Edwɛne 28:1-9

  • Bɛdiele edwɛndolɛnli ne asɔneyɛlɛ

    • “Gyihova le me anwosesebɛ nee me enyinlike” (7)

Devidi edwɛne. 28  O Gyihova me Bodane,+ wɔmɔ a mekɔ zo mefɛlɛ wɔ a;Mmatuodua ɛ nzo wɔ me nwo. Saa wɔandɛne me zo a,Mebayɛ kɛ bɛdabɛ mɔɔ bɛlɛkɔ ewule kuma* nu la.+   Saa mesu mefɛlɛ wɔ kɛ ɛboa me a, tie me nzɛlɛlɛSaa memaa me sa zo mekile wɔ ɛzonlenlɛsua+ ne ekpumgbunli ne mɔɔ wɔ ɔ kunlu nehane kpalɛ la a, tie me.   Mmatwili me ɛboka amumuyɛma nee bɛdabɛ mɔɔ bɛyɛ ninyɛndane la anwo ɛkɔ,+Bɛdabɛ mɔɔ bɛka anzodwolɛ nwo edwɛkɛ bɛkile bɛ gɔnwo mɔ noko ɛtane a wɔ bɛ ahonle nu la.+   Tua bɛ kakɛ wɔ bɛ nyɛleɛ nwo,+Kɛ mɔɔ bɛ ninyɛndane ne mɔ de la. Tua mɔɔ bɛyɛ la anwo kakɛ,Kɛ mɔɔ bɛ sa anloa gyima de la.+   Ɔluakɛ bɛmbu Gyihova gyima ne mɔ,+Anzɛɛ ɔ sa anloa gyima ne mɔ bie.+ Ɔbabubu bɛ yeagua na ɔnrɛboa bɛ.*   Ayɛlɛyelɛ ɛha Gyihova,Ɔluakɛ yede me modolɛ nzɛlɛlɛ.   Gyihova le me anwosesebɛ+ nee me enyinlike;+Ɔdaye a mefa me ahonle mewula ye nu a.+ Menyia ye moalɛ, na me ahonle di fɛlɛko,Ɔti mebado edwɛne meaye ye ayɛlɛ.   Gyihova le ye menli ne anwosesebɛ;Ɔle aranemgbole, ɔfa ngoanelielɛ kpole ɔmaa mɔɔ yekpokpa ye la.+   Die wɔ menli ne na yila wɔ agyapadeɛ ne.+ Nea bɛ nwo zo na dɛ bɛ wɔ ɛ sa zo dahuu.+

Ɔbodwɛkɛ

Anzɛɛ “nla.”
Hibulu aneɛ nu, “ɔnrɛzi bɛ bieko.”