  Ɛnee mele kakula, na kɛkala meyɛ kpanyinli;Na metɛnwunle tenlenenli mɔɔ bɛkpo ye,+Anzɛɛ ɔ mra kɛ bɛlɛsɛlɛzɛlɛ aleɛ.+ 26  Ɔfi ye ɛhulolɛ nu ɔbɔ awie mɔ bosea* dahuu,+Na ɔ mra banyia nyilalɛ. ס [Samekh] 27  Twe ɛ nwo fi ɛtane nwo na yɛ mɔɔ le kpalɛ la,+Na ɛbadɛnla ɛkɛ ne dahuu. 28  Gyihova kulo pɛlepɛlelilɛ,Na ɔnrɛkpo ye nɔhavoma.+ ע [Ayin] Bɛbabɔ bɛ nwo bane dahuu;+Noko bɛbaye amumuyɛma abozoamra bɛavi ɛkɛ.+ 29  Tenlenema banyia azɛlɛ ne,+Na bɛadɛnla zolɛ dahuu.+ פ [Pe] 30  Tenlenenli anloa ka nrɛlɛbɛ edwɛkɛ,Yɛɛ ɔ tafinlima ka pɛlepɛlelilɛ nwo edwɛkɛ.+ 31  Ye Nyamenle ne mɛla wɔ ye ahonle nu;+Ɔ gyakɛ ɛnrɛtele.+ צ [Tsade] 32  Amumuyɛnli gua ɔ nye aze nea tenlenenli,Ɔkpondɛ ye yeahu ye. 33  Noko Gyihova ɛnrɛye ye ɛnrɛwula ɔ sa nu+Anzɛɛ ɔnrɛbua ye fɔlɛ wɔ mekɛ mɔɔ ɔkɛbua ye ndɛne la.+ ק [Qoph] 34  Fa ɛ nye to Gyihova anwo zo na dua ye adenle ne anu,Na ɔbamaa wɔ zo yeamaa wɔanyia azɛlɛ ne. Saa bɛye amumuyɛma bɛfi ɛkɛ a,+ ɛbanwu ye.+ ר [Resh] 35  Menwu amumuyɛnli atisesebɛ bieMɔɔ ɛlɛtɛlɛ kɛ baka buzuu mɔɔ gyi ye azɛlɛ zo la.+ 36  Noko arɛlevilɛ nu ala ɔpɛle nu ɔhɔle, na ɛnee ɔnle ɛkɛ ne bieko;+Memkpondɛle ye biala noko meannwu ye.+ ש [Shin] 37  Nea mɔɔ edwɛkɛ ɛnle ɔ nwo* la,Na nea tenlenenli ne,+Ɔluakɛ sonla ɛhye banyia anzodwolɛ kenle bie.+ 38  Noko bɛbazɛkye mɛladonlɛma kɔsɔɔti;Bɛbaye amumuyɛma bɛavi ɛkɛ ne kenle bie.+ ת [Taw] 39  Tenlenema ngoanelielɛ vi Gyihova;+Ɔle bɛ ɛvealeka wɔ anwongyelelɛ mekɛ nu.+ 40  Gyihova baboa bɛ na yealie bɛ.+ Ɔbaye bɛ yeavi amumuyɛma asa anu na yealie bɛ ngoane,Ɔluakɛ bɛnriandi bɛkɔfea ye nu.+

Ɔbodwɛkɛ

Anzɛɛ “Mmafa ɛya.”
Anzɛɛ “kpole.”
Hibulu aneɛ nu, “Pia wɔ adenle to ɔ nwo zo.”
Anzɛɛ ɔkola ɔkile, “Mmagyegye ɛ nwo, ɔluakɛ ɔwie munzule.”
Anzɛɛ “kpole.”
Hibulu aneɛ nu, “ze mɔɔ edwɛkɛ ɛnle ɔ nwo la mekɛ.”
Anzɛɛ “ɔfa debie ɔmaa.”
Anzɛɛ “sonla mɔɔ di nɔhalɛ.”