Edwɛne 29:1-11
Devidi ayɛlɛyelɛ edwɛne.
29 Bɛmɛ katakyiema amra, bɛva mɔɔ fɛta Gyihova la bɛmaa ye,Bɛva anyunlunyia nee anwosesebɛ mɔɔ fɛta Gyihova la bɛmaa ye.+
2 Bɛva anyunlunyia mɔɔ fɛta Gyihova duma ne la bɛmaa ye.
Bɛva anwoziezielɛ nwuanzanwuanza* bɛbutu bɛ nyunlu aze bɛmaa Gyihova.*
3 Bɛte Gyihova ane wɔ nzule ne mɔ azo;Anyunlunyia Nyamenle ne ane kuluhulu kɛ ezule la.+
Gyihova nea nzule ne mɔ azo.+
4 Tumi wɔ Gyihova ane ne anu;+Anyunlunyia wɔ Gyihova ane ne anu.
5 Gyihova ane bubu sida mbaka;Ɛhɛe, Gyihova bubu Lɛbanɔn sida mbaka nu azinli azinli.+
6 Ɔmaa Lɛbanɔn* wuluwulu kɛ ɛnlankɛ ralɛ,Na ɔmaa Seleɔn+ wuluwulu kɛ ɛbɔ nu ɛnlankɛ ralɛ nyinli.
7 Gyihova ane kpa sendɔlɔra;+
8 Gyihova ane maa fienemgbole kpusu;+Gyihova maa Keedɛhye fienemgbole+ kpusu.
9 Gyihova ane maa weɛlɛ nwo woso ye na ɔwoYɛɛ ɔmaa ɛhoayelɛ ne mɔ nya kpolo gua.+
Na bɛdabɛ mɔɔ bɛwɔ ye ɛzonlenlɛsua ne anu la amuala ka kɛ: “Anyunlunyia ɛha Nyamenle!”
10 Gyihova de belemgbunli ebia nu wɔ azuyilɛ dɔɔnwo azo;*+Gyihova de belemgbunli ebia nu kɛ Belemgbunli dahuu.+
11 Gyihova bamaa ye menli ne anwosesebɛ.+
Gyihova bava anzodwolɛ ayila ye menli ne.+
