Edwɛne 15:1-5

  • Nwane a bayɛ ɛyɛvolɛ wɔ Gyihova ɛdanlɛsua ne anu a?

    • Ɔka nɔhalɛ wɔ ye ahonle nu (2)

    • Ɔnzɛkye awie mɔ duma (3)

    • Ɔdi ye ɛwɔkɛ zo saa bɔbɔ ɔyɛ ye nyane a (4)

Devidi ayɛlɛyelɛ edwɛne. 15  O Gyihova, nwane a bayɛ ɛyɛvolɛ wɔ wɔ ɛdanlɛsua ne anu a? Nwane a badɛnla wɔ boka nwuanzanwuanza ne azo a?+   Sonla mɔɔ anwo ɛnlɛ ngehanleɛ,*+Ɔyɛ mɔɔ tenrɛ+Na ɔka nɔhalɛ wɔ ye ahonle nu la.+   Ɔnva ɔ tafinlima ɔnzɛkye awie mɔ duma,+Ɔnyɛ ɔ gɔnwo ɛtane,+Yɛɛ ɔngeha ɔ gɔnwo mɔ anwo edwɛkɛ ɛtane ɛtane.*+   Ɔkpo awie biala mɔɔ yɛ* kyibadeɛ la,+Noko ɔdi bɛdabɛ mɔɔ bɛsulo Gyihova la eni. Ɔbɔ ɛwɔkɛ a ɔngakyi ɔ nloa, saa bɔbɔ ɔyɛ se kɛ ɔbali zo a.+   Ɔnva ye ezukoa ɔmbɔ bosea ɔnlie mpaefoa,+Yɛɛ ɔnlie belaebo ɔntia mɔɔ edwɛkɛ ɛnle ɔ nwo la.+ Sonla mɔɔ yɛ ɛhye mɔ amuala la gyi ye kpundii dahuu.*+

Ɔbodwɛkɛ

Anzɛɛ “ɔdua ye munlililɛ nu.”
Anzɛɛ “ɔngua ɔ gɔnwo mɔ anyunlu aze.”
Hibulu aneɛ nu, “le.”
Anzɛɛ “ɛhwee ɛngola ɔ bo tu.”