Edwɛne 36:1-12

  • Nyamenle ɛlɔlɛ kpundii ne sonle bolɛ

    • Amumuyɛnli ɛnzulo Nyamenle (1)

    • Nyamenle, ngoane ɛvileka (9)

    • “Wɔ wienyi ne anu a yɛkola yɛnwu wienyi a” (9)

Kɔmaa edwɛndolɛma kpanyinli ne. Gyihova sonvolɛ Devidi edwɛne. 36  Mɛladonlɛ tendɛ kile amumuyɛnli wɔ ye ahonle nu;Nyamenle anwo ɛzulolɛ biala ɛnle ɔ nye zo.+   Ɔluakɛ ɔkanvo ɔ nwo adalɛ nu somaaƆti ɔnnwu ye nvonleɛ na yeahyi.+   Ɔ nloa anu edwɛkɛ le mɛlɛbɛla yɛɛ ɔwowɔ;Ɔnlɛ nwunu biala mɔɔ ɔbava yeayɛ mɔɔ le kpalɛ la.   Ɔbɔ adwenle ɛtane wɔ ye ɛkpa zo bɔbɔ. Yeva adenle mɔɔ ɛnle kpalɛ la azo;Ɔmkpo mɔɔ le ɛtane la.   O Gyihova, wɔ ɛlɔlɛ kpundii ne dwu anwuma nehane,+Wɔ nɔhalɛlilɛ kɔdwu amungu ne mɔ anu.   Wɔ tenleneyɛlɛ le kɛ awoka mgbole;*+Wɔ ndɛnebualɛ le kɛ azule tandane mɔɔ le kuma* la.+ Ɛdie sonla nee nane ngoane, O Gyihova.+   O Nyamenle, nea kɛzi wɔ ɛlɔlɛ kpundii ne sonle bolɛ a!+ Ɛ ndɛba alubo ne abo aalesama nriandi kɔfea a.+   Bɛno ninyɛne mgbalɛ dɔɔnwo ne mɔɔ wɔ wɔ sua nu ɛkɛ ne la bie bɛ ko yi,+Yɛɛ ɛmaa bɛno wɔ anyelielɛ nzule ne mɔ bie.+   Wɔ ɛkɛ ne a ngoane vi a;+Wɔ wienyi ne anu a yɛkola yɛnwu wienyi a.+ 10  Kɔ zo da wɔ ɛlɔlɛ kpundii ne ali kile bɛdabɛ mɔɔ bɛze wɔ la,+Na da wɔ tenleneyɛlɛ ne ali kile bɛdabɛ mɔɔ bɛ ahonle nu te la.+ 11  Mmamaa anwomemaazo sonla fa ɔ gyakɛ tietia me nwo zo,Anzɛɛ amumuyɛnli fa ɔ sa twe me kɔ. 12  Nea, amumuyɛma ɛdu ɛgua,Bɛha bɛ bɛgua aze na bɛngola dwazo.+

Ɔbodwɛkɛ

Hibulu aneɛ nu, “le kɛ Nyamenle awoka ne mɔ.”
Anzɛɛ “azule buma.”