Edwɛne 17:1-15
Devidi asɔneyɛlɛ.
17 O Gyihova tie me pɛlepɛlelilɛ nwo modolɛ;Tie me ɛzunlɛ;Tie me asɔneyɛlɛ mɔɔ mɛlɛbɛla ɛnle nu la.+
2 Bua ndɛne fɔɔnwo maa me;+Maa ɛ nye ɛnwu mɔɔ tenrɛ la.
3 Wɔnleɛnlea me ahonle nu, wɔnleɛnlea me nu nɔɔzo;+Wɔdu me nu evinli;+Wɔnwu ye kɛ metɛfale adwenle ɛtane biala,Yɛɛ me nloa ɛtɛtonle mɛla.
4 Na menli nyɛleɛ nwo ɛdeɛ,Ɛ nloa edwɛkɛ ne ati, mekpo awule ndenle.+
5 Maa menlua wɔ ndenle nuAmaa me gyakɛ amkpula.+
6 O Nyamenle, mesu mefɛlɛ wɔ, ɔluakɛ ɛbadie me.+
Gyele ɛ nzo maa me. Tie me edwɛkɛ.+
7 Da wɔ ɛlɔlɛ kpundii ne ali wɔ nwanwane adenle zo,+O bɛdabɛ mɔɔ bɛkpondɛ ɛvealeka wɔ ɛ sa fema ne anu la NgoanedievolɛƐdie bɛ ɛfi bɛdabɛ mɔɔ bɛte ɛ nwo atua la asa anu.
8 Bɔ me nwo bane kɛ ɛ nye ma* ne la;+Fa me fea ɛ ndɛba abo alubo ne anu.+
9 Bɔ me nwo bane fi amumuyɛma mɔɔ teta me la asa anu,Ye me fi kpɔvolɛma mɔɔ ɛbɔ me ɛyia na bɛkpondɛ me bɛahu me la asa anu.+
10 Bɛ ahonle ɛsolo;Bɛfa bɛ nloa bɛtendɛ anwomemaazo nu;
11 Kɛkala bɛbɛnga yɛ bɛyia;+Bɛkpondɛ adenle bɛalua zo bɛado yɛ aze.
12 Ɔle kɛ awenade mɔɔ ɛlɛkpondɛ nane atete ye nu azinli azinli,Kɛ awenade kakula mɔɔ ɛhɔ nzia la.
13 O Gyihova, dwazo, yia ye+ na ka ye to aze;Fa wɔ konle dadeɛ ne die me fi amumuyɛnli ne asa anu;
14 O Gyihova, fa ɛ sa die me fi menli mɔɔ wɔ ewiade ɛhye anu,Mɔɔ bɛ kyɛfoa wɔ ngoane ɛhye anu la asa anu,+Bɛdabɛ mɔɔ ɛmaa bɛ ninyɛne mgbalɛ ɛmaa bɛ ko yi+Na bɛgyakyi agyapadeɛ bɛmaa bɛ mra dɔɔnwo ne la.
15 Mame ɛdeɛ, tenleneyɛlɛ nu a mebanwu ɛ nyunlu a;Me nye die nwo kɛ mebadunwue wɔ ɛ nyunlu.*+
