Edwɛne 148:1-14
148 Bɛye Gyaa* ayɛlɛ!
Bɛvi anwuma lɔ bɛye Gyihova ayɛlɛ;+Bɛye ye ayɛlɛ wɔ anwuma anwuma lɔ.
2 Bɛye ye ayɛlɛ, ye anwumabɔvolɛma kɔsɔɔti.+
Bɛye ye ayɛlɛ, ye ɛlɔnema amuala.+
3 Bɛye ye ayɛlɛ, sɛnzɛne nee siane.
Bɛye ye ayɛlɛ, nwɔlɔra mɔɔ ta la amuala.+
4 Bɛye ye ayɛlɛ, O anwuma kpalɛ kpalɛ*Nee nzule mɔɔ wɔ anwuma lɔ la.
5 Bɛmaa bɛye Gyihova duma ne ayɛlɛ,Ɔluakɛ ɔhanle, yɛɛ bɛbɔle bɛ a.+
6 Yeva bɛ yezie ɛkɛ ne dahuu;+Yeva mɛla mɔɔ ɛnrɛpɛ nu ɛlɛ la yemaa.+
7 Bɛye Gyihova ayɛlɛ wɔ azɛlɛ ye azo,Bɛmɛ nyevile nu abɔdeɛ mgbole nee azule mgbole kɔsɔɔti,
8 Ɛsɛlɛmanye nee ezuawolɛ, ezukɔtweaba nee amungu mungumungu,Wɔmɔ anwoma ɛsesebɛ mɔɔ di ye edwɛkɛ zo,+
9 Bɛmɛ awoka mgbole nee ngyikyi kɔsɔɔti,+Bɛmɛ mbaka mɔɔ so ma nee sida mbaka kɔsɔɔti,+
10 Bɛmɛ ɛbɔ nu nane+ nee sua zo nyɛmoa kɔsɔɔti,Bɛmɛ ninyɛne mɔɔ twenle bɛ kɛnra aze nee nloma,
11 Bɛmɛ azɛlɛ ye azo arelemgbunli nee maanle maanle kɔsɔɔti,Bɛmɛ mgbanyima nee azɛlɛ ye azo ndɛnebuavolɛma kɔsɔɔti,+
12 Bɛmɛ mgbavolɛ nee mbɛlɛra,*Mrenyia mgbanyinli* nee ngakula kɔsɔɔti.
13 Bɛmaa bɛye Gyihova duma ne ayɛlɛ,Ɔluakɛ ye duma ne angomekye a bo duma biala azo a.+
Ye anyunlunyia bo azɛlɛ ne nee anwuma anwo zo.+
14 Ɔbakpogya ye menli ne anwosesebɛ* ne zo,Ɔbamaa ye nɔhavoma kɔsɔɔti ayɛlɛyelɛ ayɛ kpole,Yizilayɛma, menli mɔɔ bikye ye la.
Bɛye Gyaa* ayɛlɛ!
Ɔbodwɛkɛ
^ Anzɛɛ “Hallelujah!” “Gyaa” le Gyihova duma ne mɔɔ bɛpɛ ye sinli.
^ Hibulu aneɛ nu, “anwuma lɔ anwuma.”
^ Hibulu aneɛ nu, “mraalɛ mɔɔ ɛnze mrenyia.”
^ Anzɛɛ “Mgbanyinli.”
^ Hibulu aneɛ nu, “mɛne.”
^ Anzɛɛ “Hallelujah!” “Gyaa” le Gyihova duma ne mɔɔ bɛpɛ ye sinli.
