Edwɛne 30:1-12
-
Ɛzunlɛ kakyi fɛlɛkolilɛ
-
Nyamenle anyunlu ɛlolɛ wɔ ɛkɛ ne dahuu (5)
-
Ayɛlɛyelɛ edwɛne. Edwɛne mɔɔ bɛdole bɛyilale sua ne azo la. Devidi edwɛne.
30 O Gyihova, mebayeyɛ wɔ ɔluakɛ wɔye me wɔvi ewule kuma* nu;Wɔammaa me kpɔvolɛma anli me azedɔlɛ nwo fɛlɛko.+
2 O Gyihova me Nyamenle, menzunle menvɛlɛle wɔ kɛ ɛboa me, na ɛyɛle me ayile.+
3 O Gyihova, wɔye me wɔvi Nla* ne anu.+
Wɔmaa medɛnla ngoane nu; wɔammaa meammi ewule kuma ne anu.+
4 Bɛmɛ ye nɔhavoma, bɛdo* edwɛne bɛye Gyihova ayɛlɛ,+Bɛye ye duma*+ nwuanzanwuanza ne ayɛlɛ;
5 Ɔluakɛ ɔfa sonla nwo ɛya a ɔngyɛ,+Noko ɔ nyunlu ɛlolɛ wɔ ɛkɛ ne dahuu.+
Ɛzunlɛ bara aledwolɛ nu, noko anyelielɛ bara alehyenlɛ nu.+
6 Mekɛ mɔɔ melɛ anzodwolɛ la, menganle kɛ:
“Ɛhwee ɛngola me bo tu.”
7 O Gyihova, mekɛ mɔɔ menyianle ɛ nyunlu ɛlolɛ la, ɛmaanle me nwo yɛle se kɛ boka.+
Noko mɔɔ ɛvale ɛ nye ɛveale me la, ɛzulolɛ hanle me.+
8 O Gyihova, wɔmɔ a mengɔle zo menvɛlɛle wɔ a;+Na Gyihova a mengɔle zo membodole ye kɛ ɔlo me a.
9 Duzu nvasoɛ a wɔ me ewule* nee kuma*+ ne mɔɔ melɛkɔ nu la azo a?
Asoo ndɛtɛlɛ baye wɔ ayɛlɛ?+ Asoo ɔbaha wɔ nɔhalɛlilɛ ne anwo edwɛkɛ?+
10 O Gyihova, tie me na maa menyia ɛ nyunlu ɛlolɛ.+
O Gyihova, yɛ me boavolɛ.+
11 Wɔmaa me nyanelilɛ ɛhakyi agolezilɛ;Wɔye me ɛrele ne wɔgua na wɔva fɛlɛkolilɛ wɔheda me,
12 Amaa meanyɛ* koonwu na meado ayɛlɛyelɛ edwɛne meamaa wɔ.
O Gyihova me Nyamenle, mebaye wɔ ayɛlɛ dahuu.
Ɔbodwɛkɛ
^ Anzɛɛ “nla.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Anzɛɛ “bɛbɔ.”
^ Hibulu aneɛ nu, “ngakyelɛ.”
^ Hibulu aneɛ nu, “mogya.”
^ Anzɛɛ “nla.”
^ Anzɛɛ “me anyunlunyia anyɛ.”
