Edwɛne 35:1-28

  • Kpɔvolɛma asa anu ɛlielɛ nwo asɔneyɛlɛ

    • Bɛbavoa kpɔvolɛma bɛamaa bɛahɔ (5)

    • Ye Nyamenle ayɛlɛ wɔ menli dɔɔnwo avinli (18)

    • Bɛkyi me mgbane gyɛne nu ala (19)

Devidi edwɛne. 35  O Gyihova, di me edwɛkɛ maa me wɔ me dwazotiama anwo;+Ko tia bɛdabɛ mɔɔ bɛko bɛtia me la.+   Fa wɔ enyinlike ekyi ne nee wɔ enyinlike kpole ne,+Na dwazo baboa me.+   Twe wɔ atwɛ ne nee wɔ konle akuma ne wɔ bɛdabɛ mɔɔ bɛlɛfoa me la anwo zo.+ Ka kile me* kɛ: “Mele wɔ ngoanedievolɛ.”+   Maa bɛdabɛ mɔɔ bɛkpondɛ me bɛahu me la ɛbɔ anyiemgba na bɛ nyunlu ɛgua aze.+ Maa bɛdabɛ mɔɔ bɛlɛfa me nwo adwenle kɛ bɛsɛkye me la ɛva nyiane ɛzia bɛ nzi.   Maa bɛyɛ kɛ abonle mɔɔ lua anwoma nu la;Maa Gyihova anwumabɔvolɛ ɛvoa bɛ ɛmaa bɛhɔ.+   Maa bɛ adenle nu ɛyɛ awozinli nee teteleteteleWɔ mekɛ mɔɔ Gyihova anwumabɔvolɛ ɛlɛfoa bɛ la.   Ɔluakɛ mgbane gyɛne nu ala bɛgua asawu kɛ bɛkye me;Mgbane gyɛne nu ala bɛvu me nwo kuma.   Maa esiane ɛdo ye arɛlevilɛ nu;Maa asawu ne mɔɔ yegua la ɛhye ye;Maa ɔdɔ nu na ɔzɛkye ye.+   Noko mebali fɛlɛko wɔ Gyihova anu;Me nye balie wɔ ye ngoanelielɛ ne ati. 10  Me mbowule kɔsɔɔti baha kɛ: “O Gyihova, nwane a le kɛ ɛdawɔ a? Ɛdie mɔɔ ɛnlɛ boavolɛ la ɛfi anwosesebɛma asa anu,+Ɛdie mɔɔ ɛnlɛ boavolɛ nee ehyianli ɛfi bɛdabɛ mɔɔ bɛsisi* bɛ la asa anu.”+ 11  Dasewiama ba me nyunlu,+Babiza me ninyɛne mɔɔ menze nwolɛ ɛhwee la. 12  Bɛfa ɛtane bɛtua me kpalɛyɛlɛ nwo kakɛ,+Bɛmaa mete nganeɛ kɛ meminli debie. 13  Noko mekɛ mɔɔ bɛnde kpɔkɛ la, mengedale ɛrele;Mengyele ɛhɔne mengilele me nwo nyane,Na mɔɔ bɛandie me asɔneyɛlɛ* la, 14  Menlile nyane menluoluale nu kɛ asɛɛ melɛdi nyane meamaa agɔnwolɛ anzɛɛ adiema la;Menzile me ti aze alɔbɔlɛ nu kɛ awie mɔɔ ɛlɛsu ye mame la. 15  Noko mɔɔ mendɔle aze la, bɛlile fɛlɛko na bɛboɔboale bɛ nloa;Bɛboɔboale bɛ nloa kɛ bɛkɔ me nwo nzia na bɛahu me;Bɛtetele me nu azinli azinli na bɛanyɛ koonwu. 16  Amumuyɛma golo me nwo,*Bɛtwi bɛ gye bɛkile me.+ 17  O Gyihova, ɛnea ye zɛhae wɔahɔdwu kenlenzu?+ Die me fi bɛ ɛtetalɛ ne mɔ anu,+Die me ngoane mɔɔ sonle bolɛ la fi awenade ngyikyi* asa anu.+ 18  Na mebayɛ wɔ mo wɔ asafo kpole ne anu;+Mebaye wɔ ayɛlɛ wɔ menli dɔɔnwo avinli. 19  Mmamaa bɛdabɛ mɔɔ metɛyɛle bɛ ɛhwee noko bɛle me kpɔvolɛma la di fɛlɛko wɔ medame ti;Mmamaa bɛdabɛ mɔɔ mgbane gyɛne nu ala+ bɛkpɔ me la bɔ bɛ nye kile me.+ 20  Ɔluakɛ bɛnga anzodwolɛ nwo edwɛkɛ,Emomu bɛbɔ adalɛ bɛfa menli mɔɔ kulo anzodwolɛ wɔ azɛlɛ ye azo la anwo adwenle ɛtane.+ 21  Bɛbuke bɛ nloa anu wanaanwo bɛto me ɛzonle,Bɛka kɛ, “Nnhee! Nnhee! Yɛ nye ɛnwu ye.” 22  O Gyihova, wɔnwu ɛhye. Mmayɛ koonwu.+ O Gyihova, mmafi me nwo ɛkɛ ɛkɔgyinla moamoa.+ 23  Tunwue na dwazo baboa me,Gyihova me Nyamenle, di me edwɛkɛ maa me. 24  O Gyihova me Nyamenle, bua me ndɛne kɛ mɔɔ wɔ tenleneyɛlɛ ne de la;+Mmamaa medame ti, bɛdi fɛlɛko. 25  Mmamaa bɛka bɛkile bɛ nwo kɛ: “Nnhee! Yɛ sa ɛha mɔɔ yɛkpondɛ la.” Mmamaa bɛka ye ɛlɛ kɛ: “Yɛme ye.”+ 26  Maa bɛ kɔsɔɔti bɛbɔ anyiemgba na bɛ nyunlu ɛgua aze,Bɛdabɛ mɔɔ bɛdi me munzule ne anwo fɛlɛko la. Maa bɛdabɛ mɔɔ bɛmemaa bɛ nwo zo bɛtia me la ɛheda nyiane nee anyiemgba. 27  Noko maa bɛdabɛ mɔɔ bɛ nye die me tenleneyɛlɛ nwo la ɛva anyelielɛ ɛdeɛdea nu;Maa bɛha ye dahuu kɛ: “Bɛhanvo Gyihova mɔɔ ɔ nye die ye sonvolɛ ne anzodwolɛ nwo la.”+ 28  Akee me tafinlima baha wɔ tenleneyɛlɛ nwo edwɛkɛ+Na yeaye wɔ ayɛlɛ dahuu.+

Ɔbodwɛkɛ

Anzɛɛ “me ɛkɛla.”
Anzɛɛ “bɛwua.”
Anzɛɛ “me asɔneyɛlɛ ziale rale me kɛnra anu.”
Anzɛɛ ɔkola ɔkile, “Amumuyɛma golo me nwo die paano sinli.”
Anzɛɛ “awenade ngakula mɔɔ anwo yɛ se la.”