Edwɛne 149:1-9
149 Bɛye Gyaa* ayɛlɛ!
Bɛdo edwɛne fofolɛ bɛmaa Gyihova;+Bɛye ye ayɛlɛ wɔ nɔhavoma asafo ne anu.+
2 Bɛmaa Yizilayɛ ɛli fɛlɛko wɔ ye Yɛvolɛ Kpole ne anu;+Bɛmaa Zayɔnoma anye ɛlie bɛ Belemgbunli ne anwo.
3 Bɛmaa bɛva agolezilɛ bɛye ye duma ne ayɛlɛ+Na bɛva akɛya nee haape bɛdo* ayɛlɛyelɛ edwɛne bɛmaa ye.+
4 Ɔluakɛ Gyihova anye die ye menli ne anwo.+
Ɔfa ngoanelielɛ ɔsiezie bɛlɛvoma ɔmaa bɛ nwo yɛ fɛ.+
5 Bɛmaa nɔhavoma ɛli fɛlɛko wɔ anyunlunyia nu;Bɛmaa bɛdeɛdea nu anyelielɛ nu wɔ bɛ ɛkpa zo.+
6 Bɛmaa edwɛne mɔɔ bɛto bɛye Nyamenle ayɛlɛ la ɛzɔ bɛ nloa anu,Na bɛlɛ konle dadeɛ anye nwiɔ bɛ sa nu,
7 Bɛva bɛli maanle maanle ne mɔ nzenralɛNa bɛva bɛhwe menli ne mɔ anzo,
8 Kɛ bɛva kyeenyi bɛgua bɛ arelemgbunliNa bɛva mbulalɛ ngɛba bɛgua bɛ menli titili,
9 Bɛbua bɛ ndɛne kɛ mɔɔ bɛhɛlɛ bɛdo ɛkɛ ne la.+
Enililɛ ɛhye wɔ ɛkɛ ne maa ye nɔhavoma kɔsɔɔti.
Bɛye Gyaa* ayɛlɛ!
