Edwɛne 20:1-9
-
Nyamenle belemgbunli ne mɔɔ yekpokpa ye la ngoanelielɛ
-
Bie mɔ fa bɛ nwo to ehwili nee mgbɔnwɔ zo, ‘noko yɛmɛ yɛbabɔ Gyihova duma’ (7)
-
Kɔmaa edwɛndolɛma kpanyinli ne. Devidi ayɛlɛyelɛ edwɛne.
20 Gyihova ɛdie wɔ wɔ anwongyelelɛ kenle nu.
Gyekɔbo Nyamenle ne duma ɛbɔ ɛ nwo bane.+
2 Maa ɔvi ɛleka nwuanzanwuanza ne ɔraboa wɔ+Na ɔvi Zayɔn ɔrazɔ wɔ nu.+
3 Ɔhakye wɔ ahyɛlɛ afɔlebɔdeɛ kɔsɔɔti;Maa wɔ ɛyelalɛ afɔlebɔlɛ ɛzɔ ɔ nye.* (Sila)
4 Ɔmaa ɛ sa ɛha mɔɔ wɔ ahonle kulo la,+Na ɔmaa wɔ ngyehyɛleɛ muala ɛyɛ boɛ.
5 Yɛbava anyelielɛ yɛadeɛdea nu wɔ wɔ ngoanelielɛ ti;+Yɛbamaa yɛ sɛkɛlɛneɛ zo wɔ yɛ Nyamenle ne duma nu.+
Gyihova ɛmaa ɛ sa ɛha mɔɔ ɛkɛbiza la kɔsɔɔti.
6 Akee menwu kɛ Gyihova die mɔɔ yekpokpa ye la.+
Ɔfi ye ɛleka nwuanzanwuanza ne wɔ anwuma lɔ ɔtie yeƆfa ɔ sa fema ne mɔɔ tumi wɔ nu la ɔdie ye.+
7 Bie mɔ fa bɛ nwo to konle ehwili zo yɛɛ bie mɔ fa bɛ nwo to mgbɔnwɔ zo,+Noko yɛmɛ yɛbabɔ Gyihova yɛ Nyamenle ne duma.+
8 Bɛgolo bɛgua,Noko yɛmɛ, yɛdwazo yɛgyinla bieko.+
9 O Gyihova, die belemgbunli ne!+
Kenle mɔɔ yɛbavɛlɛ ye kɛ ɔboa yɛ la, ɔbadie yɛ.+
Ɔbodwɛkɛ
^ Hibulu aneɛ nu, “Maa ɔbu bɛ kɛ bɛlɔ.”
