Edwɛne 150:1-6

  • Bɛmaa debie biala mɔɔ die ɛnwomenle la ɛye Gyaa ayɛlɛ

    • Bɛye Gyaa ayɛlɛ! (1, 6)

150  Bɛye Gyaa* ayɛlɛ!+ Bɛye Nyamenle ayɛlɛ wɔ ye ɛleka nwuanzanwuanza ne.+ Bɛye ye ayɛlɛ wɔ anwomanyunlu mɔɔ ɔdi ye anwosesebɛ ne anwo daselɛ la.+  2  Bɛye ye ayɛlɛ wɔ ye gyima mgbole* ne mɔ anwo.+ Bɛye ye ayɛlɛ wɔ ye kpoleyɛlɛ ne mɔɔ bo zo la ati.+  3  Bɛbɔ aweɛne bɛye ye ayɛlɛ.+ Bɛva getaa* nee haape bɛye ye ayɛlɛ.+  4  Bɛva akɛya na bɛbɔ kutukpunli bɛzi agole bɛye ye ayɛlɛ.+ Bɛva getaa*+ nee fulutu*+ bɛye ye ayɛlɛ.  5  Bɛva mbulalɛ mɔɔ dielie la bɛye ye ayɛlɛ. Bɛva mbulalɛ mɔɔ yɛ dede la bɛye ye ayɛlɛ.+  6  Bɛmaa debie biala mɔɔ die ɛnwomenle la ɛye Gyaa ayɛlɛ. Bɛye Gyaa* ayɛlɛ!+

Ɔbodwɛkɛ

^ Anzɛɛ “Hallelujah!” “Gyaa” le Gyihova duma ne mɔɔ bɛpɛ ye sinli.
^ Anzɛɛ “tumi gyima.”
^ Nea 33:2 ɔbdw.
^ Nea 33:2 ɔbdw.
^ Anzɛɛ “paepe.”
^ Anzɛɛ “Hallelujah!” “Gyaa” le Gyihova duma ne mɔɔ bɛpɛ ye sinli.
NGƐLƐLERA NWUANZANWUANZA—EWIADE FOFOLƐ NGILEBƐBO
Edwɛne 150
Nzema
Kenga Baebolo Ne Wɔ Yintanɛte Ne Azo
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg

Copyrights for this publication